المهاجم الأجنبي المطلووووب حالياً ياشبيه الريح ...لانه الافضل والاميز - نادي الهلال السعودي - شبكة الزعيم

ابو ديــــما الهلالي · #1 29/10/2009, 02:40 AM

[

IMG]]

صباح // مساء الخير .. ايها الشعب الهلالي الكبير ..
والف مبروك الفوز على الرائد والثلاث نقاط الثمينهـ ..
,,
,,,
,,,,
,,,,,
موضوعي اليوم بتكلم فيه عن خط الهجوم في الزعيم ..
صراحه هجومنا رغم ان فيه 3 لعيبة كبار ياسر والمحياني والصويلح ..
ورغم انه الهجوم الاول في الدوري بمعدل (20) هدف حالياً ..
الا انه بصراحه في احيان كثيرة يصير هجوم مرررره سلبي
والدليل هو تصدر لاعبي خط الوسط بقيادة الشلهوب لهدافي الفريق حالياً بـ (5) اهداف
وويلي هامسون ايضاً بـ(4)اهداف ..
اما الهجوم : ياسر(3)اهداف والصويلح (2)هدفين والمحياني(1)هدف واحد فقط
يعني بالعربي الشلهوب بلحاله قدر يجيب مجموع اهدافهم تقريباً !!
انا عارف انوو لسااا بدري الدوري بأوله لكن هذا الواقع !!
اللي ابي اوصل له يازعماء , ان الزعيم عنده مشاركه اسيويه كبيره بالفتره الجايه
والدوري لساااا باقي 15 مباراة .. يعني المشوار طوييييييييييييل
الصويلح حالياً مصاب , وامس انضم له ياسر الله يشفيهم كلهم ان شاء الله
وبكذا رجعنا لمشكلتنا العويصه اللي هي "خط الهجوم مافيه احد"
ويمكن قريتيس بيرجع طيب الذكر العنبر عشان الازمه الحاليه
لذلك اتمنى من شبيه الريح واسطورة " الهجوم" ابو عبدالله انهم يشوفون حل لهالمشكله !!
يمكن اصابة ياسر والصويلح الحاليه بهالوقت تكون خيرة وتكون بداية فكرة للتعاقد مع مهاجم اجنبي خطير ..
خلونا نكون واقعيين شوي .. وناخذ فريق الاتحاد مثال حي على هالموضوع ..
الاتحاد ماعرف طعم البطولات الا بعد ماصار يتعاقد مع اجانب صح
ويكفينا نقول انه يملك حالياً7 مهاجمين ماشاء الله عليهم ..
بوشروان , وامين الشرميطي , وهزازي , والنمري , وطلال المشعل , ولوسيانو , وعبدالعزيز الصبياني
بالمقابل الزعيم اليوم يترنح بمهاجم واحد جاهز فقط وهو عيسى المحياني !!
ياجماعة الخير صدقوني حتى ام صلال قدر يوصل لمرحلة متقدمه بكاس اسيا
والسبب بعد الله وجود ثلاثة مهاجمين اجانب بتشكيلته !!!!
ياسادة وياكرام .. ورانا بطوله اسيويه .. والبطوله الاسيويه مهرها غالي صدقوني
عموماً يازعماء انا باخذ رايكم في مهاجم كلنا متابعينه من فتره طويله وهو اللاعب ماقنو الفيس
ماقنو الفيس مهاجم ام صلال .. صحيح عمره 33 سنه لكن صراحه اللاعب مره خطير وسريع وقناص للفرص
اللاعب مجهوده عالي في المباراة .. وحماسه كبير ..
يمكن فيه احد يبي يقول ان اللاعب استهلك وسبق وان احترف في الاتحاد ولاسوى شي !!
لكن انا بعد اقول : ابو شروان سبق وان جاء للنصر ولاسوى اي شي ,,
وهذولي كماتشو مع التايب في الشباب , وقديماً كان بهجا في الهلال والاتحاد ... الخ
عموماً سيرة اللاعب ماقنو القيس جداً رائعه :
الأنديـة التـي لعـب لها :
1994 - 1995 : فريق رترانس البرازيلي
1995 - 1996 : فريق فالينهوس البرازيلي
1996 - 1997 : فريق إنديبينتي البرازيلي
1997 : فريق اركاتوبا البرازيلي
1997 - 1998 : فريق سيركوما البرازيلي
1998 - 2003 : فريق فلومينزي البرازيلي ( أحرز معه 111 هدفا من 265 مباراة )
2003 : فريق تشونبوك الكوري ( أحرز معه 27 هدفا من 44 مباراة )
2004 - 2005 : فريق أويتا ترينتا الياباني ( أحرز معه 29 هدفا من 62 مباراة )
2006 : فريق جامبا اوساكا الياباني ( أحرز معه 26 هدفا من 31 مباراة )
كما شارك مع منتخب البرازيل في كأس القارات 2001 بكوريا الجنوبية واليابان والتي حصل فيها منتخب البرازيل على المركز الرابع

وبالتوفيق ان شاء الله لنادي القرن الآسيوي دائماً ..

ابو ديــــما الهلالي · #2 29/10/2009, 02:54 AM

ثانكس على التفاااااااااااااعل

جن الملاعب عشقي · #3 29/10/2009, 03:00 AM

والله العظيم انني معك قلبا وقالبا واضم صوتي لصوتك فهو لاعب خطير جدا جدا جدا

محور ارتكاز · #4 29/10/2009, 03:03 AM

الفس انسى انه يجي للسعوديه

لأن زوجته ماارتاحت وهي السبب لتركه نادي الاتحاد

تبي تسوق وتبي تلبس برمودا وتوسع الصدر

@هلالـــ جهني ـــي@ · #5 29/10/2009, 03:07 AM

إقتباس