|
كأس الإتحاد السعودي للناشئين : الهلال Vs النصر ( نقل مباشر ) تغطيه : غيور أزرق ضمن مبارايات كأس الإتحاد السعودي للناشئين يتقابل عصر هذا اليوم فريقي الهلال والنصر لدرجة الناشئين على ملعب الأمير سلمان بن عبدالعزيز بنادي الهلال يدخل الهلال بتشكيل مكون من : 22 وليد أبو ملحه ( حارس مرمى ) 3 أحمد شراحيلي 4 معتز العتيبي 19 عبدالله الشامخ 12 عبدالله الحمدان 7 عبدالعزيز آل شريد 16 راشد الدوسري 18 فهد القحطاني 15 فيصل السلطان 8 عبدالله العتيبي 10 أحمد الدريبي ( نرجوا عدم الرد حتى نهاية المباراة ) ومن سيقوم بكتابة ردود قبل نهاية المباراة سيتم إنذاره ..!! |
الشوط الأول الدقيقه : 9 تبديل هلالي أول خروج رقم 18 فهد القحطاني ( مصاباً ) ودخول رقم 23 نايف الأسمري |
الشوط الأول الدقيقه : 11 هجمه خطره للنصر يتصدى لها حارس الهلال |
الشوط الأول الدقيقه : 16 خطأ خطر لصالح الهلال على رأس منطقة الجزاء يسددها عبدالله العتيبي في حاط الصد النصراوي |
الشوط الأول الدقيقه : 18 ركله ركنيه للهلال يستقبلها أحمد الدريبي يسددها يرتمي لها حارس النصر ويخرجها كهجمه خطره للهلال |
الشوط الأول الدقيقه : 22 ركله ركنيه للهلال يسددها البديل نايف الأسمري برأسه تعتلي العارضه النصراويه بقليل |
الشوط الأول الدقيقه : 27 اللعب سجال بين الفريق |
الشوط الأول الدقيقه : 31 هجمه خطره للنصر بسبب خطأ من دفاع الهلال يسددها المهاجم النصراوي يتصدى لها الحارس الهلالي |
الشوط الأول الدقيقه : 37 خطأ هلالي من متصف ملعب النصر يتنفذ عرضيه جميله لم يحسن التصرف معها أحمد الدريبي المنفرد تخرج ركلة مرمى للنصر |
الشوط الأول الدقيقه : 40 الحكم يعلن عن دقيقه وقت بدل ضائع |
الحكم يعلن نهاية الشوط الأول بتعادل الفريقين بدون أهداف |
الحكم أطلق صافرته معلناً بداية الشوط الثاني |
الشوط الثاني الدقيقه : 6 اللعب سجال بين الفريقين |
الشوط الثاني الدقيقه : 8 هدف نصراوي أول |
الشوط الثاني الدقيقه : 9 تبديل هلالي ثاني ، خروج نايف الأسمري ، ودخول أحمد المليكي |
الشوط الثاني الدقيقه : 14 تسديده هلاليه من عبدالعزيز آل شريد تعتلي العارضه الهلاليه |
الشوط الثاني الدقيقه : 21 كرات مشتته من الفريق الهلالي وتنظيم نصراوي |
الشوط الثاني الدقيقه : 30 خطأ لصالح الهلال على خط الثمانية عشره وطرد لاعب نصراوي |
الشوط الثاني الدقيقه : 34 تبديل هلالي ثالث خروج عبدالله العتيبي ودخول إبراهيم الفيفي |
الشوط الثاني الدقيقه : 40 الحكم يعلن ثلاث دقائق وقت بدل ضائع والنتيجه مازالت تقدم النصر بهدف للاشيء للهلال |
الشوط الثاني الدقيقه : 41 هدف هلالي عن طريق اللاعب عبدالعزيز آل شريد بتسديده قويه وهدف رائع |
الشوط الثاني الدقيقه : 42 ركلة جزاء للنصر وهدف ثاني للنصر |
الحكم يطلق صافرته معلناً نهاية المباراة بفوز النصر على الهلال بهدفين لهدف |
ألف شكر ياغالي على النقل ، وهاردكم يا زعماء بالإمكان المشاركة والتعقيب حول أحداث اللقاء لجميع الأعضاء ،، |
، لاحول ولاقوة الا بالله الفئات السنية بالنادي من جرف لدحديرة ومن المسوؤلين ..؟! ، |
يعني نصر بلنتي لازم بلنتي اه يالقهر على العموم خيرها بغيرها |
امس الشباب واليوم الناشئين الله يستر من الاولمبي يوم الاحد الفئات السنيه وضعها خطير جدااااااااااا بصراحه |
ماقدر احكم على مستوى الاعبين ولكن لو نرجع للمباره الأخيره وتعادلو فيها كان الوضع سيء مشكورين |
مساء الخير ع الجميع ،،، سؤالي / شباب وناشئين النادي إلي أين ؟؟؟ طالعنا بالامس مباراة شباب النادي مع الجار والخسارة الكبيرة اللي ماتليق بنادي مثل نادي القرن ،،، واليوم الناشين يخسرون كذلك !!!!!! ويوم الاحد راح يلعب معهم الاولمبي وياساتر تكون الضربة الثالثة موجعة وثابتة ،، مالسبب في كل هذا هل هو الواسطات اللي تلعب دور كبير في آستقطاب لاعبين مميزين بداً من الدرسة والبراعم ليستروا دعامة قوية للناشين والشباب والاولمبي ،، من فترة طويلة لم يبرز لاعبين مميزين بعد الشلهوب غير عبدالعزيز الدوسري ونواف العابد ،، والبقية من خارج النادي ،، أين دور المشرفين القائمين على الفئات السنية وماتشهدهـ من تخبطات تجعلنا نخسر من الجار ومن متي يصير هالشيء ؟؟؟ آتمني يتعدل الوضع قبل فوات الاوان وننظر لهاالفئية اللي تعتبر الدعامة الاولي للفريق الاول ،،، بانتظار آجابات تقنعني بما يحصل ؟؟؟ آخوكم / الهاوي الازرق |
هاردلك للزعيم و نتمنى دراسة الوضع الفني للناشئين والشباب ,, |
صراحه الواسطه تلعب دور ولا فيه مواهب تستحق الاحتراف بأكادميات عالميه استمر يا بندر بن محمد بشغل الواسطات حتى يصبح الهلال زي سدوس بعد 20 سنه قدام |
الخساره متوقعه خصوصاً بعد مستواهم في أخر مباره وتعادل مع النصر ماقدر اتكلم واحكم على مستواهم .. لأن ماشفت شي بس هارد لك وعلى الأمير بندر إستقطاب مدربين على مستوى عالي .. |
وربي موضوع يرفع الضغطك في اخر دقايق وبلنتي كمان... ولاعبين مشتتين ...... استمرو في الواسطه في جلب الاعبين الى ان يضحك علينا الشامتين...... نادي زي الهلال هذا ناشئينه؟؟؟؟؟؟؟؟!!!!!!!!!!!!! لكم الجواب.... |
امس الشباب واليوم الناشئين الله يستر من الاولمبي يوم الاحد |
خـسـاره مـتوقـعـه هـاردلـك |
بالتوفيق لهم إن شاء الله بالمباريات القادمة |
ماذا يحصـل لـ هلالنـا !!!! أتمنى من سمو الأمير بندر أن يتخذ القرار اللازم فـ كفانا مجاملات .. بالتوفيـق للقـرن ..! |
هارد لنا والله يعوووضنا ياااارب,, بالتوفيق للأولمبي قدااام النصر الاد القادم,,, |
لاحول ولاقوة الا بالله هذولي هم الجيل القآدم آمس شباب الهلال يخسر بالثلاثة واليوم الناشئين ومن النصر المتهالك |
هذه البطولة كأس الاتحاد يعني ما هي الدوري حتى مباراة الأمس في نفس البطولة ولاعبين الهلال لدرجة الشباب مع المنتخب حتى مدرب الهلال جريتس رفض انضمام بعض اللاعبين لمبارة الأمس يعني وسعوا صدوركم |
شغل الواسطات بيودينا في داهيه الله يستر بس |
إقتباس:
اتوقع المدربين كويسين لكن فيه استهتار من اللعيبه يا خي تنقهر فيه ناس تتمنى تلبس فنيلة الزعيم عشان تخدمه ولعيبتنا مدري ليش ما يحسون .. اتمنى النظر للعيبه من ناحية المستوى ويا ليت يكون اللي يستحق يلعب يكون من مستواه مو من اسمه او من واسطته تحياتي |
لابد من وجود اكاديميات .. هي التي تصنع اللاعب مهاريا وتكتيكيا وتكنيكيا اما اذا بقينا على المدارس فـ حالنا سوف يصبح كـ حال أندية الدرجة الأولى .. لماذا لا نتعلم من الأهلي هم الآن لديهم أكاديمية وأغلب لاعبي منتخبات الفئات السنية من نادي الأهلي والسبب في ذلك هي الأكاديميات .. لذلك لابد أن نتعلم من أخطاءنا ونتعلم من غيرنا الذين سبقونا في ذلك ونضع أكاديميات ونجلب فيها مدربين على مستوى عالي حتى تظل الأجيال الزرقاء متواصلة .. وبالتوفيق للهلال . |
حسبي الله عليهمـ نصر بلنتي حتى في النآشئين مآ سلمنآ من بلنتيآتهمـ ؟ الله يوفق هلآلي يومـ الاحد يآرب يآرب:smilie47: |
هالبطولة اقمين من اجلان يفوز الفقر |
والله الصـرآحة شي يقهرر بجد... يعني امس لعبووا مع فئة الشباب وفازوا علينا واليووم من الناشئين وفازوا علينا الله يسستر يووم الاحد بسس.. بس الفريق الاول يحلمووووووووون.. الصرآآحة الاحظ ان النادي ما يهتم الا بالفريق الاول... احس الناشئين والشباب مهملين بقووة ...إلى متـى..؟ لا حول ولا قوة الا بالله... |
الووااااااااااااااسطه هي السبب.............!! وربي هالشي معروف لكن محد يتكلم!! |
المشكلة ان ادارة الهلال من زمن بعيد لا تعد الاجيال وتكتفي بالمشاهدة وتترك الامر لاهل الامر وهذا لا يكفي لشد الهمم يجب الوقوف معهم واعطائهم جو اخر يحسسهم ان هذي المباراة غير ولها ابعد اخرى عن اي مباراة اخرى تحياتي |
لاحول ولا وة بالله امس واليوم الله يستر من يوم الاحد الوضع يخووووووووف ويضيق الصدر الا سؤال ؟؟؟ المباراة منقوله !!!! انا شفت على سبورت8 عادو مباراة امس 3-0 |
لا حول ولا قوة الا بالله لا حول ولا قوة الا بالله |
يا جماعه وش ترجون من فريق... عيال عمومه.. كل واحد ينادي اخوه وولد عمه...!!؟؟ الله يعين بس.. |
هارد لك على الهزيمه وهذي انا اسميها بطولة البلديه يعني لاتغني ولاتسمن من جوع لكن خل الدوري يجي ويشوفون الهلال على اصوله وللعلم لاعيبتنا نصهم في المنتخب |
مشكورين ويعطيكم العافيه وبالتوفيق للهلال.......... |
الله يعطيكم العافية خسارة في اخر الدقايق من بلنتي والحمدلله على كل حال اتمنى ما نخلط بين الامور حتى وان خسرنا بالاولمبي الهلال ناقص لاعبين كثر والنصر يلعبون كاملين ياليت ما نتهم بالواسطات والمجاملات عشان خسارة مباراة او خسارة دوري ياليت شوي نصير رياضيين ونعرف ان الرياضة فوز وخسارة وان غياب لاعبين عن الفريق طبيعي ياثر على الفريق |
وااااااااااااااااااااااااااااااااااااسطات اكثرهم |
فعلآ الواسطات .. هي من دمرت الهلال ، شوفو ناشين الشباب كيف فن ولعب مو شغل واسطاات ،، اتمنى من الادراه مراجعه هذا الامر خاصه في الفئات السنية لانهم هم من يمثلون الفريق الاول في المستقبل ..! تحياتي .! |
يابو محمد طالبينك تدخل وانقذ شباب النادي وناشئينه فالوضع كما ترى من جرف إلى دحديره |
هاردلك للزعيم و نتمنى دراسة الوضع الفني للناشئين والشباب ,, |
إن شاء الله الجايات أحسن .. ياجمهور الزعيم الأزرق... و سعوا صدوركم .. بليز الشوط الثاني الدقيقه : 42 ركلة جزاء للنصر وهدف ثاني للنصر |
هـآردْ لكْ يـآهلاليين :cry: وإن شآء الله الجآيّـآت أحلى ـآ :rose: مشكورين عالتّغطيهْ دمتمْ لـنآديْ القرنْ الْآسيويْ * |
| الوقت المعتمد في المنتدى بتوقيت جرينتش +3.
الوقت الان » 08:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd