ما هذا يا سيد جيريتس ؟؟ - صفحة رقم 2 - نادي الهلال السعودي - شبكة الزعيم

هلالي وبالفكر عالي · #1 30/09/2009, 09:00 AM

بصراحة تكتيك المدرب للمباراة ممتاز ،،،
بس ياسر...!
أتمنى أن يرجع لشريط المباراة لوحده حتى يحس فينا كجمهور من كثر الفرصة اللي يضيعهآآ..
وجهة نظر))

تألم بس تعلم · #2 30/09/2009, 08:27 AM

تصدق دخلت موضوعك ابي اعرف ليش انهزمنا عفوا ليش خسرنا نقطتين
ماعرفت؟

افتيم · #3 30/09/2009, 09:10 AM

إقتباس

الرسالة الأصلية كتبت بواسطة تألم بس تعلم


	تصدق دخلت موضوعك ابي اعرف ليش انهزمنا عفوا ليش خسرنا نقطتين ماعرفت؟

السبب واضح :
1/ ربك ما راد
2/ ماعندنا لاعب رأس حربة على مستوى عالي جدا من فرصة يسجلك هدفين !!
3/ حارسنا نازل جدا مستواه ( راجع بينك وبين نفسك الثلاث مباريات اللي لعبها وتذكر فرص خطيرة أنقذها بالعكس أغلبها اذا مو كلها تسجلت )
4/ ويلي لاعب خرافي على عيني وعلى راسي ومن اهم افراد الفريق لكنه من ناحية التسجيل سلبي جدا وين مرة يسجل وما فيه بالفريق اصلا احد تقدر تراهن عليه من ناحية التسجيل .. وسلامتك

هلالي يفكر · #4 30/09/2009, 08:36 AM

كل هالكلام والمدح وخطط ممتازه ولاحظ اننا كنا اللي نبحث عن التعادل في المباراة!!!!!

أجل لو فزنا وش بتقول؟؟؟

افتيم · #5 30/09/2009, 09:03 AM

إقتباس

الرسالة الأصلية كتبت بواسطة هلالي يفكر


	كل هالكلام والمدح وخطط ممتازه ولاحظ اننا كنا اللي نبحث عن التعادل في المباراة!!!!! أجل لو فزنا وش بتقول؟؟؟

أولا .. شاكر لك مرورك يا عزيزي
ثانيا .. صدقني لو خسرنا صحيح ما راح نكون مبسوطين مرة بس على الأقل بهالمستوى اللي اليوم فيه أمل .. يا أخي حنا في بداية موسم وهاذي رابع مباراة لجيريتس مع الفريق لكن البوادر مبشرة بالخير تماما .. انت لاحظ قتالية اللاعبين .. لاحظ الثقة بالتمريرات بينهم .. تحس انه فيه شئ تغير عن الموسم اللي راح .. احس لياقيا الفريق غير .. لكن ترا الفريق ماشي صح بس المشكلة كلها في خط الهجوم ما اقول سلبي لا اللي اقوله انه الى الان ماواكب التطور والتحسن اللي بالدفاع والوسط .. ترا حتى الدعيع مهو بعيد عن ياسر والمحياني مستواه جدا نازل ..

المشكلة عندنا لاعبين وعلى مستوى عالي لكن العيب الوحيد ما عندنا اللي يخلص بدون فلسفة وتعقيد .. شوف الاتحاد مثلا من عشررفعات تقول هزازي يسجل ثمان .. وابو شروان في أي لحظة تتوقع خطر منه .. على عكس ياسر ماهي ماشية معاه .. يمكن لأن ياسر أقول يمكن يكون ماهو هداف يعني قصدي ماهو لاعب صندوق لأن الهداف عملة نادرة كذا تحس انه الكورة تحبه تمشي معاه .. وهذا ينقصنا لاعب ما يعرف في الكورة شئ الا التسجيل .. وبس

الذيب الميلانيي · #6 30/09/2009, 08:37 AM

اتفق معك بكلامك كلة الا عن ياسر بكل صراحة الحل دكة الاحتياط الصويلح احتياط بكل المباريات جاب هدفين وياسر اساسي بكل المباريات جاب هدفين !!

زعيم مسكت · #7 30/09/2009, 09:21 AM

- المدرب الهلالي جيرتس اعتمد على رادوي فقط في المحور مما كشف الدفاع وترك مساحات شاسعة في الوسط.. فرادوي لاعب منظم للعب وليس قاطعا للكرات ولذلك تعرض للإحراج أكثر من مرة وكاد يتلقى البطاقة الحمراء!

افتيم · #8 30/09/2009, 09:40 AM

إقتباس

الرسالة الأصلية كتبت بواسطة زعيم مسكت


	- المدرب الهلالي جيرتس اعتمد على رادوي فقط في المحور مما كشف الدفاع وترك مساحات شاسعة في الوسط.. فرادوي لاعب منظم للعب وليس قاطعا للكرات ولذلك تعرض للإحراج أكثر من مرة وكاد يتلقى البطاقة الحمراء!

أشكرك أخي الكريم على مرورك وأسمح لي أن أختلف معك فيما أشرت اليه ..
لا أعلم ماهي الخطورة التي شكلها لاعبي النصر على مرمانا طوال الشوط الأول وفترة كبيرة من الشوط الثاني ؟؟

المساحات الشاسعة التي تقول عنها ظهرت بعد نزول الحارثي بجانب السهلاوي وهنا جاءت الزيادة العددية ومع ذلك لم تكن الصورة بتلك الخطورة الشديدة ، ولكن تنبه جيريتس لذلك وقام بالزج بخالد عزيز من أجل هذا السبب .

لو لاحظت أخي الكريم أن النصر ببداية المباراة بدأ بثلاثي يميل لنزعة دفاعية كغالب والموينع اضافة لغالي المتراجع مستواه هجوميا مع الكوري السيئ جدا ولاعب رابع خلف السهلاوي أكاد أجزم أنه لم يشترك بالمباراة أصلا وأقصد فيقاروا !! اذن النصر بدا ( كالطير المقصقصة جنحانه ) يعني ما عندك أحد !! ألعب بمحور دفاعي هلالي ثاني ليه ؟؟؟

أما رادوي والبطاقة الحمراء فجيبلي مباراة لرادوي لعبها وما خفت انه ياخذ كرت أحمر ، لاعب على عيني وراسي مقاتل وممتاز لكن لاعب عصبي وخشوني جدا وبصراحة ما تضمنه يخربلك المباراة بكرت أحمر ..
أتمنى تكون وصلت الصورة .......

زعيم مسكت · #9 30/09/2009, 09:59 AM

الغالي افتيم انا اشوف ان للعب بمحورين افضل لتأمين منطقة الوسط والدفاع من الاختراق والدليل على كلامي

البلنتي خطأ من الدفاع

وهدف حسين عبد الغني سببه غياب المحور اللي اتاح له فرصة للتسديد على المرمى لان مكان حسين اللي مفروض يغلقه هو المحور لان الدفاع مشغول باغلاق المساحات على المهاجمين

وانا اعتقد اننا كنا بحاجة الى الغنام بجانب رادوي