بسم الله الرحمن الرحيم

حقيقه احببت ان اشارك في موضوعين لاحظتهم في الفتره الاخيره

الاول هو ماقامت به موبايلي بوضع صور لاعبي الهلال على الاسوار وهي حقيقه لافته رائعه منهم

وخصوصا انهم لم ينسوا الجيل القديم ووضعوا بعض الصور ولكن عتبنا نحن الهلاليين ان الهلال

لايمكن انا يختزل بكره القدم فنادينا اكبر واشمل وكنت اتمنى ان نجد صور للاعبي الالعاب المختلفه

ولو كان لاعب مميز واحد من كل لعبه سوف يكون شي رائع بعدم حصر اسوارنا بكره القدم

وابضا كنوع من التقدير لابطال الالعاب المختلفه ويكفي ان هناك ابطال مظلوميين اعلاميين

فمن غير المقبول ان يتم ظلمهم حتى في اسوار النادي !!!!!!!!!!!

----------------------

الموضع الثاني موضوع خالد عزيز اللي اصبح موضوع الشعب الهلالي بكل اطيافه

للاسف الموضع اخذ اكبر من حجمه وضخم وللاسف التضخيم الحاصل لم يساعد على حل المشكله

ولن يساعد على حلها في القريب العاجل . في السابق الهلال كان يحل مشاكله بشكل داخلي وبهدوء

وببعد الاعلام والجمهور ولكن الشفافيه اللي صايره سببت ضغط على الكل على اللاعب والمدرب والاداره .

فااللاعب يرى انه متابع بكل صغيره وكبيره صحف ومنتديات وقنوات وهذا مسبب ضغط عليه

والاداره الان امام وضع محرج باانها يجب ان تطبق النظام على الكل وماتستثني اي لاعب

وهي من اوقع نفسها في هذا المطب لو تم وضع الامور بشكل سري وبعيد عن الكل

كان تم عقاب اللاعب وممكن ايضا الغاءه ومااحد انتبه ولاعرف لكن الشفافيه الزايده الان ورطتنا جميعا

ولااسف واضح ان القضيه الان مالها حل وفي النهايه نهايتها انهاء خالد عزيز .

اما لكل من يطالب بالنظام والالتزام بالتدريبات وغيرها فهي امور مثاليه وممتازه ونتمنى تطبيقها

ولكن للاسف الاداره بقياده الامير عبدالرحمن بن مساعد تعمل بفكر احترافي مماثل للاوروبيين

مستمد من ثقافه الامير ومتابعته للكره الاوروبيه والمدرب نفس الشي

وبقيه الجهاز الاداري الان يتبعهم في التطبيق ولكــــــــــــــــــــــــــــــــن

خلونا واقعييين ومنطقيين لاعيبتنا مو محترفيين وراعيين سهر وعدم انظباط ومفاطيح وغيرها

ولايمكن بين يوم وليله نغيرهم لو ايش المسأله تجي بالتدريج

نعم نطبق العقاب على اللاعب لكن ايضا مانمشي خلف كل شي يقوله المدرب

المدرب جاي من ثقافه اوروبيه ولاعبين اوروبين ومايعرف ربعنا ولعيبتنا

وحتى نكون منطقيين وواقعيين ومو مثاليين فقط على الورق لو النظام هذا مطبق بشكل فعلي

كان ماشفتوا لا ثنيان ولاغشيان ولا سامي الجابر ولاتيماوي والقائمه تطول

واي واحد متابع الهلال من سنين يعرف الحقيقه هذي ؟

ومو على الهلال فقط بل حتى على باقي الانديه الاتحاد فيه محمد نور .......

نعم هذي الحقيقه

هل انتقد النجوم ؟ لا لكن لايوجد احد كامل والتاريخ مايكذب

لو اننا مطبقيين الانظمه المثاليه الاوروبيه لخسرنا لاعبين امتعونا وحققوا لنا بطولات

ولخسرنا لاعبين اصبحوا اساطير في رياضتنا

في السابق كان النجم عندما يخطيء يطبق عليه عقاب مايمديه يوقع الا ملغى من عضو شرف

والان الاداره الحاليه تبي تطبق النظام بكامل حذافيره وتخلي اللاعب مايلعب لشهور تنفيذنا لكلام المدرب !

مافيه حل بالنصف ابد ؟

لاعبينا واحنا نعرف عقلياتهم وتفكيرهم واحنا ابخص من جيريتس ونعرف كيف نطبق النظام

ونخليهم يتبعون الانظمه بطرق مختلقه وتطبيق نظام جيريتس يجي تدريجيا مع الوقت مو بين يوم وليله

رايي ان ايقاف خالد عزيز تم لاهداف ساميه ومثاليه ولكنه خرج عن اطاره بسبب عدم قدره الاداره

على التعامل المرن مع احداثه ؟

ماهو الحل الان ؟ القضيه تسير في نفق مظلم ولااحد يجي يقولي ان اللاعب خسران وبكيفه !

اكيد اللاعب هو الخاسر الاكبر ولكن من يفهمه ؟

هذي هي عقليات لاعبينا ومو خالد عزيز لوحده

ايضا الهلال والكره السعوديه سوف تخسر لاعب مهم !

اتمنى ان الاداره تراجع نفسها وتجد حل ولو يكون عن طريق واسطه عضو شرف او زياره المؤسس !

وفي الختام اتمنى ان توصل فكرتي للامير عبدالرحمن بن مساعد

ان اصبت فمن الله وانا اخطأت فمن نفسي

الله يصلحـــه دمــر نفســه ومستقبــله بحــركات مالها داعي

يا خالد غيــرك يحلــم يلبـس شعـار الهلال وانت تفرط فيه بهذه السهوله ؟؟

اخوي اشكرك على كلامك بس عندي ملاحظه
انت تقول الشفافيه الزايده ورطتنا كثير .. وانا اقول المثاليه الزايده بعد ورطتنا اكثر
وانت تقول ان اللاعبين السعوديين راعين مفاطيح وسهر وصعب يطبقون الاحتراف
طيب عندك 32 لاعب سعودي في الفريق الاول وش نقول عنهم ذولي ؟؟

ع العموم خالد عزيز من مباراة النهائي وهو ( مب صري )

الله يصلحـــه دمــر نفســه ومستقبــله بحــركات مالها داعي

يا خالد غيــرك يحلــم يلبـس شعـار الهلال وانت تفرط فيه بهذه السهوله ؟؟
معك 100%

لا تلووم الاداااره عزيزي ..

خااالد عزي مااعرف وش قصته كل يومين غايب بدون عذر ..

بس لازم يحط في باله ان الهلال ما يوقف على لاعب ..

واذا يبي يطلع برى النادي ( الباب يوسع جمل )

وفكره راائعه وضع صور القدامى من الالعاب المختلفه على اسوار النادي ..

تحيااتي

والله كلامك درر

وانا معك في كل الي تقوله واتمنى ان الموضوع يثبت

واقترح عليك انك تدور عن الايميل الي يستقبل فيه شبيه الريح اراء الجماهير وتقص الموضوع وترسله له

فعلا يجب ايجاد حل ويجب على الاداره الاجتماع باللاعب ويكون سري ويفضفض اللاعب بكل الي بقلبه لان اكيييييييييييد فيه سر بالموضوع اكيد اللاعب شاف لاعبين قبله مثل العويران والجمعان والدوخي كيف انتهى بهم المطاف واكيد يدري انه اذا طلع من الهلال يبي ينتهي فلذلك نشوف اللاعب وش عنده ونتاكد ان مافيه احد واقف بينه وبين الهلال من تشويش وعروض وغيرها

انا معاك في كلامك عن خالد عزيز عقابة بهذة الطريقة فيها انهاء للاعب

ياليت يحاولون يتفاهمون معاه مو يزيدون المشكلة

عقلية خالد عزيز اذا يبون يكسبونها لازم يقللون الضغط على اللاعب ويحاولون يصبرون علية و يتركون حكاية التمارين الانفرادية ...لان حب اللاعب للعب يعتمد على نفسيتة اكثر من اي شئ ثاني

في النهاية خالد عزيز غلطان والكل يعرف هذا الشئ لكن اتمنى من الادارة انها تعالج المشكلة مو تزيدها ومثل ماقلت اتمنى انها ماتترك معاقبة اللاعب على المدرب لانه ما يفهم عقلية اللاعب السعودي

أنا أقول عزيز عنده أغراء كبير جداً من أحد روؤساء الأنديه وهو يفكر كثير بهالشي

وخصوصاً بعد قانون اللجنه الفنيه الجديد بأن اللاعب لو لعب أقل من 10 % من مباريات الموسم الواحد يحق له الإنتقال لأي نادي

يرغب فيه....

وهو ألحين جالس يستغل شده جريتس عشان يبعد أكثر وأكثر عن الفريق عشان مايلعب أكثر من 10% من مباريات الموسم

ويصير من حقه أن ينتقل إلى أي نادي آخر

اشكر جميع من علق سواء بالتأييد او عدمه على الموضوع اللي طرحته

ولكن احب ان اقول عزيز لاعب هلالي اخلص للشعار سابقا واعتقد انه سوف يخلص له في المستقبل ان اتيحت الفرصه

ولااعتقد ان سبب اللي صاير انه يبي ينتقل او غيره ولكن التشكيك في ولائه واتهامه بأنه يريد الانتقال او غيره

في رايي سوف يدفعه للتفكير جديا في الموضوع او يدفع الانديه الراغبه فيه في محاوله الوصول له

وبعد حصول الشي نقول ان النتيجه اللي حدثت مخطط لها ومدبر

وننسى اننا من دفعنا وسارعنا في اتمامها بااتهاماتنا الغير منطقيه وباابعاد اللاعب من نادينا وعن جماهيرنا

وللاسف اننا نكرر سيناريو الجمعان عبدالله اللي هو لاعب هلالي 100% هو وعائلته ووالده

التقليل من انتماء اللاعب والتشكيك به ونتيجتها تكون خساره

وانهاء الاعب بشكل اسرع من المتوقع وعدم استفاد الهلال او الكره السعوديه منه

ولو بالانتقال للانديه المنافسه .

القضيه في رايي ببساطه هي عقليات لعبيتنا .

ليس انتقاصا ولكنها الحقيقه مستوى التفكير والانظباط والتعليم عندهم اقل من غيرهم ولذلك

يحتاجون تعامل خاص بطريقه انك تمسك العصا من النصف فلا افراط او تفريط

وبالتدريج يتم وضع اوتطبيق قوانين الكره الاوروربيه لدينا وليس بين يوم وليله ولكن من فتره الناشيئن

اما بالنسبه لوجود لاعبين ملتزميين حاليا في النادي فهي حقيقه اصابعك ليست واحد

في الجيل السابق الكل يعرف الفرق بين الثنيان والمصيبح في الانظباط ! والامثله كثيره

ولكن ادارت الهلال السابقه استطاعات اخراج مافي جعبت اللاعبين لمصلحه النادي على الرغم من وجود

اخطاء اداريه كانت لكن هذي هي الحقيقه استطاعوا حل مشاكل النجوم وعدم انظباطهم

بطريقه رائعه فااستفاد النادي واللاعب ولم نخسر لا يوسف ولاسامي ولاغيرهم

وصدقوني تاريخ كبار نجوم الهلال ليس ناصع كالذهب ! والكل يعرف الحقيقه هذي وهو ليس عيبا

فنحن لانبحث عن رسول في لاعيينا ........

فكم واحد منهم كان يسحب على التمارين والمباريات لاسباب تافهه واحيانا بدون اسباب

وكم واحد منهم ساوم النادي في الصحف انه ماراح يلعب بدون مقدم عقد

ومن منهم سبق ان رمى قميص النادي على الارض في لحظه غضب !

الادارات السابقه تعاملت معهم على مستوى عقلياتهم فااستفاد النادي منهم واستفادوا هم في حياتهم

بجمع مبالغ ساعدتهم على الحياه الكريمه وايضا في الفتره السابقه كانت الظغوط الاعلاميه اخف بكثير من الان .

عدد الصحف اكثر ويوجد منتديات تتابع بالتفصيل مايحدث

في السابق كنا نذكر عند حصول مشكله في الهلال كانت الصحف الهلالليه لاتكتب عنها

لان نشرها لن يفيد النادي الى ان تحل المشاكل بهدوء ( الله يذكر الجزيره بالخير )

اما حاليا الكل اصبح يتابع حتى الجمهور باامكانه الحضور والكتابه فلذلك لم يصبح اخفاء او تجاهل

اي مشاكل تضر بالهلال سهل بل الكل يكتب بحثا عن سبق صحفي او خبر للاخريين

تطبيق النظام امر رائع لكن ارجوا ان لانحاول اعاده فتره المصيبيح يوم كان اداري

حيث ترك الهلال عدد من اللاعبين الفنانيين او استبعدوا بسبب عدم انظباطيتهم

واصبح من يلعب هم اللاعبين المنظبطين فقط

وانتهينا في تلك الفتره بفريق لاعبينه مع احترامي الشديد لهم ولتاريخهم

من حسين المسعري وماشابه تجدهم اساسين

واللاعبين الممتازيين خارج التشكيله !!!!!!

هذا الكلام مو من راسي وارجعوا ابحثوا في التاريخ او اسألوا من عاشر المصيبح يوم كان اداري

سواء ابواثنين والتيماوي والجابر وغيرهم

هل هو انتقاد للمصيبح ؟ لا لكن هذي الحقيقه تطبيق النظام والالتزام به يحتاج فتره ولايمكن

ان يتم بين يوم وليله . الواحد يعمل على تحقيقه لكن اذا ناس اخطؤا فيجب التسامح قليلا

وموضوع الانظباطيه هذا مستمد من ثقافه المجتمع واحترامه لعمله

اتمنى ان نكون كلنا ملتزميين ولكن للاسف نحن لسنا يابانيين بحب العمل !

يالبى قلب الزعيم ،، زعيم القرن

يالبى زعيم القرن ،، زعيم قرن اسيا

من يستحق اللعب اساسي في الهلال والمنتخب:

عزيز ام ياسر

اذا عرفت الجواب تعرف سر غياب عزيز!


صحيح : اذا حبتك عيني ما ضامك الدهر


وعجبي