^^

بيرمنغاهم ضيعها ! وكان حاشر أبو السيتي خاصه بالشوط الثاني << لأني ماشفت إلا هو

السيتي بالجولات الأخيرة مستواه نازل مررررره ويبدو أن البداية القوية له أثرت على اللاعبين وكأنهم شافوا أنفسهم حبه ونص !

, ... ,

مبروك للزرق الفوز والمتعه والحشيش اللي شفناه

الفريق في المباريات الأخيرة قاعد يحشش مو قاعد يلعب كرة قدم ماشاء الله تبارك الله في الأربع مباريات الأخيرة سجل 17 هدف وكل هدف يقول وخّر عني ماعدا ضربتين جزاء

الشوط الأول قدام بولتون الفريق مسيطر لكن بولتون كان مقفل العمق مررررره ومتحمسين بعد رباعية الكارلينج وهذا اللي كنت متوقعه وقدموا مستوى كويس خاصه بالوسط وتشيلسي تحصل على فرص لكن إنهاء الهجمه ماكان مزبوط وأيضاً تألق من ياسكلاينين

الفريق فيه أخطاء أبرزها الكرات العرضية اللي تشكل قلق علينا مع إنها نقطة قوه لنا لكن بضربات الزاويه اللي علينا والأخطاء القريبه من الـ 18 تكون نقمه علينا وتكون فيه لخبطه بالرقابه وأغلب الكرات الثابته اللي علينا تكون خطيره وهذي نقطه لازم ينتبه لها آنشي لأن الفريق بيواجه منافسات أقوى وفرق تعتمد إعتماد كبييييييير على الكرات الثابته وراح تحرج الفريق أكيد إذا ما إنتبه للنقطه هذي !

لكن المباراة بكوم والهدف الرابع بكوم ولا يهون الثاني من الفلبيني لبى عيونه

ثلاث نقاط مهمه ومواصلة الفارق النقطي قبل إستضافة المان الجولة الجايه بإذن الله اللي بنستضيفهم إستضافه لا راحت ولا جت إن شاء الله كرم كرم

, ... ,

الليفر رجع لمسلسل بريمر الضياع << وشو لميسه

الفريق إذا إستمر على التخبط هذا أتوقع ماراح حتى ينافس على المركز الرابع ! وخروج رافا أعتقد إنه مسألة وقت لا أكثر !

كاريجار متعوده دايمن حالف إنك إلا تنطرد ياشيخ خخخخخخ الأسبوع اللي راح سلمت من الطرد والأسبوع هذا إلا تنطرد يعني

لكن والله يافولهام ماهم طبيعيين أبد وقدموا مستوى وتكتيك ممتاز وهدف الثالث على ما أظن يدرّس

نجي لديربي لندن اللي أموره أعتقد منتهيه قبل المباراة مع الغيابات المؤثرة للسبيرز وأيضاً الفورمه الجيده للأرسنال اللي ماعاشها من فترة طويله وأكتسب ثقه أكبر بالمنافسه وتقديم مستوى تقريباً ثابت في كل جولة وعلى ما أعتقد إذا فاز بمباراته المؤجله بيخطف الثاني من المانيو بفارق الاهداف !

مباراة المانيو ماشفت منها إلا دقايق معدوده لكن واضح عليهم هبوط بالمستوى وعساهم من كذا وأردى إن شاء الله

مبروك للتشيلساوية والمانشيستراويه والأرسناليه اللي أشوفهم من تالي متحسسين من كلمة برايد أوف لندن مادري ليش وهاردلك للريدزاويه ومعوضين خير بالأبطال إن شاء الله

ينطيكم العافية رابطة القنرز كلياتكون

إقتباس ما دامك ماشفتها لاتحكم انها كبيرة .. أولاً النتيجة 4-2 .. ضاعت مليون هجمة للآرسنال الشوط الثاني .. هجمات اهداااف !!

أنا حكمت من النتيجة وماقلت ان السيتزين لعب احسن من الآرسنال وفاز مستوى ونتيجة ! تذكر العام مباراتنا معكم يوم نرقعكم 4-1 بسالك هل النتيجة ذيك كنتم تستحقونها والا كبيرهـ على الأداء الي قدمتوهـ؟ اكيد كبيره رغم انكم قدمتوا مستوى روعه خصوصاً بالشوط الأول ! المقصد ان المباراة مسجله بهالنتيجة وماعلي من الي حصل في المباراة وتبقى كبيرهـ وتاريخيه

عبود

..( لامبارد : دروجبا افضل من توريس وهو افضل مهاجم بالعالم )..



"انيلكا يمتلك سرعة هائلة وايضاً انه لاعب بارد داخل الصندوق ، لذلك لدينا اثنين من اللاعبين الذين بالنسبة لي هم الأفضل في ما يفعلونه في العالم ".

" ديدييه لاعب ذكي ,المدافع الي يراقيب ديدية يجد مشكله في ايقافه دروغبا يتحرك في جميع أنحاء الملعب ".

"رجوع ديدية بعد الحظر في دوري ابطال اوروبا هذا الاسبوع سيكون شي ايجابي لنا استكون دفعة معنوية كبيرةانه لاعبا من الطراز الاول الجميع يريد ان يعود ويشارك ".

"نأمل انه يمكن أن يواصل تألقه في الدوري في دوري الابطال دييدية تقريباً سجل في كل مباراة في الدوري ".

"هو الآن يتنافس مع فرناندو توريس في صدارة الهدافين ، ولكن بالنسبة لي ديدييه هو الافضل في العالم بسبب مايؤدية طوال المباراة ".

" دروجبا لا يحصل دائما على الي يستحقه الا عندما يسجل ,انه لاعب غير أناني الكثير من الامور قيل عنه لكننا نعرف انه يعطي كل شيء للفريق وقد ساعد الفريق هذا الموسم كثير ".

"ليس مهتم فقط في تسجيل الاهداف ، على الرغم من أن يفعل ذلك بشكل جيد جدا انه يريد ان يسجل الأهداف ، والعمل الجاد للفريق ".

"من المهم وضع حد عن نزيف النقاط خارج الستامفورد انت لاتستطيع تحقيق اللقب وانت تلعب بشكل جيد في ملعبك فقط ".

"بصرف النظر عن اخر مباراتين (ضد ويغان وأستون فيلا) ، كان من المهم جدا الحصول على الفوز ضد ايفرتون خارج ملعبنا ".

"نحن جيدين خارج ملعبنا آخر مباراة وكنا قوين ضد بولتون ، في المباراة الأخيرهـ هدف الثاني والثالث يحكي كيف سرعة الهجمة والارتداد بهجمة مرتدهـ سريعه منضمة منسقة مرتبة ".

teamtalk