اول شي الله يعطيك العافيه يالغالي على الموضوع وماقصرت .

ثاني شي , بدري بصراحه . توك تكتب الخبر . ؟

طيب لطالما انك كتبت الخبر هذا ليش مالحقت الموضوع بالخبر الثاني , اللي يثبت كذب ويلنغتون . ؟

لآن ابرا ماعتدا عليه .

وبعدين اذا تقول ابرا اعتدا عليه جب دليل زي العالم والناس وفي هذاك الوقت اكون معك بأن فيار مايبي يضر برشلونة. اقصد بالدليل مقطع فيديو مثلا يثبت اعتداء ابرا عليه .

لكن انت جاي تنتقد فيار , وتقول عنه انه مايبي يضر برشلونة ومدري كيف , وانت ماجبت لنا المقطع اللي يدل على ضرب ابرا لويلنغتون . ؟ ؟

انت تتكلم بكامل قواك العقليه . ؟

يعني كل مايقال يصدق ؟ ؟ ؟ خلاص يعني اذا قال ويلنغتون ابرا ضربني , ومافيه اي دليل تصدقون . ؟

والله شي غريب اللي قاعد يحصل معكم . بس اعتقد انك للحين تحت تأثير الـ6 . وعشان كذا تحاول تلقى اي زلة على برشلونة .

عموما انا ماحب ازعل احد ولا ابي هذا الشي يصير .

لكن انا تكلمت بكل صراحه .

^

عشان كذا انا انتقدت فيار المباراه كم لها منتهيه ولا احد جاب طاري المشكله
ولا شيء !

إقتباس وبعدين اذا تقول ابرا اعتدا عليه جب دليل زي العالم والناس وفي هذاك الوقت اكون معك بأن فيار مايبي يضر برشلونة. اقصد بالدليل مقطع فيديو مثلا يثبت اعتداء ابرا عليه

ههههههههههه
انا ما جبت شيء من عندي انا مترجم خبر !
ثانياً اخوياك نزلو المقطع ما يحتاج انزله انا .

إقتباس انت تتكلم بكامل قواك العقليه . ؟

أنت تشوف شيء ثاني ؟

إقتباس يعني كل مايقال يصدق ؟ ؟ ؟ خلاص يعني اذا قال ويلنغتون ابرا ضربني , ومافيه اي دليل تصدقون

طيب ويلينغتون وش مصلحته يكذب ؟
المباراه منتهيه من فتره لكنه شاف محد عطاه حقه قال خلنا نصرح ونشوف
وش يسوي فيار .

إقتباس بس اعتقد انك للحين تحت تأثير الـ6

لا والله انا لازلت عايش بجو الـ 11 .

ردك انواع الشطحات .

..

النقاش محتد للآخر .

المخطيء يلزم عقابه بغض النظر عن إنتمائه " برشلوني ، مدريدي ، ميلاني

أو أياً كان " .

من وجهة نظري المتواضعه أن لجنة الإنضباط لا ترى في فعل " إبرا " مايستحق العقاب

فالإحتكاكات و المناوشات موجودة في ميادين الرياضه ،

ومن الممكن أن تمر مثل هذه الحاله مرة أخرى ويكون العقاب بإنتظارها ،

فهي مسألة تقديرية في النهاية .


ريلاكس ياحلوين الكرة متعه تجمعنا لا تفرقنا .

عووووووووووافي زيد

يا عيني .. انا صراحه ما أحب اناقش في مواضيع مثل كذا .. السبب خوفي اني
أزعل احد .. لكن من جد هذي ما لك فيها كلامم .. الحين ابرا ظلمم ويلنغتون !! اجل
وش تقول في ميسي .. من التشويت والرفس الي جاه !! .. والله لو لـ ويلنغتون حــق
لأقول .. لكن والله انه ظلم وضرب لين شبع في لاعبين برشلونة !! ..

.
.

بـ المناسبه اليوم لجنة الأنضابط طلعت قرار يقول .. "القرار تضمن إيقاف "فيريرو"
من العمل كحكم لمدةٍ غير معروفة بعد ما إرتكبه من أخطاء , وقال "أرمينيو" أن"فيريرو"
لم يرتكب خطأ واحداً بل عدة أخطاء .. حيث لم يعاقب "ويلينغتون" على إعتداءه على
"ميسي" و "بيكيه" بدون كرة .. كما أنه أخطأ في تقريره حينما إعتبر "ميسي" كبديلٍ عن "بيكيه" في حين أن "ديما" هو الذي كان البديل الحقيقي .. كما كتب أن إنذاراً له كان موجهاً إلى "أبيدال" والحقيقة أنه كان من المفروض أن يكون إلى "توريه" .

.
.

هـ الكلام من لجنة الأنضباط .. والي يوضحون لك ان الحكم سكران ما يدري وين
ربي حاطه وتجي تقول ابرا و ويلنغتون !! الحكم مبين نواياه من أولها وان العلم
ضايع ..

.
.

"ويلينغتون" قال : "هذه الأمور تحدث ولربما كنت مخطئاً بسبب لعبي القوي جداً , ولكن
هذه الأمور تحدث ولست الوحيد الذي يفعل ذلك , قد أكون مخطئاً ولكن ضميري هادئ ,
تحدث الكثير من المجريات في اللقاء , ولايمكن رؤيتها كلها عبر التلفاز , الذي إلتقط فقط ماقمت أنا به" .

.
.

الرجال أعترف ووقال انه مخطئ بـ سبب اللعب القوي .. يعني شهد شاهدـاً من أهله
وتجي تقول ابرا ضربه !! .. انا المشكله دورت على اللقطات بس ما حصلتها .. كان
ودي بس اقنعك ان لاعبي البرسا ذاقوا الأمر من هذا اللاعب ..

.
.

ويمكن ابرا ما تماسك هو ويلنغتون الا بعد ما شاف ان الرجال عثى في ميسي .. قال
خلنا نشوف شغلنا .. "كبر جسم على الفاضي هي ولا ايش" ..

.
.

بعدين لا تفتح طاري اللعب النظيفه .. ترى خبري فيه لاعب في ريال مدريد مـــا
يستاهل يلبس الشعار ..