والله لو معاي سيارة كان مافوت مبارة للزعيم بالرياض

والله ودي أحضــر بس تعبآآآآآآن

:

أتمنى الملعب يكوووون فـــــل

أشكرك أخوي على حماسك وتحميسك للزعماء ولا هيب غريبه على أي هلالي


أخوي انا كان ودي والله أجي لكن تجري الرياح بمالا تشتهي السفن

أنا حاليا بالشرقيه وعندي اختبار يوم الثلاثاء ولا كان جيت الرياض صد رد

لكن ان شاء الله جمهور الرياض فيهم الخير والبركه


تقبل مروري ،،،

انشاءلله بحضر المباره عقبها انشاءلله بصقعها كوره

إقتباس الرسالة الأصلية كتبت بواسطة كدبــووري والله ودي أحضــر بس تعبآآآآآآن : أتمنى الملعب يكوووون فـــــل

ماتشوف شر يارب تكفير ذنوب انشاءلله

انا ان شاء الله نااوي احضر ومعي وااحد وعد مني . . . .ويااارب نفرح بلفووز

إقتباس الرسالة الأصلية كتبت بواسطة برزن بريك حبيب قلبي هلالي مووووت اول شي حبيت اشكرك ع الموضوع التحميسي الي خلاني ودي امشي من الحين للملعب خخخخ طيب انا يا طويل العمر بيتي عند استاد الملك فهد ولانب من اهل الرياض >>> يعني عليمي يالييييت اذا عندك انت او اي احد من الاخوان كروكي يرسله لي او يوصفلي وصف دقيق وكمان ابغاك تدليني مكان ملعب الملز من مستشفى دله لاني احتمال اطلع من الدوام للملعب ع طووول >>> هذا المسكين ما يطلع من الدوام الا 6 المغرب تهئ تهئ الله يخليكم ياا زعماااء الي عنده وصف او كروكي من استاد الملك فهد و من مستشفى دله او يقدر يوصفلي وصف دقيق لملعب الملز الله يخليه يرسله لي ع الخااااص واكوووون ممنون له ورااااااح اكووووووون اول الحضووور باذن الله انا وواحد من اصحابي بس بعد عليمي مثلي >>> هع هع شلة عليميه هع تحياااتي للجميع

حاضرين للزعماء
شوف يا عزيزي ..

من أمام مستشفى دلة أمسك طريق الملك فهد ( جنوووب )
وامسك الخط إلييين يجيك الميدان حق تقاطع طريق مكة ( خريص )
أطلع للفّة الطويلة اللي تنزلك على خريص وأمسك الطريق
إلين ما ترقى الجسر بعد الجسر إنزل وخذ مخرج ومع أول إشارة خذ يمين

هنا إنت وصلت الملز ،،

خلك عالإشارات حول الأربع أو الخمس إشارات رح تشوف
كبوس ( كشافات ) الملز على يسارك ..

خذ معك كومة من الأخويا وحضّر هناك

موفق

انا طبعا خارج الرياض وان شاء الله اذا حصلت شباب يجون معي الرياض ساكون اول الحاضرين ..




جماهير الرياض عندي احساس كبير هالمره انكم بتسكتوني بالحضور لان ياما وياما انتقدكم ولكن لمحبتكم ..

إقتباس الرسالة الأصلية كتبت بواسطة H a w i e k معليش يابوي ., ثاني ومعدل تراكمي وملعنة الحكومه تبيني أحضر بعد

ماجاك من الحكومه أنا أتحمله

وفيه وقت للدراسه
الليل طويل


أحضر ولما تفكر ارسل خاص أعطيك رقمي

إقتباس الرسالة الأصلية كتبت بواسطة المشهوري2006 والله لو معاي سيارة كان مافوت مبارة للزعيم بالرياض

أنا اجيك بسيارتي
أو تعال بتكسي

وأدفع قيمته مع التذاكر
بس احضر

إقتباس الرسالة الأصلية كتبت بواسطة كدبــووري والله ودي أحضــر بس تعبآآآآآآن : أتمنى الملعب يكوووون فـــــل

ماتشوف شر

بس مو عذر
قسم بالله لو برشلونه بيلعب كنت أول واحد

شد حيلك والمباراة باقي عليها يومين

يعني ان شاءالله بتكون بخير

انا شاء الله اهالي الرياض مايقصرون يوم لاثنين وانا انا شاء لله اول الحضور

وبالتوفيق لنادي الهلال وانا متوقع ان الملعب فل انا شاء الله

الله لايهينك يالغالي

إقتباس الرسالة الأصلية كتبت بواسطة (الخالدي) أشكرك أخوي على حماسك وتحميسك للزعماء ولا هيب غريبه على أي هلالي أخوي انا كان ودي والله أجي لكن تجري الرياح بمالا تشتهي السفن أنا حاليا بالشرقيه وعندي اختبار يوم الثلاثاء ولا كان جيت الرياض صد رد لكن ان شاء الله جمهور الرياض فيهم الخير والبركه تقبل مروري ،،،

الله يوفقك يارب
ويسهل عليك

نحتاج دعواتك وتكون مباراة جميله من جميع النواحي ويكون الملعب تاريخي

والله ماظنيتهـ اني اجي ,,,

لأني من المجمعه وحوالي 190 كيلو ,,, انتم فيكم الخير والبركهـ

حاظر بأذن الله مع انه دايم بعد كل مباراة احضرها اتعب من بكره بسبب الازعاج والزحمة ووووو

بس لعيون نادي القرن كل شي يهون


alsopr