إقتباس الرسالة الأصلية كتبت بواسطة meetab الحال من بعضه يابعدي انا طلعت من البيت ويوم وصلت للاستراحه الا الارتي موشغاله الله لايوفقهم وبديت انتظر الرسائل من موبايلي الزعيم الحفله اللي يستخفوون بعقولنا والرسائل ماتجيك الا متاخره مدري متى راح يلاقون لنا حل وندمت اني ماجلست بالبيت وتابعتها على الدريم ومن جد اشتراكهم ماينفع انا الجزيره شغاله 100% بس مدري ليه مانقلو المباراه

اصلا ما قالو بينقلونها لان بس تجيب الي تجي السعودية الرياضية او ابو ظبي

, , ,


مافيه مقارنة بين الـartوالجزيرة

الجزيرة أحسن

والجزيرة 260 بدون كرت (تجديد )
و300 ريال اشتراك

, , ,

الله يعطيك العافية
والله يوفقنا ونفوز إن شاء الله في المباراة القادمة

انتو وشفيكم على الرجاال , طرتوا فيه واتهمتوه انه يسوي دعايه ل اي ار تي , الرجال كلامه صحيح انا رحت واشتركت في الجزيره بـ 330 الله يقلعهم , وآخر شي مانقلوا مباراة الهلال .
نعيش وناكل غيرهاا .

يارجال والله ماندري وين الصدق !!

الكل يلعب علينا .. نحن شعب مغلوب على أمره !!









.

اخوي هذا شي عادي مقارنة مع العارتي ب 1850 ريال ولا 350 ريال ؟؟؟؟

انت جاوب

بعدين اذا كنت من محبين العارتي رح اشترك فيها و اترك الي يحبون الكرة الاوروبية يتابعون هالقناة

ياشباب حبيت اسأل :
وش الموقع اللي حنا فيه شبكة الزعيم ولا موقع الجزيرة ولا منتدى ال اي ار تي؟؟؟

يا عزيزي ، الي قالوه الاخوان يكفي ، لكن بأكد شيء ثاني ، ان الجزيرة الرياضية شرت حقوق 90% من الدوري مثل ماتنقلة ابوظبي والرياضية السعودية ..

يعني مبارات اليوم كانت حصرية على اي ار تي من 10% اضافة ان قناة الزعيم ناقلتها طبعا ً ..

وغير كذا .. انت شوف بكم الاشتراك في الجزيرة الرياضية وغيرها من القنوات كسعر وجودة نقل وتحليل واستديو ..

والاهم بوجهة نظري >> مافيه دعايات كثيرة وفواصل دعائية

بالتوفيق للجزيرة الرياضية ، وعقبال مانشوف مبارات الهلال والنصر عليها ..

مدري ليه إحس إنك عميل اي ار تي ؟؟ بالتوووفيق للزعيم

المشكلة ليست في الجزيرة بل في قنوات صالح كامل لان الاتفاق مع الجزيرة هي نقل المباريات التي ينقلها التلفزيون السعودي وقناة ابو ظبي الرياضية , لان قنوات صالح كامل هي المحتكرة للدوري السعودي

أنا نفس الطريقة لكن ميزة قناة الجزيرة تضيف الإشتراك بالقنوات الجديدة ويحسبون المده الباقية من الإشتراك القديم .
مثال \ إنا مشترك في الباقية من 1-4 وصارلي تقريباً 4 أشهر .
بعد ما طلعوا القنوات الجديدة 4-8 جددت بمبلغ 245 ريال وعن طريق موقع القناة ببطاقة الفيزا أو الماستر كارد .
وصار إشتراكي مدته الآن سنه وثمانية أشهر .
وعلى فكرة ياشباب اللي يجدد إشتراكه عن طريق النت عبر موقع الجزيرة ثواني فقط والقنوات شغالة عندك .
إنا جددت الأسبوع الماضي كان يوم مباراة البرشا والإنتر وعن طريق النت .
أقسم بالله من يوم ضغطت إنتر ما جلست ولا 10 ثواني تقريباً إلا وقنوات الجزيرة كلها تشتغل

تنقل بعد ماتنتهي المباراة اعتقد ولله العلم هذا نظامهم بالمباريات الحصرية ماتنقل الا بعد ماتنتهي المباراة مباشرة.
وبالتوفيق

والله حيرتونا ياناس نبي العلم الاكيد هم ينقلون الدوري السعودي مباشر ولالا

اخي الجزيره قناه محترفه ولا يمكن ان تساوم المشاهد كما ذكرت العيب من الارتي ومن سمح لها باحتكار الدوري السعودي هم اصحاب المصالح الشخصيه وعموما هناك مشكله مع ارتي في نقل الياراه ويبدو ان ارتي تخاف هروب المشتركين للجزيره وخصوصا جماهير الهلال لذلك لنتسمح للجزيره بنقل المباريات المشغره وخصوصا مباريات الهلال انت ليش حمكت على الجزيره بانها موامره ونسينا مومرات الاتحاد السعودي في بيع حقوق الدوري لارتي وزين دون د\خول اي منافسين اذا عرف السبب بطل العجب