25/01/2001, 03:16 PM
|
عضو سابق بلجنة تطوير المجلس العام | | تاريخ التسجيل: 17/01/2001 المكان: RIYADH
مشاركات: 2,282
| |
تحلمت ياشباب :-
أن ولدي جاني وهو يضحك مبسوط . قلت له خير - قال لي وهو رافعآ صدره ورازآ خشيمه بكل فخر وأعتزاز :
يبه صرت أدبغ ولد الجيران وماعاد يقواني أسدد له لكمات خطافيه مره يمين ومره شمال وأهزمه وتوني مابعد شفيت غليلي منه بأدبغه ثانيه .
قلت له :- ياولدي أنتم جيران وعيب ألجار يعادي جاره ألمفروض تكونون أحبه وأخوان هذا من حق ألجار على الجار.
طلع من عندي وهو تافخآ صدره ورافعآ راسه ... قلت في نفسي الله يهديه.
جاني ولدي يوم الخميس في الليل عيونه متورمه وفمه يصب دم قلت خير ان شاءالله.
قال وهو يتنهد بحسره :-
ولد الجيران دبغني صكني بلكمه سريعه على عيني اليمنى وأخرى على عيني اليسرى.
سددة له لكمه على وجهه لكنه بادرني بلكمه قويه مدويه على فمي طحت على أثرها بالأرض . قمت ونفضت الغبار عن ثيابي وهجمت عليه لكن ماقدرت أسدد أي لكمه ضده . وجانا واحد من الجيران وفك مابينا وقال :- كل واحد يروح لبيت أهله.
ياجماعه الخير فسرو لي هاألحلم ... أنا قلق ومنزعج الا أن تنتهي مباراة الليله .
وأذا فاز ألزعيم ... وأن شاءألله يفوز - بأشتري عشاء دسم لعيالي الليله .
أخخخخ... جنبي أم العيال وتدعي أن الهلال يفوز علشان ماتطبخ عشاء ألليله.
الليله بترفع راسنا يازعيممممممممممممممممممممممممممم . |