إقتباس الرسالة الأصلية كتبت بواسطة abdulaziz54 على فكرة عيسى المحياني من افضل هدافي الدوري السعودي في الاعوام الاخيرة .. والهجوم الهلالي ليس ضعيفا لكي نطرح هذا الطرح الغير منطقي .. يا ناس 24 هدف في 8 مباريات !! اين الضعف أخبروني ؟؟

الضعف ان معظم الاهداف كانت عن طريق لاعبين الوسط شوف الشلهوب مالقى احد يصنع له صاريجيب الاهداف بنفسه وصار هداف الدوري حاليا مع انه هو قال ليست مهمتي تسيجيل الاهداف

إقتباس يا ناس 24 هدف في 8 مباريات !! اين الضعف أخبروني ؟؟

اخوي انا معك 24 هدف في 8 مباريات حلوهـ كثير

بس لو تعطيني من جاب الاهداف اكون شاكر لك كثير

وياليت بعد تعلمني المهاجمين اللي جايبين الاهداف


على فكرهـ ترى المهاجمين ماجابو منها غير يمكن 6 اهداف او 7

إقتباس الرسالة الأصلية كتبت بواسطة رحــ هلالي ــال اخوي انا معك 24 هدف في 8 مباريات حلوهـ كثير بس لو تعطيني من جاب الاهداف اكون شاكر لك كثير وياليت بعد تعلمني المهاجمين اللي جايبين الاهداف على فكرهـ ترى المهاجمين ماجابو منها غير يمكن 6 اهداف او 7

ياعزيزي ان شاء الله المهاجمين ماسجلوا الا هدفين المهم ان عندي فريق كامل يسجل باي وقت والكامل وجه الله

شوفي الوفاء دين انا ماراح ارد عليك وكانك عضو عادي انتي من ضمن افضل الكتاب في الشبكة لذا استحمليني شوي

شوفي خليني اشرح لك شي وحيد انا هلالي وماهمني اللي يلعب فالملعب لو يكون هجومي منصور البلوي وكحيلان

لكن مادام انهم لابسين فنيلة الهلال ويحملون شعاره راح اكون اول واحد يشجعهم
انتوا الحين شابين فالمواضيع على ياسر والهجوم والمشكلة مادري على ايش تعتمدون ؟
اهداف الحين ياسر مسجل 4 اهداف بمعدل نصف هدف لكل مباراة وصنع اكثر من 3 اهداف على الاقل اذا ماخاب ضني
والمباراة الوحيدة اللي مابداع فيها هي مباراةالنصر الشوط الاول ضيع فرص والثاني موموجود مع كل الفريق
والمشكلة تقولون اي واحد يتكلم مطبل ولازم تكون واقعي وتقول ياسر هابط مستواه
انا الحين اقولك ياسر رجع تقريبا ل 70% من مستواه وحنا ضاغطين عليه
ومحمد الشلهوب اللي تمدحينه اليوم شوفي ليه كان غايب خلال السنتين اللي راحت بسبب مدرب ثانيا بسببنا حنا جماهير الهلال
وبعضهم يطالبونه بالاعتزال ولا يهونون اللي ينتقدون الدعيع

والحين رجع رجع ليه لان الجمهور ككل نسوا واحد اسمه محمد ومايتذكرون الا واحد اسمه ياسر ومايشوفون الا هو

ومايركزون الا عليه يعني لاعب عليه كل هالضغط وين بيبدع تخيلي اروح الملعب اذا جاء ياسر يبغى الجمهور يصفق يطلعون لك يقولون لاتصفقون يعني مدري وش تبغون اذا وسط المباراة ماتشجعونه مدري متى تشجعونه

والمنتدى هنا بعد مباراة امس اشوف الكثير يقولون اناني ياخي اناني عشانك انت وياه هبلتوا فيه اذا ياسر سجل تقولون لسى مارجع وهذا مو دليل واذا صبع تقولون المهاجم المفروض يسجل واذا كان في مثل مباراة امس يحاول انه يعدي عشان يسجل ويرضيكم تقولون اناني يعني ابي اعرف وش المطلوب من ياسر ؟ هل تبغونه يلعب في جميع المراكز ويبدع


ثانيا بتكلم لك عن ياسر وجيريتس الحين جيريتس هل من المعقول انه راح يجيب مهاجم ويدخله مع ياسر ويتخلى عن تشكيلة فريقين في الوسط (ماشاء الله تبارك الله)يعني هو بنفسه محتار من يدخل فالوسط وحرام لو راح نيفيز او ولي ويجي بدالهم مهاجم مانضمن يكون مستواه جيد وحتى لو راح واحد منهم يضل عندنا وسط قوي ونقدر نعتمد عليه

ثالثا بسالك سؤال واحد اكيد تعرفين نادي الاتحاد ابسالك كم عنده مهاجم ؟ والحين في نصف النهائي والنهائي تدرين انهم يلعبون بدون مهاجم ؟

ترى كل هالكلام لانك مو عضو عادي وراح اكتبه لكل شخص اهتم في رأية واقرا له اما بقية اللي معاهم معاهم اشوف مواضيعهم ولا افكر ارد عليهم لاني ادري مهما جبت ادلة ماراح يقتنعون الا اذا دخلوا منتديات النصر ولقوهم يمدحون ياسر


تحياتي

على ماقالوووووووووووووووو ..... ابو جازع ماتغير حتى جسمه وشكله هو

أنت كويس .. ومووووضووعك كويس .. وطرحــك رااايق أهنيييك من قلب

..

كل المجموعة ماقصروا في كل الجولات .. من الدعيع الين ياسر ..}

وإن شاء القادم أفضل ..

ونيفيز ألحين بيكرهـ رقم 10 بيقول ماني قدّهـ

..

والإتح.ـــاد بسلامته .. نقول لهم موفقين في النهائي ..

وآهـ يا عزيز .. مدري وش آخرتهــا مع.ــــك

..
مرهـ ثانيه .. مشكور ع الموضووووع يا عمي ولاتحرمنــا جديدك

لو جازع موجود بالوقت الحالي لتغير رأيه وسيعايش الواقع

إقتباس انا اعتقد ان اللاعب إذا كان له الرغبه انه يخدم ناديه و يخدم الفانيله اللي يلعب بها

المفروض تزخرف وتعلق داخل النادي ..

الله يذكره بالخير يوسف جازع من الزمن الجميل .. من زمن العشق للكيان قبل الذات ..

ماهو قصور بالموجودين لكن البرود اللي يسكنهم احياناً يقلقنا <<< ماقدرت انسى مبارتنا مع الوحدة الاماراتي ماكان احد فيهم عنده ضروف ومع كذا نفس برود مباراة ام صلال ماعدا الشلهوب رغم ضروفه القاسيه التى لم يمضي عليها اقل من اسبوع الا انه تحس انه يحترق عشان الكيان يركض ويجيب الكوره لحارس الوحدة .. قسم بالله ان الضروف اللي تعرض لها الشلهوب محد تعرض لها اتذكر كان قلبي يحترق وانا اقرأ بعض المواضيع والردود التي تطالب بأعتزاله او اعارته لكن وقتها لم اسجل بالشبكة .. صحيح محد فوق الانتقاد دامه في مصلحة الزعيم لكن اللي يعرف روح الزمن الماضي يقدر يفرق بين لاعب ولاعب والشلهوب من ريحة الزمن الجميل اللي اااااخر شيء يفكر فيه هي نفسه ...

إقتباس -لن أخفي عن عزيز أنني ما زلت أتمنى عودته !!

يجب ان يكون هذا الدرس اقسى درس مر علي عزيز ليس تشفي به ..ولكن ليعود لنا دون غياب ..اتخيل لو غاب ماأقول الا الله يستر مادري وش بيكون مصيره .. ان شاء الله يرجع ولكن بعدددد ان ينفذ كل مايريده منه جريتس .. فقط لمصلحته <<<وبدون مايدري عزيز اتمنى عودته

الف شكر لصاحب الموضوع ...

وتقبل وجهة نظري

:

الوفآ دين
مشكورهـ ع الموضوع الحلو ..

عندي تعليق ع كذآ نقطه , يآليت تتقبلينهم بصدر رحب ::
إذا جآب المدآفع هدف , مو معنآهـ إن الفريق فيه نقص هجوميّآ { مآ احب كلمة فآشل } !
مشكلتنآ مآ تعودنآ ع تكتيكـ جيريتس , جيريتس مآ يعتمد ع الهجوم بس
هو يوظف المهآجمين بشكل حلو , بحيث إنهم يفتحون مسآحات للي جآيين من ورآ مثل الشلهوب و ويلي
أو يسحبون معهم دفآع , يربشون الدفآع , بالإضآفه إلى التسجيل طبعآ ..
بس التسجيل مو المهمه الوحيدهـ لهم !

عكس خطة كوزمين , اللي كنآ نعتمد فيهآ ع يآسر بشكل أسآسي
كنآ نشوف الفريق مع كوزمين , من رآدوي لـ التآيب , لـ يآسر وهووبآ هدف !
وإذا يآسر أو التايب أصيبو , أو مو مركزين بالمبآراهـ ضعنآ ~

قبل العآم واللي كآن الهلآل بطل الدوري بهدف يآسر , ياسر كآن مسجل عشر أهدآف
و العآم و بالرغم من إن ياسر مسوي عمليتين , ومآ عسكر مع الفريق المدة كآملة , وبالرغم من الظروف اللي مرت عليه
مسجل عشر أهدآف !!

وفي هالموسم لعب الهلآل ثمآن مباريات , سجل ياسر معدل حلو
لو يستمر عليه إن شآء الله رآح يكون نهآية الموسم مسجل 12 هدف
ويــآ رب نشوفه مسجل أكثر ~

أما مطآلبتنآ بالمهاجم الأجنبي , أتوقع تكلمنآ في هذا الموضوع كثيـر !
اللي ركن عزيز { أفضل محور في آسيا } خارج التشكيلة أربع اسابيع , واللي رفض إن هوساوي ياخذ كرت حتى يعلم اللاعبين إن كلكم سوأسيّه , مآ أتوقع إنه بيتركـ لآعب اساسي وهو مآ جآلس يقدم شئ !!

الصويلح و العنبر مصآبين , الله يرجعهم لنآ سالمين
و عيسـى , ممكن لتغييـر مركزهـ دور , ولأنه مآ أخذ فرصته كآمله ..


بالنسبة لـ النقد الجآرح والتطبيل
كل الطريقين يأدون لـ نفس الشئ , ضعف مستوى اللاعب , وزيآدة ضغوط عليه ..
فـ يآليت نقول لـ المحسن أحسنت , مثل مآ نقول لـ المخطئ أسأت !


مشكـورة أختي الوفآ
وآسفه ع الإطآله ~

:

اول شئ احب اشكرك على موضوعك اللي اختلف معك بنقطة الا وهي المحترف الاجنبي او المهاجم الاجنبي

ياعالم افهموا الفريق الآن يعيش فترة انسجام واضحه في كل الخطوط .. كل يوم ناط لك واحد وياادارة تكفون تكفون نبي مهاجم عالمي ..َ!

طيب 24 هدف في 8 مباريات بمعدل 3 اهداف بكل مباراة ماهي عاجبتكم .؟

المهاجمين الموجودين اللي بس يحتاجون اتاحة الفرصة من المدرب ماهم عاجبينكم؟

المحياني وياسر والعنبر والصويلح الله يقومه بالسلامه .. وغير كذا عندنا وسط يسجل اهداف وغير كذا ماشاء الله تبارك الله الشلهوب صانع العاب وحاليا متصدر هدافي الدوري !

يعني عندنا وسط يسجل الشلهوب , ويلي , الفريدي , الدوسري عبدالعزيز وتياقو نيفيز ..!

وتقولون لي الاسيويه تبي مهاجم هداف وعالمي ؟

طيب المهاجمين الاربعه ماملون عينكم !

وغير كذا بامكان المدرب يستعين بالعابد والمؤشر متى مااحتاجهم .. وطريقة المدرب كما ذكر احد الاخوان تعتمد على ان كل اعضاء الفريق يسجلون حتى ابو كلبشه الله يحميه من الاصابات ..

بالنسبه لتياقو نيفيز الله يرحم والديكم ارحمونا شووووووووووووي

في بداية الدوري تنتقدونه نقد جارح والحين يوم بدا يتاقلم مع الفريق كل يوم واحد ناط لي يبي يعيره لنادي ثاني < اشوى انه مب مدرب للفريق ..

ولا الثاني يقول نيفيز فاشل وماتاقلم ولا الثالث يقولي لازم مهاجم اجنبي ..

اذا انت عندك وسط يسجل لك اهداف وباي وقت هذا شئ ممتاز ونقطة ايجابية ومع وجود الرباعي الهجومي ياسر , عيسى , الصويلح العنبر

الله يخليكم ارحمونا من نقد نيفيز الجارح ... اللاعب شوي شوي يتاقلم مع الفريق مثل ماحصل لويلي بداية الموسم الماضي
سبحان الله نفس المواضيع اللهم هالسنه نقد عن نيفيز ..

عوافي

جبتيها على الجرح فعلا هناك من الاعبين من يكون لاعب بلسانة وتصريحاته اكثر من كونه لاعبا في الملعب هناك لاعبين في الفريق كسروا انضباط جريتس من خلال الاحتفاظ بالكرة بدل اللمسة الواحده والاستئثار بالتسجيل بدل الجماعية ,
اما الشلهوب فهولاعب من طراز العمالقة
مع كل ماوجهه من ظروف الا انه عاد لنا
الموهوب ذالك الفتى الرائع
اما بالنسبة لدوي زين للمنحرفين والتوقفات والموجلات فحدث ولا حرج
اما المهاجم الاجنبي فنحتاجه جدا في ضل تواضع مستويات المهاجمين لدينا
اختي الوفا دينـ ـموضوعك رائع كروعة فكرك
شكرا لك

محمد الشهلوب نجم والله اني احبه

الله يطول بعمره وعقبال مايحوس وليد عبدالله ومبروك زايد

الوفا دينكتبت فأبدعـت لن اتطرق في نقطة موضوع الأعلام والـمادة وغيرها لأني اتفق مع كلام الكـابتن الكبير يوسف جازع .شدني في النقـاط الى ذكرتها حاجتين :مسألة " لو" تأهل نادي الأتحاد لـبطولة اندية العالم كيف سيكون حالـ دورينا .؟والثانية .. أتمنى معك عـودة عزيز .شاكر لك يالغالي وتقبل مروري و ردي المتواضع.

يعطيك العافيه على موضوعك الرائع

يعطيك العافيه على هيك موضوع ..

لكن ..!
الفريق كذا ممتاز مع الأجانب الموجودين حالياً ..
ولا ودنا نخسر أحد ><"