إقتباس الرسالة الأصلية كتبت بواسطة $ابـو فـيـصـل$ تقريباً كلامك وتفكيرك نفس تفكيري مالحظ تطور كبير بالفريق الا اني صرت اشوف الدفاع اسامه طايله رجله وصاير يتقدم كثير ذكرني بالمنتشري والدعيع ماهو هذا ابو عبد العزيز الي بداية الموسم الى منتصفه الي راح مادري هي تلميح بأن هذا الموسم هو النهاية !! ياسر خارج اجواء المباريات قدام الباب وتسديده للكورة مايرده الا علم الركنية !! المحياني ماقدم ولاسوى اضافة للفريق. لي يونق لا جديد بالظهير الايمن المرشدي خارج التغطية الزوري نايم بمكانه يظهر دقيقة ويختفي طول المباراة رادوي ابدعت بس ملاحظ عليه النرفزه والعاصبية ويلهامسون مادري ذا المستوى الي يصدع وينزل هل لجذب نظر مدرب منتخب السويد او ايش بالضبط. عزيز اتمنى تواجده بكل مباراة ومانتوهق مع جريتس يفتح العمق ويلعب بأرتكاز واحد قدام النصر ضعنا وش عاد لو قابلنا الاتحاد !! الصويلح افضل شي له الاحتياط ويفك ازمه يدخل وهو محظوظ بشكل كبير كل مادخل سجل هدف ارزاق من الله وقمة الارتباك قدام المرمى. الانتقاد هذا من حبي للهلال يحتاج تطوير واكثر روح وقتاليه وتشجيع للاعبين وللإدارة مو هذا المستوى الي نطمح له لكن نرجع السبب لفترات التوقف الكثيرة لعلها هي السبب وأن لايكون هناك سبب آخر. تمنياتي للنادي القرن كل التوفيق.

وجهة نظر احترمها وتقبل فائق تقديري واحترامي

كان انت عفته حنا مانعوفه الكاسر الكاسر عودنا على العوده مبكرا فعلا قد عاد ولاكن ماحدث في مباره النصر ماهو الا حظ
ياسر يقول انا عقدي مع الشباك طول العمر بس لو الحظ يفارقني سامتع جماهيري

إقتباس الرسالة الأصلية كتبت بواسطة بالثمنيات الله يهديك يالغالي ... انا ما ادري وش المطلوب من ياسر ؟!!!.. هل لازم يسجل ياسر خمس اهداف في كل مباراة حتى ترضى الجماهير ؟!!.. هل لازم يااسر يمسك اللاعبين من اول الملعب لاخره ويسحبهم واحد ورى الثاني وبعدين يسجل هدف ؟!!.. هل تحس من ياسر تخاذل او برود او عدم حماس في الملعب ؟!!.. ياسر احرص من الجميع على تسجيل الاهداف .. لكن المكتوب مكتوب .. كونه ضيع فرصه او فرصتين غصب عنه .. هو وده يسجل في كل هجمه هدف .. ياسر ما ادري ليش الجماهير والاعلام شانين عليه حمله كأنه المهاجم الوحيد اللي ما بعد سجل من ثلاث سنوات !!.. ياسر ما فيه اي شي والحمدلله ومستواه مثل مستوى اي لاعب معرض للنزول والانخفاض ومو معنى هذا اني معك بأن مستواه منخفض لا .. بس حبيت ابين بأن اي لاعب معرض للتذبذب في مستواه .. انت تشوف بعينك ياسر يتعرض لرقابه شديده وصارمه ومن كل الفرق ومع ذلك يسجل ويصنع الاهداف .. انت تشوف ان ياسر وحيدا في الهجوم وهذا يرجع لخطة المدرب واللي المفروض انه يضع عيسى معه داخل الصندوق .. حتى ما يصير ياسر لوحده وتكون سهله مراقبته .. أما بخصوص الكوري حرام عليك والله مقدم مستويات ممتازه والا ودك يرجع نامي عشان تعرف قيمة هالكوري .. اما عن اللاعب الاجنبي الجديد فأنا معك بهذي وبصراحه ويلي تحسه يحرث الملعب طولا وعرضا بلا فائده .. وانا شخصيا ارشح المهاجم المصري ( ميدو ) يتمتع بطول فارع ويجيد الضربات الرأسيه اللي ما يستفيد منها الزعيم نهائيا .. كذلك يلعب بقدمه الشمال يعني كذا يكون ثنائي مرعب مع ياسر ومهاراته ممتازه والتحامه قوي ومصدر خطوره .. اخيرا اتمنى ان نترك ياسر والمواضيع اللي تتكلم عنه تراه بشر ويتحطم من خلال كلامكم مع اني ما اشوف شي يستدعي كثرة هالمواضيع .. والنقطه الاخيره ترى ياسر ما بعد تأقلم بعد ذهاب التايب وكان يمثل ثنائي مزعج لاي دفاع وكان بينهم تفاهم كبييييير ... فتحس ياسر نوعا ما ما توصله كرات زي اول على وقت التايب ..

حتى لاتضغط الجماهير على ياسر كتبت هذا الكلام يالغالي

لكن بعض الاخوان يقرأون او لايقرأون لكن من العنوان وردود بعض الاخوان يكون صورة سلبيه ام ايجابيه عن الموضوع وبدون ان يكلف نفسه فهم القصد من طرح الموضوع وكلامي للبعض وليس للكل

و الله أحس إني قاعد أقرى موضوع أوردود محللين وفنيين ,, ما شاء الله
تكفى يا شبيه الريح ,,بسرعة إقالة لجيريتس والي معاه
كل الي هنا مدربين وعلى مستوى عالي ماشاء الله,, الله يوفقكم
تكفون علموني التشكيلة قدام الأهلي

إقتباس الرسالة الأصلية كتبت بواسطة ALHILALY 20 و الله أحس إني قاعد أقرى موضوع أوردود محللين وفنيين ,, ما شاء الله تكفى يا شبيه الريح ,,بسرعة إقالة لجيريتس والي معاه كل الي هنا مدربين وعلى مستوى عالي ماشاء الله,, الله يوفقكم تكفون علموني التشكيلة قدام الأهلي

ســـــــــــــــــــــــــــــــلاما !!!!!!!!!!!!!!!!!!!

اي عضو يريد ضرر على الهلال يكتب موضوع يثير الاعضاء ولايناقشهم او يرد عليهم

واضحة حركاتهم الله يقللهم بالمنتدى

يا كثر المندسين يا الفاروق و ابو فيصل و الهلالي 20 بالانجليزي

لا عمرك تكتب موضوعك الله لا يهينك تراك فاشل من جد بـ التحليل

والله كلامك حلو ..

الهلال ليس بحاجة ويلهامسون ولا نيفيز !!

الهلال بحاجة لمهاجم قوي ( هداف )

اجل الكوري شين الله يخلف عليك بس شكلك تناظر سول مو ليونق بيو