تبي تعرف سبب هجوم برنامج خط السته على رئيس الاتحاد السعودي ونائبه بالشكل القذر هذا؟
ارجع للحلقه اللي ناقشوا فيها حامد البلوي مدير الكره بنادي الاتحاد لما استقال ..حامد البلوي قال سبب الاستقاله ان بعض لعيبة الاتحاد ذهبوا لعضو شرف في المنزل بدون علمه لما جا صالح الطريقي بيسأل حامد البلوي سؤال بسيط ومنطقي كان يبي يسأل لما ذهب لعيبة الاتحاد لعضو الشرف بدون علمك هل كان وقت تمرين او معسكر؟ نط محمد نجيب وتدخل وقال انا لا اقبل السؤال هذا والطريقي سكت ..طيب وين راحت الشفافيه والجرأه في الطرح؟؟؟؟؟؟ مع ان السؤال اساسا عادي....شف لمين كان موجه السؤال .
طيب يا نجيب تقبل ان اللي عندك يطالبون باستقالة صاحب السمو الملكي رئيس الاتحاد السعودي بطريقه فضه ويتهكمون على تصريحه القديم بأن المنتخب السعودي سينافس على كأس العالم ويصفون خططه بالفشل ولا تقبل سؤال بسيط يوجه لحامد البلوي؟

وارجع بالذاكره للموسم اللي راح ..مباراة الاتحاد والشباب على ما اعتقد ...نجيب كان حاضر في الملعب وين كان جالس؟؟؟ بجنب مين بالضبط؟؟؟ على فكره تكررت في مباراة ثانيه...كان قاعد بالضبط جنب منصور البلوي في الكرسي اللي جنبه !
وارجع طول الله عمرك وشف الاحداث اللي صارت بعد ما ابعد منصور البلوي عن رئاسة الاتحاد...واذكر مقابلة الامير سلطان على قناة الكاس وماذكره عن الموضوع..بالمناسبه البلوي بقى عضو شرف بس كان هو اللي يدير النادي ابو عماره كان ديكور فقط.
اللي استجد ان منصور البلوي حاول يرجع لرئاسة الاتحاد الموسم هذا بس ماقدر وسحب الترشيح
اتوقع قاعد تقول وش دخل هذا في هذا في هذا....انقلب راسك صح؟
اسمع يا حبيبي بس ركز شوي....منصور البلوي وطول فترة رئاسته للاتحاد قد شفت تصريح له يهاجم احد؟ طبعا لا لكن وش اللي يصير اذا حط احد براسه حتى لو كان اتحادي شغل الكتاب حقينه وعلى راسهم جستنيه والمنشوره حقته (الرياضي) واشتغلوا نقد وسب فيه مثال بسيط من داخل نادي الاتحاد ...السنه اللي راحت كالديرون والسنه هذي طلعت لامي .
خط السته بدا السنه اللي راحت وكان واضح توجه البرنامج للاساءه للهلال بشكل فاضح طبعا لمحاولة التأثير على الفريق قدر الامكان
كمان قنوات ال اي آر تي تعرف كيف كانت تسيء للهلال طبعا بدرجه اقل لكن لعبت دور كبير في ابعاد كوزمين والكل يعرف كيف , طبعا تعرف علاقة الفراج بالبلوي واذكر مقابلة البلوي في الملعب بعد فوز الاتحاد بالدوري وش قال عن الفراج.
نرجع لخط السته السنه هذي تغير هدف البلوي... بعد ما فشلت محاولته العوده لرئاسة نادي الاتحاد وجه نجيب لزاويه ثانيه وجتهم الفرصه على طبق من ذهب وهي خروج المنتخب السعودي من تصفيات كأس العالم.

البلوي حب يرد على سمو الامير سلطان بن فهد بطريقته وسواها القذر..طبعا مايقدر يستخدم منشورته (الرياضي) فكان سلاحه نجيب وشلة حسب الله .

اتمنى ان يتم استبعاد الاشخاص اللي يمثلون نفوذ للبلوي من داخل الاتحاد السعودي وعلى رأسهم فيصل عبدالهادي افندي كما اتمنى من كل قلبي ان يصل الموضوع بشكل او آخر الى صاحب السمو الملكي رئيس الاتحاد السعودي او نائبه ويتم بحثه ( لو بحثه فيصل العبدالهادي بتتغير كل الحقائق المكتوبه)

شي واحد ابغى اقوله ..اختلفنا كثير مع الاتحاد السعودي وقراراته اللي اضرت بالهلال لكن لايمكن ان نرضى لأحد بالمساس بشخص سمو الامير سلطان بن فهد ونائبه واستخدام مسمى النقد للاسائه والاستهزاء .

ملاجظه : كل معلومه ذكرتها انا مسئول عن صحتها..اما استنتاجي وتحليلي فا اترك لكم التقدير