28/09/2009, 02:36 PM
|
| شاعر هلالي | | تاريخ التسجيل: 22/11/2003 المكان: قــصـ(الـهــلال)يدة
مشاركات: 4,103
| |
|
قصيدة ترحيبيه من روم نادي الهلال بسمو الامير عبدالرحمن بن مساعد ...سليمان الشدوّي
[COLOR="Black"] السلام عليكم ورحمة الله وبركاته
تحيتي للجميع
كانت زياره مختلفه
متميزه
من الامير عبدالرحمن بن مساعد
لروم الزعيم
جهود مشكوره قام بها الاخوان بدون تحديد اسماء
ونيابه عنهم وعن اعضاء الروم
وعن جماهير الزعيم
كانت لي هذه القصيده
والتي اتمنى ان تعجبكم وهنا القصيده صوتياً
الليله/ الليله /تهل التباشير
...........................ويشق وجه/ سهيل قلب العتامه
وتتشكل البيدا / زهور ونواوير
.......................... وتسجع على لحن الأحبه حمامه
يامرحبا مليون/ مليون يامير
.......................في روم الازرق /روم نادي الزعامه
عداد مارفرف/ جناحين للطير
............................وعداد ما سالت / روابي تهامه
جوك الاحبه /كل ابوهم طوابير
...............................وكلٍ رضاه /يمثله بابتسامه
حفيد ابو تركي / زعيم المغاوير
...............................لعل رب الكون / يرحم عظامه
لك في ضمايرنا /محبه وتقدير
....................... ولك فوق هام المجد / وسم وعلامه
للمرجله فارس / وللصدق تاثير
...............................وانت الكبير اللي يثمن كلامه
وانت البطوله/ والذهب /واول الخير
.......................... وانت الذي يفرض علينا/ احترامه
وانت الذي لون شفاه النوافير
............................واشعل غمامه / من فتيلة غمامه
شعراً يصورشكل الابداع تصوير
.......................... يصعب على العقل السقيم /افتهامه
كفو الين الشمس تشرق من عصير
.............................كفو/ كفو / اسم / ومبادي وهامه
يامير حاشا / مايجي منك تقصير
..................................ولاعليك من/ الملامه /ملامه
معك /معك/ والحب مافيه تغيير
..............................حتى هلال المجد / يوصل مرامه
واللي يزور في سوالفك تزوير
.................................عساه يكذب لين/ يوم القيامه
يهرج ومبداه ادهن السير ويسير
................ ...............ويبان فكره من فتوق العمامه
هذي رياضتهم / مكايد وتدبير
.............................ورياضتك حلم //وسلام وشهامه
بالجو تتبارى صقور الصقاقير
...........................والا رض تعرف حجم راس النعامه
تمل من بعض الثياب الازارير
........................... ويعاف متن المحتزم من حزامه
ياسيدي / ضاعت جميع المعايير
...........................وضاع الكلام / وحجته / واحتكامه
في حضرتك / نبدي بنوقً مغاتير
..................................قصايدً مثل الفجر وارتسامه
من راس شاعرها / وباسم الجماهير
....................,,,,,,وباسم الرجال / بروم نادي الزعامه
وختامها يامقدر العمر تقدير
.....,,,,,,....................... ياعارفً سر الزمان ودوامه
تكتب لنا من عندك البر والخير
.............................ولاميرنا صحه / وستر وسلامه
وصلى الله على سيدنا محمد
اخر تعديل كان بواسطة » سليمان الشدوي في يوم » 28/09/2009 عند الساعة » 03:10 PM |
الوضع الشجري
