بسم الله الرحمن الرحيم والصلاة والسلام على رسوله الكريم نبينا محمد وعلى أله وصحبه وسلم أجمعين اما بعد:-


.................................................................. (حظور قلب المشجع الهلالي)

راح اتكلم بالعاميه معكم يعني لغايه في نفسي ..حبايبي جماهير العاشقه والجماهير العاشقه راح استثني منها:- 1-جماهير اجلس ابتفرج على المباراه

2- ياخوي اسكت تراك صجيتنا

3- >>>>> هذا واحد يكلم نفسه اخاف اقوم اشجع واقول اهزوجه ابخلي الجمهور من خلالها يتفاعل معي ولااحد يعطيني وجه واتفشل

4-والحين جا دور الجماهير الي فئتها العمريه فوق ال25 <<<<<<< تراني طالع منها ....... وين اقعد اشجع واردد اهازيج واحاول احمس الجمهور وانا بهالعمر وش بيقولون عني شايب وخبل






....................................................... الحين ابرجع للجماهير العاشقه الي غاسله وجيهها بمرق ماجي مالح بعد >>>>>>>>>> احلى شي يعجبني بنفسي هالصفه وانا بالملعب


ياشباب الامتى والحظور بالملعب يكون مقتصر على حظور الجسد دون حظور القلب معه ياخوي اذا شايل هم المصاريف وبتقول الحين ابقص لنفسي تذكره ولقلبي تذكره تراني طفران وماأقدر <<<<<< لايكثر


المهم جد والله الامتى واكثر جماهيرنا من هالنوع ليه تطالبون بأن يلعب الهلال بروح وانتم ياجماهير الهلال حاظرين بلاروح وناسين قلوبكم في بيوتكم ياناس يااااعالم اقسم بالي ماتنام عينه متى مارجعت الروح للمدرجات رجعت الروح للفريق............ معادله بسيطه (روح الجمهور= روح الفريق) اساسيات متى ماكانت موجوده اكتملت الصوره كل هذا بعد توفيق الله عز وجل



والي يقول الرابطه والرابطه ياخي انتم ياجماهير الواجه انتم مثل قلب الهلال والرابطه هي الرئه ... يعني انتم ياجماهير الواجه الاساس لازم المبادره تجي من عندكم وتكووووووووون طوال وقت المباراه ابي جمهور يهز الملعب بكره ابي جمهور مايسكت .





خاتمه :- أسأل المولى عزوجل أن ينصرنا في مباراة النصر وجميع مباريات الدوري وان يجعلنا نهاية الموسم سعيدين بنيل الهلال على جميع البطولات الي تهمنا في المقام الأول اللهم امييين.




قريبا بأذن الله راح اكون متواجد بشكل رسمي مع مجلس الجمهور وانا عندي افكار بأذن الله راح تخلي جمهور الهلال مع قادم الأيام جمهور (متواجد بقلبه قبل جسده )

وهذا رابط للجماهير الي حاظره بقلوبها قبل جسدها http://www.youtube.com/watch?v=KMbPE5tOKao


وهاذي روابط للجمهور الهلال الي اعرفه
1 http://www.youtube.com/watch?v=hMYHA...eature=related

2 http://www.youtube.com/watch?v=ZKndyYPBfsQ

.................................................................................................... ...



أسف على الأطاله اخوكم من روم الزعيم بالبالتوك بحرالهلال ( غسان)