ياجماهير الهلال(متى بتحتفلون بلقب فريقكم اقسم بالله انكم باردين) ولا انشغلتم بالرد على المشككين واقتباس مواضيعهم وتزينها في منتدانا - نادي الهلال السعودي - شبكة الزعيم

وسن الهلالية · #1 18/10/2009, 03:55 AM

السلام عليكم ورحمه الله وبركاته

الموضوع يحتاج روقان عشان يتم فهمه

ألحين من يوم ما تم الأعلان عن فوز الهلال بلقب نادي القرن

وكل شوي واحد من الأعضاء منزل موضوع وحاط فيه ردود ومواضيع الفريق الجار

هذا غير المواضيع إللي فيها رد لتشكيك من احب ان اسميهم (أصحاب الاسنان الصفراء)

سؤال يسدح نفسه

هذة هي فرحتكم باللقلب؟

يازعماء نادي القرن
الهلال كل هالسنين على بطولات وكرف وعمل جبار من قبل الادارات
إللي توالت على رأس الهرم الأزرق

وفي النهاية لما يعلن الفوز باللقلب هذي ردة فعلنا
هدوء في المدرجات
ورد على المشككين في المنتدى واقتباس من مستنقعاتهم
ولو مرة سوويتوا فيها حركات وفله وشي غريب سويتوا هذا

على أساس أنه شي يعني

الله يعطيكم العافية على هالحركة لكن
تعتقدون انه يكفي

لأحد يقول لي ننتظر الاحتفالية إللي سيقيمها النادي بهالمناسبة

لو مااحتفلنا بفريقنا ما أحد راح يحتفل فيه غيرنا
عساكم بتمشونها على تمرير هاللوحة المكتوب عليها نادي القرن وبس

ألحين الكل يبارك لنا ويهنى الهلال على هذا
اللقب ونحن قاعدين وحاطين يدنا على خدنا منتظرين الأدارة تسوي لنا حفل

يازعماء نادي القرن
ليه ماتكون كل مباراة عبارة عن كرنفال أزرق

تكون عبارة عن احتفالية من نوع خاص

كل مجلس جمهور هلالي في كل مدن المملكة
لازم يحتفل بطريقته الخاصة

تكون مباريات الهلال على أرضه حدث استثنائي

خلونا نفلقهم بلقب نادي القرن
خلونا نغثهم من كثر ما نحتفل بزعيمنا

خلوهم يشوفونا في احلامهم
مادامهم يحلمون
خلونا نطلع لهم في احلامنا ونسوي لهم كذا

نحن الان امام لقب يتم الاعلان عنه كل 100 سنة

المفروض نعلنها فله ودجه وصرقعه في الملاعب

نزعج خلق الله بصوت جمهورنا يكون الموسم هذا استثنائي للزعيم

>>>>>>>>>>>>>>>الاتحاد السعودي ماهو احسن مننا كل مواسمه استثنائية

وأي واحد في ناديه خير يطلع في الأعلام ويقول شي
ضد احتفالاتنا

يازعماء هلالنا نادي القرن الأسيوي

مثله مثل نادي الاهلي المصري في افريقيا
مثل ريال مدريد في اوروبا

فريقنا الان صار مع الكبار
لازم ما نلتفت لصغار الشأن من الحاقدين

إقتراح

اتمنى اطلاق حملات ماهو حملة وحده
تكون عباراة عن مسابقة بين جماهير الهلال في مدن المملكة
للاحتفال بلقب نادي القرن ويكون التجمع يوم الحفل الرئيسي في استاد الملكم فهد الدولي

وهذاك اليوم يتم تكريم مجلس الجمهور الهلالي الفائز بافضل احتفالية وافضل تنظيم

أتمنى تزودونا بارائكم على اقتراحي

عذرا على الإطاله

أختكم:

وسن الهلالية

مطـلق الهاجري · #2 18/10/2009, 04:00 AM

اطلق مووضوع فالشبكـه العنكبوتيـه ..

وينك منذو مبطــي ...

مزاجي حلووو · #3 18/10/2009, 04:03 AM

يعطيك العافيه وربي اطلق موووضووع شفته من اعلان حصووووول الزعيم نادي القرن فالك تثبيت ثبتوووت الموووضوع

abooodee2006 · #4 18/10/2009, 04:06 AM

كفووووووووووووووو والله على الموضوع اللي يلجم كل مهايطي اشغلنا بأقتباس ونقل مواضيع تجيب الهم ماجينا نشوف مواضيع متشابهه وكل واحد ينقل رد اللي قبله ويرد نبي نحتفل ونعيش فرحة اللقب

9 لابس الازرق 9 · #5 18/10/2009, 04:15 AM

الله يعطيك العافيه

موضوع قمة الروعه

الهمه ياجمهور القرن

ألمـآســهـ زرقــآء } · #6 18/10/2009, 04:24 AM

:

فـكررهـ مجنونه وسن ~
كنت أظن إنكـ رآح تتكلمين عن تآخير الحفل ,
الحفل اللي من الإدآرهـ طيبعي يتأخر لأنه محتـآج تجهيز كبير , حتى يكون حفل يليق بـ نآدي القرن ~

أتمنـى أتمنـى من كل قلبي , كل مجلس جمهور يسوّي حفل قبل المبآرآهـ وبين الشوطين حفل مبسط بين الجمآهير
و تكون فيه أهآزيج جديدهـ لـ اللقب ..
تمنّـى إن المجلس محضرين مفآجأهـ بكرهـ لـ الجمهور , ويآليت نشوف المجلس بالريآض في مبآرآة نآدي القرن مع الفتح يسوون شئ حلو بهالمنآسبه ~

أمآ الأعضاء , الله يهديهــم !
إنشغلو بالرد ع خط الفتنه , وأمثآلهم , المفروض مآ نعطيهم أكبر من حجمهم
وتكون مقآطعتنآ فعليّـه لهم , هم لما شآفو الصحآفه والجمآهير تكتب عنهم تمآدو أكثر !
يآليت نفرح باللقب , و نستآنـس , ونحتفل في كل مبآرآهـ , ونقهـر العـذّآل ~

يعطيكـ ألف عآفيّـه حبيبتي
إقتــرآح مجنون , وفكرهـ خطيرهـ إن شآء الله تبدأ قريب ومآ تنتهي إلآ بعد 180 سنه

بالتوفيق لـ نآدي القرن بكـرهـ , وكسب الثلآث نقآط يآ رب ~
: )

هلالي ورااسي عاالي.. · #7 18/10/2009, 04:27 AM

عوااااااااااااااااااااااااااااااافي

وسن الهلالية · #8 18/10/2009, 04:32 AM

مطـلق الهاجري
مزاجي حلووو
abooodee2006
9 لابس الازرق 9
ألمـآســهـ زرقــآء }
هلالي ورااسي عاالي..

شرفني مروركم على موضوعي المتواضع
ونتمنى ان نراه على ارض الواقع

الوفاء طبعي999 · #9 18/10/2009, 04:44 AM

ياأختي أنتي وينك من <<مبطي؟؟؟
نبي آآآآآآآآآآحتفالات نبي رجه نبي فله نبي هبآآآآآآآآآآآل نبي أغاني وفرفشه بمناسبة اللقب الكبير والغاااااااالي علينا؛؛؛

دمتم...

£ДĐêέê · #10 18/10/2009, 04:57 AM

موضوعك في قمه الروعه وان شاء الله نشوف تفاعل فيه

الف شكر لك اختي على الابداع الغير مستغرب

واااصلي يامبدعه ربي لايحرمنا منك ولا من ابداعك

ابعاد 566 · #11 18/10/2009, 05:03 AM

كلمة شكرا قليلة في حقك

موضوع بالصميم

الوجه الصعب · #12 18/10/2009, 05:25 AM

لو تتكلمين ليييييييييييييييييييين بكره محد حولك

الرابطه الهلاليه بكبرهاا باررررده

والجماهير الهلاليه بكبرره بارررررررده

مافيه حماااااااااااس من كل الاثنين

لين متى بيكونو بذي الحاله مدري

ياكثر المواضيع الي تحمس قبل المباراة واذا جااء وقت الجد مااااحولك احد

اهم شي بالملعب الحب والعصير ورجل على رجل ويتفرج بس هذا الجمهور الهلالي

ويعطيك العاافيه على موضوعك اختي وسن

احترآآميـ لذاتكـمـ

تألم بس تعلم · #13 18/10/2009, 05:33 AM

المفروض نجيب لوحات وفله في الملاعب عن نادي القرن الاسيوي

وانا بجيب ان شاء الله في مباراة الفتح
والله يوفق اليوم ونفوز

انه الهــــلال..وكفى · #14 18/10/2009, 05:34 AM

[CENTER]وسن يعطيك العافيه ..

تصدقون فيه ناس عشان فريقهم فاز ببطوله صغيره احتفل جمهوره بقصور افراح

<<< مافيه امل لازم يجي الطاري

... فعلاً الهلال يستحق منا اكثر من كذا اللقب اللي حصلنا عليه لا يحصل عليه الا الكبار ... شيء حلو اننا نشوف قصائد واشعار بمناسبه نادي القرن وفيه بعض الاعضاء عمل احتفاليه بسيطه بمقر عمله ونزلها ومنهم من عمل ستكر علي سيارته ... اتمنى انه يخصص من قبل الأداره قسم خااااص بأحتفاليه

القــــرن

... يوضع فيها جميع الاشعار والتصاميم واحتفالات الجمهور الخاصه وكل ماله علاقه باللقب العالمي ... ويضم اليه التهنئات الرسميه من الانديه والشخصيات وغيرها ...

وشكراً لكم ...[/CENTER]

غريب البلاد · #15 19/10/2009, 04:43 AM

إقتباس

الرسالة الأصلية كتبت بواسطة انه الهــــلال..وكفى


	[CENTER]وسن يعطيك العافيه .. تصدقون فيه ناس عشان فريقهم فاز ببطوله صغيره احتفل جمهوره بقصور افراح <<< مافيه امل لازم يجي الطاري ... فعلاً الهلال يستحق منا اكثر من كذا اللقب اللي حصلنا عليه لا يحصل عليه الا الكبار ... شيء حلو اننا نشوف قصائد واشعار بمناسبه نادي القرن وفيه بعض الاعضاء عمل احتفاليه بسيطه بمقر عمله ونزلها ومنهم من عمل ستكر علي سيارته ... اتمنى انه يخصص من قبل الأداره قسم خااااص بأحتفاليه القــــرن ... يوضع فيها جميع الاشعار والتصاميم واحتفالات الجمهور الخاصه وكل ماله علاقه باللقب العالمي ... ويضم اليه التهنئات الرسميه من الانديه والشخصيات وغيرها ... وشكراً لكم ...[/CENTER]

اوافقك الرأي