إقتباس الرسالة الأصلية كتبت بواسطة algohmani شكرا لك على المقترحات اما اشتري شريط بلاي والشريط ب200 ريال ههههههه اما لو جبت لك شريط بلاي تو بيضحكون علي وبيقولو وين عايش فيه وش هالغبار احد يستخدم بي اس تو اشكرك على تواجدك والكف اقسم بالله ومن تجربة اهانه غير طبيعيه تولد الحقد انا انقرصت وتلطمت وانضربت بالعصا وربي عادي كل مدرس ضربني بعصا او قرصني على قلبي وعادي كل ماسووه فيه المدرسين الا الكف هذا اللي لايمكن انساه وباقي في قلبي لليوم هذا

لالاماتوصل لـ 200 اشتر لهم تقليد ولامستعمل .. ولاهم الظاهر ماعليهم قصصور دام واحد من طلابك بيسافرفي إجازة الحج لـ فرنسـا

^
من قوة الفراغ قعدت أحسب عمرك يامواصل عمر مديد ورزق واسع يارب ..

هلا بـ با ابوعبدالله الغالي ...

إقتباس واذا بذاك الكف على خدي

تستاهل وشولوه تخليه يغش منك .. << أمزح ياخلفهم ليت الكف بخويك ولا بك
بس ولو ليه تخليه يغش ليييييييييية ..؟

والله يالغالي حاولت إني أدور نصيحة .. لكن ماطلع معي إلا هذي بعد مشقه..

إنزل لمستوى الطالب مع الحفاظ بشخصيك بحيث الطالب يفهمك و تفهمه مع وجود فرض الشخصية لأن الصغارين مايعطون وجه ..<< والله من زين النصيحة
بس لاتقول من وين لك الخبره .. تراي قد مسكت أسره بمركز

يارب توفقك وتتعين عند بيتكم عاجل غير آجل ...

وفيه نصيحة على الطاير عليك بحلاو البقر

تسلم يمينك يا أخي !


استمتعت و انا أقرأ الموضوع .. و في داخلي ضحك .. إلى بكرا



أهنيك على حسن ترتيبك .. و حسن إلقائك


دمت بود

ماقول الا يازين التدريس بالقرى

طلاب محترمين وهادين


اما بالمدن اه بس وربي معاناه أزعاج واستهتار

وكثره على قلة سنع


>>>>> على فكره رديت عليك وانا ماقريت الموضوع الاجزء تخبر موعد مباراه الهلال

بس الظاهر انه شكوى من الطلاب خخخخخ

إقتباس الرسالة الأصلية كتبت بواسطة algohmani في طالب تأخر السواق حقه وانا هو ظمينا نبي نشرب قلت له تبي تشرب قال ايه ظامي وبموت قلت طيب تعال معي ورحت للبوفية مالقيت احد فيها حقت المدرسة طبعا قلت له تعال معي لغرفة المدرسين ووديته هناك وشربته بحسن نية وبنفس الوقت جا ابوه على البوابة وزميلي التاني اللي مناوب معي لما اجا ابو الولد قال تعال وين وديت الولد قلت بغرفة المدرسين نشرب مويه السواق جا قال جيبه بسرعه ابوه جا قلت ولد انقلع ابوك جا بعدين ناقشني وقال وش وداك والمدرسة فاضية ترا لو دخل ابوه وشافك انت وياه وش بيقول قلت بنشرب مويه قال حبيبي اترك عنك طيبة القلب انت نيتك كويسه بس لو ابوه شافه معك بغرفة المدرسين راح يفسرها تفسير تاني قلت أفا هذي نهايتي عموما هالموقف ماراح اكرره ومره تاني اخلي الولد عند المدرس اللي على الباب وانا اطلع اجيبله مويه مدري وش خلاني اقوله اطلع معي هههه يمكن لأني ماحب اخدم احد واحس اني لو رحت وجبتله مويه بكون زي الخدام عنده يمكن

طبعاً أنت عندي محل ثقة .. لذلك أنا مصدق أنك ( أنت وهو ) ظميتوا في نفس اللحظة
وطبعاً أحيي فيك وبشدة النظرة الثاقبة وقراءة أفكار طلابك حيث أنك أنت من سأله إن كان ظميان والا لا .. وطلع بالفعل ظميان وبيموت من الظمى
وبدون شك أجمل ما في القصة هو وصفك للموقف حيث أن زميلك سألك عند البوابة عن الولد .. فقلت له أنه موجود برفقتك هناك في غرفة المدرسين ..
يعني بالعامي زميلك يسألك وين الولد وتقول له أنك والولد بغرفة المدرسين ( تشربون ) .. يعني فهمت أنك نسختين نسخة مع زميلك ونسخة مع الولد .. وبالطبع أنا مصدقك
أبداً ما يكون عندي أي شك حتى لو أني أعرف أن شرب الماء ما ياخذ أقل من دقيقة وبإمكان الولد يرجع عند البوابة بدون تأخير على أبوه .. لأني أعلم علم اليقين أنك مهتم للطلاب وربما أنك استغليت الوقت في مساعدته في أحدى المسائل .. لله درك يا شيخ
عاد تبي الصدق؟ تدري ليه أنا مصدقك ومنب شاك فيك؟
السبب بكل بساطة هو أنك منتب " مدرس تربية بدنية "

إقتباس الرسالة الأصلية كتبت بواسطة هلاليه محترفه الأطفال بهذ السن تمشي معهم كلمة"قردنهم" .. اما المشاغب وش تحس فيه تكفى ثاني مره ان فيك شي لاترد هالرد

يا شيخة .. عاد أنا وش اللي أحس فيه؟
على الأقل أنا قلت له اجلدهم اضربهم كفخهم .. ما قلت له مثلك " قردنهم " خخخخخ
والعياذ بالله .. اللهم لا تؤاخذنا بما قال المنحرفون منا

بصراحة ..
الضرب لابد منه ..
،،،

إش نبغى من جيل ما يعرف 5×7 !
أو ما يعرف سورة الفاتحة !!!
يتخرّج لك من الإبتدائية ما يعرف يكتب إلا أحبك !! ..
،،،

بالنسبة للكف ..
صحيح قويّة شوي ..
بس أكيد إنك ما رجعت للتغشيش بعدها !!

الله يذكر مدرسين أبها بالخير .. ..
هناك تحس إن فيه علم ..
تحس إن في أمانة ..
تحس إن فيه ناس تبغى تفهّمك ..

والله أذكر المواقف إللي انضربت فيها ..
أغلبها لأني ما كنت مركّز أو ما حفظت ..

مرة أذكر في حصّة الفقه .. ثانية ابتدائي أو أولى ..

الأستاذ كان يعلمنا صفة الوضوء - عملي -
طلّعنا في الحوش ..
ويالله مجهّز العدّة .. وقال بسم الله ..
وأنا ببرائتي انصرفت مع الظروف الطبيعية والأشجار ووو ..
وكلها ثواني إلا ويجيك الكف ما أدري البكس ..
وطاح فيني ضرب ..
والله الموقف هذا ما نسيته إلى الآن ..
وما أقول إلا الله يجزاك خير يا أستاذ محمد على هذيك الأتلة ..
،،،

وغيرها الكثير الكثير .. طبعاً أغلبها في أبها ..
أما في المدينة ما أذكر إني انضربت إلا عشان التأخير عن الطابور ..
،،،

عالعموم الله يوفّفكم ويعينكم على تربية جيل الورق ..
آسف عالإطالة إللي مال أمها داعي ..



تحية طيبة ،، ..

وعليكم السلام ورحمته وبركاته

التدريس هم ثم هم ثم هم
وبما أني أدرس بكليه تربيه فوصلت لمرحله التطبيق الميداني (التطبيق في المدارس) الترم الثاني
ويأني شايله هم هالتطبيق وخصوصاً لما اتذكر نفسي ايام المدرسه وحركات تطفيش بنات الكليه اللي يجون يطبقون عندنا
أحسهم يجونا عاقلين ويرحون مهّبل
وتجيني فتره لما اتخيل وش بيصير لي أفكر انسحب وياروح مابعدك روح
لاعاد المشكله ليتهم إبتدائي اوثانوي لا
متوسط ياربييييييييه
<<انا وش اللي خلاني أدخل هالكليه


وياليت المدرسين هنا يعطونا تجاربهم عشان نستفيد لو شوي

والله يا اخوي انا اعتقد اسلوب الضرب ما ينفع

افضل اسلوب لهالعمر هو التحفيز

مثلآ لو تضع بين الطلاب مثل المسابقات جمع نقاط

تجيب بطاقات مثلآ البطاقه الوحده 10 نقاط الي يحصل اعلى نقاط له جائزه

الله يخلي ابو ريالين ^^

انا اشوف اخواني مرررره متحمسين لذا النقاط تجميع وحووسه

ومنافسه بينهم وبين الطلاب

لو تحط مثلآ الطالب المؤدب له في نهايه الحصه بطاقه



او مثل ما قال اخوي ذآيب الحلآو

<< لآن الاطفال يتحمسوووون لذا الاشياء


واذا اضطريت مرره ومانفع مع بعض الطلاب هذا الاسلوب

استخدم اسلوب التخويف بالنظرات الحاده او بقرص خفيف ع الاذن ^^


والله يوفقك ويعينك يا اخوي

اختك

:

موضوكـ مررآ بطل و حلو
طرحت نقطة حلوهـ ..

طريقة تعآملكـ الطيب مع الطلآب , وسهولتكـ معهم
وهذآ وآضح من أسئلتهم لكـ وإنهم مآخذين رآحتهم بحصتكـ
ذكرتني بـ أخوي اللي توّهـ متوظف بأهليّه , وثآني إبتدآئي و قرآن بعد { لآ يكون إنت }

يقول مآفيه حل لـ تهجيدهم إلآ إنه
سوآ مجموعآت ثآبته , بحيث يكون كل صف مجموعة
و حط لكل مجموعة درجآت بحيث لـ الهدوء نقطة , لـ المشاركة نقطة , لـ حل الوآجب نقطه وهكذآ
يقول لمست فيهم تفآعل حلو , وخصوصآ إنهآ طريقة مو تقليدية في تسكيتهم
مو طق أو تهديد مثلآ ~

لمآ صار أحد فيهم يشآغب أو يزعج , كل المجموعة تسكته
وصآر المشاغب منبوذ , وهذا الشئ اللي بغى أخوي يوصله حتى قدر يهديهم !


والشئ الثآني , إنه علق بـ الفصل لوحه سمآهآ : الطآلب المثــآلي
وعلمهم شروطه , إنه يكون طآلب هآدئ , ممتـآز , يحل وآجباته ومن هالأشيــآء
و يختآر في كل إسبوع طآلب ~
و لو يكون فيه هديه بسيطه كـ تحفيز لهم يكون أفضل ..


أتمنــى إني أفدتكـ , حآول تطبق الأفكآر
ممكن تضبط معكـ !


ألف شـكر لكـ أخوي ..

:

إقتباس .. لاحظ ان الرسول صلى الله عليه وسلم قال أؤمرهم لسبع .. وأضربوهم لعشر

الرسول -صلى الله علية وسلم- يقصد الصلاة بس