بدون مقدمات حبيت أرسل رسائل للاعبي الهلال كالتالي:

1- محمد الدعيع : راجع نفسك غلطاتك كثرت وكدت تتسبب في الهزيمة ليلة أمس وتذكر أن تجعل ختامها مسك يابطل.

2- أسامه هوساوي : نجم يا بطل الله يحميك من الاصابة شايل الدفاع ومتحمل نكبات المرشدي الله يعينك ويعيننا عليه واصل الإبداع.

3- المرشدي : الله يصبرنا على أخطائك الكوارثية بغيت تجيب العيد فينا , تذكر بأن الجمهور الذي ساندك خلال فترة ركنك في الاحتياط بدأ الآن يغير رايه فيك فمكانك بمستواك وأخطائك الحالية حتى ليس في خط الاحتياط , الرديف ويخب.

4-لي يونج : بطل كبير وأهم صفقه للاعب أجنبي , بالفعل هكذا يكون اللاعب الأجنبي وإلا فلا.

5-الزوري: كويس بس أدائك الدفاعي يحتاج لمراجعة واصل التصحيح.

6-رادوي : نجم كبير أتنمي يكون مكانك بجانب هوساوي راح يكون الدفاع ملوش حل , بطل يارادوي بروحك وقتاليتك.

7-الشلهوب : أعتقد أهم نجوم الهلال لحاليين بأدائه ونجوميته يصنع كور ولا في الأحلام بس للأسف وين الهجوم اللي يفهمك , واصل الإبداع يا موهوب.

8-ويلهامسون : مستوى متأرجح بين القمة والقاع لكن يضل وجودك مهم بس أوزن المحركات ومعها مستواك.

9-ياسر القحطاني : تبي الصراحة ما اقتنعت فيك من يوم انتقلت للهلال وتبي الصراحة أكثر ترى صبرنا نفذ وبيني وبينك لست أنت لاعب الحسم الذي يبحث عنه الهلال ولن تكون من طينة الثنيان والجابر , راجع نفسك والجمهور ما يرحم واللي لا زالوا يناصرونك ترى وصلتها معهم بإضاعتك لجهود زملائك.

10-أحمد الصويلح : خفف وزنك يا بطل صاير مثل البطه ما تعرف تركض , والله تراك حاضر الهلال وأعتقد أنه حان الوقت أن تحل محل المتقاعس القحطاني.

11-المحياني : ما أبي استبق الأحداث وبغض النظر عن وجهة نظري المتواضعة في مستواك اللي تشبه وجهة نظري فيك بس ترى قاعدين نجاملك , بس ترى للصبر حدود ولكن ما زال لديك الوقت لكي تثبت بأنك صفقة رابحة وليس صفعة.

12-تياقو نيفيز: إن استمريت بهذا المستوى فسوف تذكرنا بسيء الذكر الرويسي ملازم لغرفة العلاج ومحسوب علينا أجنبي.

13-خالد عزيز : أنت القادر على إعادة الثقة التي اهتزت لدى الإدارة والجماهير, أصبر وجاهد وقاتل ترى إعادة الثقة يحتاج لعمل كثييييييير.

14- الفريدي : بطل كبير وموهوب بس تحتاج لقتالية مقننه وسرعة وأن تؤدي داخل الملعب وتترك عنك الحكام , خذ العبرة بنجوم الهلال هوساوي ورادوي واجعلهم قدوة لك.

15-عبدالعزيز الدوسري : أنت نجم كبير وموهوب فلا تجعل الفرصة تفوت ومع أول مشاركة ثبت نفسك وثق بأن جيرتس لا يعترف بالأسماء وإنما بالأفضل داخل الملعب.
16-نواف العابد : نجم وموهوب ترى الفرصة قربت لا تفرط فيها إذا جتك خاصة مع في ضل تواضع أداء القحطاني والمحياني.

وفي الختام أتمنى أن يكون التشكيل القادم كالتالي

الدعيع
الزوري (شافي الدوسري) رادوي هوساوي لي يونج
الشلهوب الفريدي عزيز ولهامسون
القحطاني
المحياني (الصويلح – نواف العابد)