03/10/2009, 12:55 AM
|
زعيــم فعــال | | تاريخ التسجيل: 17/05/2009 المكان: المملكة العربيه السعوديه"الرياض"
مشاركات: 330
| |
بعيدا عن أجواء الرياضه... بعيداُ عن اجواء الرياضه حبيت انقل لكم هذه القصيده اتمنى ان تنال على رضاكم..
الطموح اللي سرت من نجد وامست بالحويه
ضيقت صدر الرياض وسافر الطايف وجاها
وانثنى غيم الحجاز لخد نجد النرجسيه
يوم جاته من زعلها كنها تقصر خطاها
زعلوها وازعلت واخلت قصور الخالديه
والحقتني شرهت الزعلان واخطاني رضاها
سافرت والله مخبر اللي يزعلها عليه
واستباحة لله الخير سهر عيني وماها
ليتها يوم استباخة دمعة العين الشقيه
ما استباحة دم قلبي من خلا ها في خلاها
سامح الله ظلمها واطعونها الخضر النديه
والله يسامح خناجرها ويعفو عن خطاها
عرضتني للهبايب والضما والمهمهيه
واتركتني للزعل والشووووق والكبر وغلاها
والغلا ما هووو بيديها ولا هو في يديه
الغلا شي من الله واشهد ان الله عطاها
من غلاها لو توردني على حوض المنيه
كنها تسقيني الشهد المصفى من شفاها
ومن غلا ها ما توصفها الحرووووف الابجديه
كيف توصف وردةٍ يبري من العله شذاها
الوروووود تغار منها مزهريه مزهريه
وإنتباهت عذرها معها يحق إلها تباها
لا يشابهها شبيه ولا يحاليها حليه
جل رب يوم صورها فرقها عن سواها
لقبلت هيجنت وإن أقفت جذبت السامريه
وااا عذابي لن عطتني وجهها والا قفاها
إن بدالي وجهها يسعد صباح اليوسفيه
وإن غشتني نفحت من ليلها يسعد مساها
درةٍ بالموت محروسه وبالبحر محميه
البحر من دونها والموت الاحمر من وراها
دونها ما غليت وسم اهلي ولا شداد المطيّه
مرخصٍ بالقاع عمري والثريا في سماها
لايمي يبلا بحب الحضر بعيون بدويه
في ظروف ما يقارن مستواه بمستواها
الله اقوى يا فقييير القلب ابو نفسٍ غنيه
مالك الا الصبر والجنه لقاها من لقاها
والهوى اللي يطرح الرجالفي يدين اجنبيه
علتٍ بالجوف لاتبرى ولا يلقى دواها
والهنوف اللي لرد الثار تا خذها الحميه
شفتها بالعين في قلبي وهي تاخذ وفاها
وشفتها تشتاق تطعني بلا ذنب وخطيه
كثر ما تشتاق لعماقي وانا اشتاق لدفاها
كل ما عرقت بميسمها تحريت الخويه
والحقت بالميسم الميسم كذا على عماها
عاقبتني كل يومٍ تلحق الكيه بكيه
واتعبتني وادركتني والحقت نفسي مداها
وإن تمادت جهزو قبري وانا بكتب وصيه
بكتب الله لايعاقبها ويرضالي علاها
العمار تلفها الايام والدنيا مديه
والسنين تلفني والنار تحرق من وطاها
علموها تلحق الباقي مدام الشمس حيه
واتغانم مابقى مني وما تطلب فداها
لاتمادى في جفاها والرياح الموسميه
ما تقدر وقفت الاشجار وتثمن عطاها
وعلموها ما بقالي غير ادن الهاشميه
كان ترضاها علي والا تهون من جفاها
وانصحوها لا تحمل نفسها نفسٍ بريه
وذكروها بالقبر لعلها والا عساها
وعلموها علموها لا تطول بالحويه
ديرةٍ ما هي بديرتها لو اعجبها هواها
وسلامتكم ..أخوكم للفن أصول |