|
للقادمون من خارج القصيم لحظور مباراة الزعيم والرائد كروكي بالصور الجويه لوصف ملعب المباراة وتحذير مهم (تحديث) للقادم من طريق المدينه المنورهـ السلام عليكم ورحمة الله وبركاته بالبدايه ابارك لكل الزعماء الأنتصارات المُتتاليه بتوفيق الله ثم بجهود الجميع وإن شاءالله تستمر الأفراح بعيداً عن التدخلات الخارجيهـ لؤد افراح الزعيم هالموضوع عبارهـ عن إجتهاد مني لخدمة الزعماء ممن يرغب مُساندة زعيمنا في لقائه القادم امام الرائد ببريدهـ خصوصاً وان المباراة توافق بداية اجازة الاسبوع ولذالك من المتوقع أن يحظر العديد من محبي الزعيم من خارج المنطقهـ للمساندهـ والأستمتاع اعتذر بالبدايه عن عدم التنسيق للموضوع لأنه جاء في بالي بشكل سريع ونزلت قوقل ايرث وشغل سريع سريع اولاً نبدأ بالقادمين من جهة طريق الرياض القصيم السريع اذا وصلت للقصيم ومع بداية اعمدة الأنارهـ بالجزيره الوسطيه احسب مسافة نصف كم تقريباً يجيك مخرج يتجه لليمين للدائري الشرقي اطلع معه وسيدا وانتبه للمنعطف الخطر اللي موضح بالصورهـ لأنه بجد خطير وعلامته صغر الطريق اذا اقتربت منه http://up.blncyah.com/uploads/images...7ae5db3bc4.jpg خلك بمسارك لين يجيك تحويله لطريق الخدمه اجباري لعمل كبري (موضح بالصورهـ ) امشي بالخدمه ولاتطلع منها حتى تجيك اشارة الكبري ويمينك اسواق بندهـ إطلع يسار وبعدها انت مخير بين طريقين الأحمر او الأزرق ايهما تختار http://up.blncyah.com/uploads/images...be349600c6.jpg صورهـ اقرب للوصف http://up.blncyah.com/uploads/images...a5c80cea43.jpg ثانياً القادمين من طريق حائل اذا دخلت بريدهـ من جهة الشمال امشي سيدا وعدي اشارتين مب تقطعهن ترا فيه حجز:d تجيك الأشارهـ الثالثه اطلع معها يسار واتبع وصف الصورهـ http://up.blncyah.com/uploads/images...6f89c841d2.jpg صورهـ مقربه من الأشاره الثالثه http://up.blncyah.com/uploads/images...4a052e6327.jpg ثالثاً للقادم من طريق المدينه المنورهـ اذا وصلت لبريده من جهة الغرب يجيك كبري قبله لوحه مكتوب فيها حائل و شمال بريدهـ انزل مع مخرج حائل يعني بتنزل تحت الكبري بعد ماكنت ماشي فوقهـ امشي سيدا لين تجيك لوحه مكتوب فيها طريق الملك فهد ولوحه ثانيه مكتوب فيها مستشفى الدكتور سليمان الحبيب خذ اتجاهـ اللوحهـ.... انظر للخريطه للإيضاح اكثر http://up.blncyah.com/uploads/images...fafd24dfc4.jpg اذا مسكت طريق الملك فهد امشي سيدا سيدا ثم يمين تالي يمن كاهي هناك تنطرني<< قلبها طرب:s2: صدق امشي سيدا لين تجيك منطقة عمل كبري بتخليك تمسك طريق الخدمه اجباري خلك بالخدمه بيجيك كبري وبعدها انت مخير بين طريقين الأحمر من اسفل الكبري والأزرق من فوق الكبري ايهما تختار http://up.blncyah.com/uploads/images...b17ffe429f.jpg التحذير وأخيراً احب احذر اخواننا اللي بيحظرون المبارة من السرعه الزائدهـ واتبع الحكمه اللي تقول أن تصل مُتأخرً خيراً من أن لاتصل ابداً اخيراً اتمنى ان اكون وفقت بالوصف واللي يشكل عليه اي شي والا يبي مساعدهـ لايردهـ الا الكيبورد سواء بالرسايل الخاصه او من خلال الموضوع بالتوفيق لزعيمنا بإذن الله |
كفيت ووفيت اخوي موهوب القصيم .. رصد جوي ولا أروع ... باذن الله جمهور الزعيم سيملئ المدرجات كما فعل في مدرجات الاحساء .. بالتوفيق لهلالنا .. |
تسلم يالغالي على الحرص على الحظور للمباراة وما قصرت تحياتي..,, |
يعطيك العافيـة يالغالي .. على الجهــد ,, اتمنى حضوور يملأ الملعـب كالسنــة المـآضيـة ,, دم ــتـم بوود يازعم ـآء .. |
الله يعطيك العافيه وما قصرت .. |
تسلم يالغالي على الحرص على الحظور للمباراة وما قصرت تحياتي..,, |
يعطيك العافيه حفظ الطريق حفظ على طريق المعارض :s2: |
مجهود تشكـر عليه يالغلآ..!! وبإذن الوآحد الأحـد الجمهور يبقى جمهور نآدي القرن وبيملي لنآ إستآذ الرائد ونتآبع سويا ـ فوز من جـديـد وحـلقـه جـديـده من حـلـقـآت الفـوز المسـتمـر والتمـسكـ بالصـدآرة الجمهور في كـل مكآن ... يآلبى الهلال |
الله يعطيك العافية والقصيم كله هلاليين ... واتمنى إمتلاء الملعب للآخر من جماهير نادي القرن حتى تتواصل الإنتصارات بإذن الله |
تسلم يالغالي انا انشاءالله جاي من عنيزه للمباراه انا اتوقع التذاكر تخلص يوم الثلاثاء |
مشكور اخوي على التوصيف وانشاء الله الملعب فل |
مشكور خيو أنا من الزلفي وأنشالله راح أحضـر المبارهـ لقربها من الزلفي ..! وبالتوفيق للزعيمـ ومشكور على التوصيف الحلو ..! |
الله يعطيك العافيه ومشكور على التوضيح نقطه مهمه بريده ليست محافظه وانما مدينه |
انصح الجماهير اللي من برا القصيم اذا بتحظر المبارات تجي قبل بيوم او يومين ,, لاني متأكد 100% عيال القصيم بيملون الملعب وزيادهـ , واللي من برا القصيم لايتعب روحه الله يرضى عليه الهلاليين بريده لحالهم يقدرون يملون الملعب وزياده , اجل وشلون هلاليين القصيم كلهم ! مشكووٍوٍر يالغالي |
الله يعطيك العافيه انشأ الله حاضر حاضر من البكيريه وبالتوفيق للزعيم |
| الوقت المعتمد في المنتدى بتوقيت جرينتش +3.
الوقت الان » 10:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd