السلام عليكم ورحمة الله وبركاته

إليكم هالاقتباس للكاتب :

إقتباس مشكلة اللاعب السعودي أنه على أعصابه، تحت ضغط إثبات أنه حسن الخلق والدين، لهذا يدخل في مشاريع ليست من اختصاصه أو ليست من بين الأعمال التي تنتظر منه، مثل إصدار شريط إسلامي، أو توقيع عقد لإعلان عن الصلاة بقيمة ريال واحد فقط، وهكذا بينما لو تصفحت "اليوتيوب" لوجدت مقاطع مخجلة لهذا اللاعب على المستطيل الأخضر. لكن – كالعادة - اللاعب الأوروبي يحرجنا نحن، يجعلنا نتفشّل أمام العالم، نظراً لندرة التفكير الاحترافي حتى في الحملات التوعوية التي تقدم، وأنا هنا لا أعمم بل أذكر بحملة التوعية بأنفلونزا الخنازير التي شارك فيها بكل رقي اللاعب السعودي سامي الجابر في الإعلام الذي يعرض الآن على القنوات الفضائية، لكن بقية إعلانات اللاعبين وإصداراتهم تفشّل، أمس يشتمون بعضاً واليوم يصدرون شريطاً إسلامياً! اللاعب العربي الأوروبي الفرنسي المسلم – هكذا دفعة واحدة - زيدان وقع بخطأ أخلاقي فادح حينما نطح اللاعب الإيطالي سنة 2006، لكنه تدارك الوضع واعتذر من الأطفال الذين شاهدوا النطحة، وطلب منهم ألا يقتدوا به في مسألة النطح بالذات، زيدان أنشأ "مؤسسة زيدان" مؤخراً في الجزائر ويرأسها والده إسماعيل وتهتم بمساعدة الأطفال الفقراء والأيتام، ويقوم بمشاريع خيرية ومباريات خيرية، وهذه هي القيمة الأساسية لشهرة الإنسان أن يستثمرها في الأعمال الخيرية التي تعود على مجتمعه بالنفع. قلت: وعلى الرغم من أننا نسمع عن مبالغ خيالية للاعبين عندنا، مع أنهم يحسنون التسدح والتبطح والتمدد في براد المستطيل الأخضر، غير أننا لم نسمع بتبرعات توازي تلك التبرعات، البعض يتبرع بالسرّ وهذا جيد وأدعى للإخلاص، لكن من المهم وضع مشاريع لتبرعات معلنة تساهم في رفع مستوى الوعي بالعمل الخيري وتؤسس لثقافة التطوع الحضارية، إنه نوع من تجديد طريقة التبرع، كأن يقوم اللاعب المشهور بمباراة خيرية، أو تأسيس مؤسسة إنسانية مختصرة، هذا هو العمل المثمر. ألاحظ أن أعمال بعض اللاعبين الجيدة في مجال الإعلان والحملات تقوم على فكرة تنقية الذات من شوائب الاتهامات في الأخلاق والدين، أكثر من قيامها على ذهنية تطوع منظّمة على النحو الذي قام به زيدان. "نقلا عن صحيفة الوطن السعودية"

انتهى الاقتباس .. !!



صراحة ما أدري وش مقصد الكتاب اللي طالعين نازلين محشّات باللاعبين !! ..

يناقشك الكاتب بزاويته وعاموده وكأنه الانسان الوحيد على وجه الكوكب اللي فاهم .. بينما غيره عايشين بانتظار لحظة صدور الجريدة علشان يقرون عاموده .. علشان يفهمون ويتعلمون !! ..

وكأننا عالم لا نملك لا ثقافة ولا معرفة .. في زمن اصبحت المادة الاخبارية تحت " ضغطة زر " ..

وصار التاريخ أمامنا .. آلاف السنين تقدر تعرف خوافيها خلال يوم واحد من القراءة ..

و أصح ماكتب الحكماء أروع ماكتب الأدباء بين ايدي الجميع ..



بعض الكتاب .. يشوف زملاءه يشتهرون على حساب كل ماهو أزرق .. ويقول خلن ألحق نصيبي ..

المكتوب بهالاقتباس .. شي واضح مقصده .. وابسط مايكون استغفال للعقول .. نقدر نقول يحاول يشري عقول بالحتسي


يعلم الله اننا شعب ينقصه الكثير جدا .. ولولا نعمة الاسلام كان نصير أردى المخلوقات ..

باستثناء نسبة .. لكن الاغلبية شعب " مع الخيل يا شقراء "

نحب نحقد بسرعة من الناجح .. نحب ندخل بالنوايا .. ونقلّب الحقائق بغض النظر عن المصداقية والأمانة ..

مع العلم المفروض اننا نكون متمسكين بكل مايتبع الاخلاق ..


الكاتب ناقض نفسه .. وغمّض عيونه عن حقائق دامغة .. ومشى وراء هوى نفسه وطمعه بجماهيرية على حساب أمانته مع نفسه ومع قلمه ..


يا كويتب .. لحظة ..


من تقصد بكلامك ؟ .. هل نحتاج لمشورة فكرية من سموّك !!! ..

كلامك واضح .. ومقصدك معروف .. وخلن أرد عليك .. لأني واثق تمام الثقة من إنك مرتز هنا و " هناك " .. منتظر صدى قلمك ..


أيها المتناقض موضوعك فوق يختلف عن مضمونه تحت ..


هل ترى فيما فعله الفريدي محاولة اثبات خلقة وثبات دينه ؟ ..

وهل ترى مافعله ياسر لا يوازي سمعته وشهرته ؟ ..

وهل ترى فيما فعله ياسر و أحمد اشياء دنيوية ؟ ..

كيف اثبت هالكلام وطرحته بكل ثقة موجها الرسالة للقرّاء قبل اللاعبين ؟ ..

احمرّت وجنتاك خجلا أجل ؟ .. فشلوك !!

ماذا فعلت أنت ؟ .. سواء الترزز ومحاولة كسب الشهرة ؟ .. وش سويت لمجتمعك ؟ ..

وش اللي سويته بحياتك سوى متابعة اليوتيوب والركض وراء فضايح غيرك !! ..

بأي حق تكتب اللي كتبته .. وتوجّه رسالة توجيه وارشاد !!! ..



تستدل بزيدان ( الفرنسي المسلم ) .. متى شفت زيدان يدعم الاسلام ؟ .. نبيه يدعمه معنويا مانبيه يدعمه ماديا

متى قدم إعانات لخدمة الاسلام والمسلمين ؟ ..

مع العلم ان زيدان ودخله السنوي بعز شهرته .. يفوق أضعاف مضاعفة مايستلمه ياسر وغيره



حتى المنظمات التنصيرية على فكرة تدعم الفقراء .. أوبرا المقدمة الأمريكية وضعت نسبة من أمواله لمكافحة الفقر

كل من بغى الشهرة والفسقة قال خلني ادعم هالعالم .. بأشياء ماتأثر بدخله الربحي اللي ماندري عن حلاله وعن حرامه ..

بل بالعكس تزيد من شهرته وتزيد من ربحيته ..



بدال ما تدعم توجّه ياسر والفريدي .. تحاربهم !! .. وتدعي ان هالاشياء ماهب من اختصاصهم ؟ ..

مهب مسلمين ؟ .. تواجدهم بهالاعلانات الخيرية ماتدعم هالاعلان وتحث الناس على الخير ؟ ..

هالشي مايدخل تحت استغلال الشهرة في مصالح اجتماعية خيرية ؟ ..


الفريدي انسان يعرف دينه .. ويعرف واجباته تجاه ربه ..

مايحتاج كاتب مثلك يعلمه .. الله يثبته على فعل الخير ..


مجتمعنا يغص باللي مثلك .. ومليان من اللي يشجعون افكارك الميتة ..

يشجعون انتقادك للاعبي الهلال .. ويشجعون الدخول في ذمم ونوايا الغير .. خاصة المشاهير الزرق ..

تدس السم بالعسل عندما ذكرت سامي .. واشدت بالحملة التوعية اللي دعمها ..

مع ان كل الاعمال التوعوية تصب في بحر واحد .. وكله تدخل ضمن واجبات الانسان المسلم ..

سواء حملة الدعم بريال .. او شريط اسلامي .. او حتى توعية من مرض ..



ما أقول الا الله يجيرنا منك ومن هم على شاكلتك ..

واستمتع بالشهرة ..

مشكوووور على الموضووووووووووووووووووووووووووووع

مشكور...............................................

أخوي ابو ساري ..

انا معك فيما كتبت ... هناك صحفيون هداهم الله لا يأخذون من مهنتهم إلا اسمها .. فأرصدتهم المعلوماتيه تكاد تكون مفلسه بعض الشي إن لم تكن تماماً ..

عليهم أن يعوا ما يكتبوه - البعض وليس الكل - لإن قلمهم يمثل الوطن .. إن عرفوا ذلك

دمت بود

أنا أخلافك الرأي فبفهمي المتواضع أعتقد أنه يقصد كيف أن اللاعبين وبمجرد مساهمتهم بالشريط الاسلامي قد اقتنعا بما بدر منهما فكيف نستطيع أن نقع الطفل الذي استقبل الخبرين المتناقضين الاولى أن يتم إعتذار اللاعب المخطىء ثم بعد ذلك تعمل حملة للجمهور وخاصة الصغار بأن هذا الخطأ صدر ويجب الوعي بعدم تقليدة وولكن الواضح أنه لا يستطيع نقد اللجنة التي ميعت الموضوع وظهر الفريدي وكأنه الجاني

كبير يآ آبو سآري

وعلى مآ قال المثل القآفلة تسيـر وآكلآب تنبح

يبي يشتهر هالكويتب على حسآب آعمآمه .. لكن هيهآت هيهآت

خالف تعرف


مشكوووووووووووووووووووووووووووووور

تركي الدخيل يبي يبعد اللاعبين المشهورين عن الدين هذا هو القصد لانه والله اعلم ...............؟

مشكور يالغالي

ويعطيك ربي الف عافيه

أشكر كل من زار الصفحة .. وكل من عقّب على الموضوع ...

بس عندي رد على رد الاخ عبدالعزيز ..

ماختلفنا عبدالعزيز ان اللاعبين اخطأوا خلنا من هذي .. هل لاعبي الهلال فقط اللي يخطئون ؟ ..

وينه عن غيرهم .. على الاقل لاعبين يقدمون شي للمجتمع بغض النظر عن خطأهم في مباراة او نرفزة ..

مسألة انه يتعدى على لاعبين هلاليين ويدخل بنواياهم .. ويترك غيرهم !! ..

هذي حاجة ..

إقتباس مشكلة اللاعب السعودي أنه على أعصابه، تحت ضغط إثبات أنه حسن الخلق والدين، لهذا يدخل في مشاريع ليست من اختصاصه أو ليست من بين الأعمال التي تنتظر منه، مثل إصدار شريط إسلامي، أو توقيع عقد لإعلان عن الصلاة بقيمة ريال واحد فقط،

دقق القراءة اخوي عبدالعزيز بهالسطر .. وقلي اذا تخالفني بكلامك أو لا ..

الانسان هذا يقول ان الاعمال ( اصدار شريط اسلامي .. توقيع عقد اعلان عن الصلاة بقيمة ريال واحد ) .. مهب من اختصاص اللاعب !!! ..

بس اتمنى تركز بهالنقطة .. وتشوف انه اخطأ اشد الخطأ .. لأن هالاعمال الخيرية مهب مقتصرة على مشهور او غير مشهور ..

هذي من واجبات المسلم .. ومن ألزم اختصاصاته .. اشياء يقوم عليه الاسلام ..

شلون هذا يقول اشياء مهب من اختصاص اللاعب ..

وهل اللاعب اذا اخطأ مثلا بمكان .. خلاص مايصلح انه يتبرع ولا يقدم اعلانات خيرية ؟ ..

خلاص يحط ايده على خده يقول يالله تجيرنا النار بس !! ؟

الله اعلم من الكويتب ..

على فكره تركي الدخيل مو بحاجه شهره يكفي انه اخذ جائزه ملك الحوار وتراه هلالي وسبق انه قال هالشي في الجزيره في دردشه رمضانيه -او شي زي كذا لاني موب متذكر الأسم -..
وبعدين هو ماقال شي غلط مثلا وش راح يستفيد فقير او مسكين من اعلان شريط ؟؟ وش راح يسفيد فقير او مسكين من اعلان عن صلاه بتقول توعيه اقولك الشعب السعودي وخصوصا الشباب لا ينفع معهم التوعيه والدليل مثلا الحزام او التفحيط بلاهي كم سنه والمرور شغال وخاسر ملايين على اعلانات ضد هالاشياء ؟؟ هل فادت التوعيه ..

لاتخلي عاطفتك تغلب على المنطق عشانهم هلاليين بأدافع عنهم ؟؟ وبعدين لا تناظر الي ردو وتحسب ان هناك ناس تأيدك ترا نصهم يكتبون مشكور ويطلعون بس عشان يزيدون مشاركاتهم .. او خايفين انهم ينتقدون مثللي وبعدين يجردون من هلاليتهم مثل الي بيصيرلي بعد شوي ..

تحياتي ..

ميخالف انا كويتب ياخلفهم ولا تزعل ..


بس تعال اشرح لي قصد الكاتب بالتفصيل !! ؟

مايحتاج شهادتي واخذن ملك الحور .. والله لو انه من المبشرين بالجنة !!

يمكن يقرب لك يمكن تعرفه .. انا مالي دخل بك ولا به ...



الكاتب .. حاط موضوع طول وعرض .. يتكلم به عن الفريدي وياسر .. !!

الشريط الاسلامي ماراح يفيد الفقراء صح هههههههههه .. ميخالف مايفيدهم ..

بس الفريدي تواجده كنجم للاعلان عن هالشريط .. يحفّز الشباب انهم يسمعونه ..

هذي شي معروف .. وتواجد الفريدي يخدم جانب اسلامي ..

مهب شرط انه يدفع دراهم علشان يصير ماهنا مثله ..


شي ثاني .. اعلان دعم الصلاة بريال واحد .. يا أخي هذي تبرعات .. واختارو ياسر لشهرته

تبيه يقول لا منب جايكم ؟؟ .. يعني انت براسك جاوبن ..

لو وجّهت الدعوة لك انت على سبيل المثال .. تبي تقول لأ ؟؟ .. مهب من واجباتي اني اجي !!

الدعوة وجّهت من منظمة خيرية .. وواجب على ياسر وغيره انهم يلبون هالدعوة


وين غيرهم ؟ .. يعني لازم يستفسر ياسر وغيره .. يقول هالكلام ذا كله بيرجع شي للفقراء والا لا ؟

وهل الخير كله محصور للفقراء بس ؟ ..



بس بصراحة مادري وش الدخلة العنيفة اللي دخلته اخوي .. انبراشة قوية صراحة


بموضوعه ذكر التبطّح على المستطيل الاخضر .. وحصر ياسر بالموضوع هو والفريدي ..

طيب هاللاعبين مع قلة قليلة من اللاعبين هم اللي دعموا الجهات الخيرية بتواجدهم ..

ورا ماتكلم الكاتب عن اللي تخلفوا عن هالدعوات ؟ ..



معليش اخوي .. بس اذا انت تعرفه وصله سلامي .. وقله اسفين على الازعاج