^

باك بعد انقطاع النت يومين

أيوب .. مو كل الناس ما تقتنع بالرأي المخالف ،،

بالنسبة لي من خلال قراءة ردود لـ الشباب وخاصة ابو ثامر .. اقتعنت بكم نقطة
ممكن أكون ما انصفت بلاتيني فيهـا .. طبعاً كلامي عن آليـات عمل اتحـاد مو عن
لجنة عقوبـات وتحكيم لأن بلاتيني ماله اي دخل فيها أبداً ..

عموماً .. فكرة انه يخـاف على الأندية من الديون جيدة جداً .. لكن هذا ما يعني انه
يعم كل الأندية .. انا راح اتكلم عن النادي الي انا اقرب له واعرف أشياء كثيرة عن
مداخيله و ديونه .. ريال مدريد .. قبل فترة طلع بيريز واعلن عن ديون النادي 327
مليـون يورو .. وميزانية النـادي 420 مليون .. صحيح مبلغ الديون كبير جداً لكن
أغلبها أتت من قروض وسدادهـا على المدى الطويل .. السداد بيكون من مداخيل
النـادي المتعدده والي ممكن توصل لـ 200 مليون يورو من خلال عقود الرعاية
فقط لأنه مبالغ ثابته بدون حسـاب عدد مبيعـات متاجر النادي أو من خلال عدد
مبيعات تذاكر المباريات .. النادي مالياً ما يعاني ابداً رغم ان ديونه نسبتهـا أكثر
من نصف الميزانيه .. لكن النـادي قادر على سدادها خلال 3 سنوات عبر دفعـات
تستقطع من مدخول النـادي ..

طيب ليه بلاتيني يصرح دائماً ضد ريال مدريد وانه عمل فجوه كبيرة في أقتصـاد
الأندية .. رغم ان المبالغ الكبيرة الي دفعا ريال مدريد لـ الأندية من خلال شراء
عدد من اللاعبين تعتبر مثل السيولة الي انضخت لـ السوق .. يعني 90 مليـون
أندفعت لـ اليونايتد .. قدر يشتري بها مثلاً 4 لاعبين او 5 من 5 أندية .. المبلغ
راح لـ الأندية هذي وقدرت تشتري لاعبين جدد من خلال المبلغ الي اندفع لهم من
اليونايتد والي هو حقيقة خارج من مدريد .. نفس الكلام عن ميلانو ومبلغ 60 مليون
لـ كاكا .. بعد بنزيمـا .. و35 مليون يورو اندفعت لـ ليون قدر يشتري فيها عدد
من اللاعبين ودفع مبلغ لـ بورتو و سانت اتيـان قدروا يحسنوا شوي من وضعهم
في السوق وصار فيه تجديد وصفقـات جديدة ..

الي ابوصله ان الأندية الكبيرة والي جماهيريتها عاليه مثل مدريد وبرشلونه والمانيو
ماعليها اي خوف من تأثير ديون عليها لأنه قادرة على تخفيض الديون .. رغم ان
جميع أندية العالم تعتبر مديونه وهذا شي طبيعي .. الكلام عن الأندية الي جماهيريتها
محدوده وتحـاول توصل لـ مراتب عاليه بدون ما تقدر تأمن المبالغ الي التزموا
بـ دفعها .. هنا ممكن بلاتيني يعمل آليه عليهم عشـان ما يتضخم الدين ويصير
النـادي هو الضحية ويُقتل التنـافس في حالة بيع نجوم هذا الفريق مثل ما كان
بيصير مع فالنسيا الصيف الماضي .


فيه فكرة بسيطة جداً .. مالقيت لها حل واقعي .. في الصيف الماضي انتقل هـاينزه
من الريال لـ مارسيليا .. المفاوضات استمرت لـ فترة طويلة .. السبب راتب
اللاعب والي يعتبر في فرنسا من الأجور العالية بينما في مدريد يعتبر من الأجور
المتوسطة أو الأقل .. اتوقع السبب من سياسة الدول في نظام التاكست على الأندية
والي تخليها عاجزة عن الوفاء بـ أجور كبيرة !!


الفكرة الثانية .. تطوير الكرة في الدول النـامية .. شي طيب اننا نشوف أندية من
دول تعتبر صاعدة في كرة القدم .. التطوير بأعطائهم فرصة أكبر في الظهور
والأحتكـاك بالفرق المحترفة .. بالتالي بيصير فيه عدد كبير من الأندية المنـافسة
من عدد كبير من الدول .. مو مثل ما نشوف خلال السنوات الأخيرة .. أنجلترا ايطاليا
اسبانيا هي الي يصير بينها التنافس على البطولة .. بينمـا ممكن تصير بطولة من
10 بطولات يطلع نادي مثل بورتو ويحقق البطولة من قدام فرق كبيرة .

تعقيب بسيط على كلام تركي

بالنسبة لـ مصداقية الموقع الرسمي عن المواقع الأخرى !
مو من المعقول اني بصدق موقع أخر في أخبـار النادي واعتبره أكثر مصداقية من
موقع رسمي لـ النادي .. لأن الأندية الأوروبيه بشكل عام كل سنة تعلن ميزانيـه
النادي وديونه .. يمكن الشي الوحيد الي يتكتمون عليه هو مداخيل النـادي من خلال
عقود الرعاية فقط .. اما الباقي فهو معلن وجميع الجمـاهير تعرفه ..

ما أدري عن الأنتر وكيفية آلية عملهم .. لكن كلامي مأخوذ من الأندية الأسبـانية
بالذات لأن فيها جمعية عموميه يتم فيها الأعلان عن كل أموال النـادي سواء الي
مطالب بدفعه او الي يطالب به الأخرين لـ يدفع له .

شكراً لـ الجميع