للقادمون من خارج القصيم لحظور مباراة الزعيم والرائد كروكي بالصور الجويه لوصف ملعب المباراة وتحذير مهم - نادي الهلال السعودي - شبكة الزعيم

موهوب القصيم · #1 24/10/2009, 08:45 PM

السلام عليكم ورحمة الله وبركاته

بالبدايه ابارك لكل الزعماء الأنتصارات المُتتاليه بتوفيق الله ثم بجهود الجميع

وإن شاءالله تستمر الأفراح بعيداً عن التدخلات الخارجيهـ لؤد افراح الزعيم

هالموضوع عبارهـ عن إجتهاد مني لخدمة الزعماء ممن يرغب مُساندة زعيمنا

في لقائه القادم امام الرائد ببريدهـ خصوصاً وان المباراة توافق بداية اجازة الاسبوع

ولذالك من المتوقع أن يحظر العديد من محبي الزعيم من خارج المنطقهـ للمساندهـ والأستمتاع

اعتذر بالبدايه عن عدم التنسيق للموضوع لأنه جاء في بالي بشكل سريع ونزلت قوقل ايرث وشغل سريع سريع

اولاً

نبدأ بالقادمين من جهة طريق الرياض القصيم السريع

اذا وصلت للقصيم ومع بداية اعمدة الأنارهـ بالجزيره الوسطيه احسب مسافة نصف كم تقريباً

يجيك مخرج يتجه لليمين للدائري الشرقي اطلع معه وسيدا

وانتبه للمنعطف الخطر اللي موضح بالصورهـ لأنه بجد خطير وعلامته صغر الطريق اذا اقتربت منه

خلك بمسارك لين يجيك تحويله لطريق الخدمه اجباري لعمل كبري (موضح بالصورهـ )

امشي بالخدمه ولاتطلع منها حتى تجيك اشارة الكبري ويمينك اسواق بندهـ

إطلع يسار وبعدها انت مخير بين طريقين الأحمر او الأزرق ايهما تختار

صورهـ اقرب للوصف

ثانياً

القادمين من طريق حائل

اذا دخلت بريدهـ من جهة الشمال امشي سيدا وعدي اشارتين مب تقطعهن ترا فيه حجز

تجيك الأشارهـ الثالثه اطلع معها يسار واتبع وصف الصورهـ

صورهـ مقربه من الأشاره الثالثه

ثالثاً

للقادم من طريق المدينه المنورهـ

اذا وصلت لبريده من جهة الغرب يجيك كبري قبله لوحه مكتوب فيها حائل و شمال بريدهـ

انزل مع مخرج حائل يعني بتنزل تحت الكبري بعد ماكنت ماشي فوقهـ

امشي سيدا لين تجيك لوحه مكتوب فيها طريق الملك فهد ولوحه ثانيه مكتوب فيها

مستشفى الدكتور سليمان الحبيب خذ اتجاهـ اللوحهـ.... انظر للخريطه للإيضاح اكثر

اذا مسكت طريق الملك فهد امشي سيدا سيدا ثم يمين تالي يمن كاهي هناك تنطرني<< قلبها طرب

صدق امشي سيدا لين تجيك منطقة عمل كبري بتخليك تمسك طريق الخدمه اجباري

خلك بالخدمه بيجيك كبري وبعدها انت مخير بين طريقين الأحمر من اسفل الكبري والأزرق من فوق الكبري ايهما تختار

التحذير

وأخيراً احب احذر اخواننا اللي بيحظرون المبارة من السرعه الزائدهـ

واتبع الحكمه اللي تقول أن تصل مُتأخرً خيراً من أن لاتصل ابداً

اخيراً اتمنى ان اكون وفقت بالوصف واللي يشكل عليه اي شي

والا يبي مساعدهـ لايردهـ الا الكيبورد سواء بالرسايل الخاصه او من خلال الموضوع

بالتوفيق لزعيمنا بإذن الله