شبيه الريح ... وش باقي ..!! - نادي الهلال السعودي - شبكة الزعيم

سامي..التمياط · #1 30/10/2009, 04:56 PM

بسم الله الرحمن الرحيم ..

الحمد لله والصلاة والسلام على رسول الله ..

اخوتي واحبتي زعماء نصف الارض ..

تحية طيبة ..

شبية الريح ..

في بداية الامر احب اقدم بالغ شكري لصاحب السمو الملكي عبد الرحمن بن مساعد بن عبد العزيز على العمل

الجبار والخرافي اللي عمله للزعيم في فترة قياسية ورغم الضربات القوية اللي تعرض لها في بداية رئاسته الا

انه كان على الموعد وقدم الزعيم بشكل يرضى كل عشاقة ..

مشكلة الامير عبد الرحمن انه تفاجا بالطريقة اللي يتعامل فيها البعض في الوسط الرياضي ..

وانا اقول لك يابو فيصل انت صح وعلى نياتكم ترزقون..

دعهم يحفرون وباذن الله سيقعون في حفرهم كالعادة ..

الف الف الف شكر يابو فيصل قول وفعل وانا كشمجع هلالي عادي افتخر وارفع راسي

بك .. كنت ولازلت راقيا في تعاملك مع كل شي ..

مهاجم اجنبي ..!!

الحقيقة لاحظت الحملة الاخيرة بالمطالبة بمهاجم اجنبي والاستغناء عن تياقو نيفيز ..

من خلال متابعتي للهلال من فترة طويلة جدا الفريق الحالي من افضل الفرق اللي مرت على الهلال

كما انها من المرات القليلة التي يكون فيها كل اجانب الزعيم بمستوى عالي جداُ واضافة كبيرة للكرة الاسيوية

بشكل عام ومن الناااااادر جدا ان نرى لاعب اوروبي دولي يلعب في اسيا فما بالك بلاعبين اوروبين في منتخبات

اوروبية كبيرة بالاضافة الى لاعب كوري جنوبي دولي ولاعب برازيلي دولي اولومبي ..

دعوا الفريق ياخذ وقته وينسجم ياجماعة كلنا شفنا مستوى الهلال بداية الموسم مع ان المدرب والكثير

من العناصر المحلية والاجنبية تلعب مع الفريق لاول مرة ..

تخيلو الهلال بداية الموسم القادم مع جريتس والرباعي الاجنبي نفسه مع انسجام الفريق ..

راح يكون فريق خرافي وباذن اللي ماتنام عينه راح نحقق اسيا اكثر من مره باذن الله ..

الكل يتذكر بداية ويلي مع الهلال وهو لاعب سويدي من بيئة مختلفة تمامااا وعمره 28 سنه ..

تياقو برازيلي وعمره 24 سنه ...!!!

وباذن الله تعالى راح يكون من نجوم الفريق المؤثرة واللي يراهن عليها الجميع ..

اتمنى من ادارة الهلال بالتركيز على التعاقد مع اللاعبين المحليين خصوصا في خانة الظهير الايمن

ليكون الهلال مكتملا في كل شي ..

ياسر القحطاني ..

باختصار شديد جدا .. انت نجم اسيا الاول ومهما هبط مستواك ستعووووووود بقووه وماتشوف شر يابطل..

خالد عزيز ..

يجب ان تعلم ان العقوبة هي لمصلحة الزعيم والانضباط الجريتسي هو بعد توفيق الله عز وجل طريق الزعيم

لخطف الالقاب واحنا متاكدين انك راح تتقبل العقوبة وتشد حيلك للعودة كما كنت

.. نجبك وماننسى روحك وقتاليتك ونعرف انك تحب الهلال ..

بانتظارك ياالعزيز ..

تحياتي للجميع ..