ما فيه موضوع نفرفش فيه ؟ !

السلام عليكم ورحمة الله

فرحة الجامعيين لاتوصف بعدم تأجيل الدراسة لطلاب

اخواني اتقبل جميع الآراء واتقبلها بصدر رحب حتى لو كانت ذبه << الي يبي الدح مايقول اح

المهم نجي شويه للجد والاهم من طرحي للموضوع

انا طالب بالمرحلة الثانويه وراح اتخرج من مدرسة تحفيظ القرآن الكريم من المرحلة الابتدائيه حتى الثانويه والحمدلله على كل شيء ...

لكن احتاج استشارة من الجميع من خاض هالتجربة وله مجالات واسعه سواءً كانت بالجامعات او له نصيحة بتخصص معين او الكليات او او او او او او او او او او او ...

بمعنى التخصصات بعد التخرج والي مسموع لطالب تحفيظ القرآن الكريم او بمعنى (الادبي) المجالات المتاحه لي وحسب ماسمعت ان في مجال لصحه وبالمرور ووو .ويوجد افضلية لطلاب تحفيظ القران الكريم هذا الي احتاج اعرفه التخصصات الأكثر راحة وافضلها ...

لكن كل الي احتاج اعرف المجالات المتاحه لمجالي ودراستي حتى اكون بعلم عن كل شيء ويكون عندي هدف محدد واسعى احتاج اعرف كل المجالات المتاحه لي ...

وخاصة لو كانت نصايح من سبق لهم التجربة او سواءً كان دكتور او معلم بالجامعات والكليات والمدارس << هذا اذا كان فيه اتمنى استفيد من الجميع لاتبخل علي بأقل معلومه هي ممكن تفيدني وانت ماتدري ....




الله يعطيكم العافيه

والله يالغالي مااودي افشلك ولا ارد على موضوعك


بالتوفيق لك

اون شاءالله التخصص الي تبيه تدخله

إقتباس أنا أم وأولادي في عمرك وأكبر منك الله يحفظهم ورديت عليك لأني أحترم جداً من يدرس في مدارس التحفيظ وكذلك من يخطط لمستقبله ونصيحتي أن تضع خيارات وتعرضها على ميولك التي تشعر أنك تبدع فيها وتستشير من هو سبق في نفس التخصص كما أرجو أن تعرف أن المجال الذي توده مطلوب في البلد وأسأل الله العظيم أن يوفقك ويسعدك في الدارين ويحقق لك ماتتمنى آمين ..

الله يحفظهم لك ان شاء الله اشكرك على ردك الي اسعدني كثير ونظرتك عن طلاب تحفيظ القران الكريمبنسبة للخيارات اتمنى اجد كل الخيارات واجلس افكر مع نفسي والي يناسبني اتمنى ان كنت تعرفها تطرحها لي يعطيك العافيه اخوي الغالي

إقتباس والله يالغالي مااودي افشلك ولا ارد على موضوعك بالتوفيق لك اون شاءالله التخصص الي تبيه تدخله

هههههههههوش دعوه يالغالي مابينا فشيلة ماقصرت على الدعوهالله يوفقك ان شاء الله

إقتباس أتمنىلك التوفيق اهم شيء تختار تخصص انت راغبه وهاويه ومقتنع فيه والله يكتب لك الخير يااااارب

امين ان شاء الله وجميع المسلمين

بنتظار من خاض تجربة او عنده علم بأي شيء


الله يعطيكم العافيه

أول شيء أبارك على ختم القرآن مرتين
أسمح لي بدخل عرض
أنا بعد تحفيظ وودي أسأل عن التخصصات اللي للبنات وهل لهم الأحقيه إذا كان فيه مفاضله
ياليت اللي عنده خبره يفيدنا

يعطيك العافيه
اللون أحمر عشان يجذبكم اللون وتردون

السلام عليكم

عندي مشكلة بجهازي ،، لما اشغله يشتغل بس الشاشه تبقى سودا كذا فجأة مع انو ماطاح مني ولا شي

الجهاز اتش بي ونظام التشغيل فيستا


ايش الحل تكفون

إقتباس الرسالة الأصلية كتبت بواسطة الـسـلـطـان ^ ^ ^ طيب يا أحلاهم , إن كانت الشاشة سوداء !! أجل كيف رديتي (-- عبيط أنا بصراحه ما عندي ذيك الخبره , لكن بعض الأحيان تصير معي وانا جهازي Dell ونظامي xp عندك فوق بالأزرار حقت الإيفات (-- جمع F يمكن تلاقين زر مكتوب فيه CRT / LCD أو علامة بطارية أو أي علامة ثانية , جربيها وحده وحده ولا تنسين الضغط على زر Fn . وبكل آسف ما أعرف غير هذا الشيء إن شاء الله تضبط

ياحسرة ماضبطت

في احد يعرف حل ثاني ؟

إقتباس الرسالة الأصلية كتبت بواسطة أحلاهم واتحداهم ياحسرة ماضبطت في احد يعرف حل ثاني ؟

هلا اختاه..

من اول ما نزلتي السؤال وكان ودي اقولك تجربتي مع هالنوعيه من المشاكل...بس ما حبيت اصكها بوجهك من اولها
قلت اصبر عسى احد يشوف لك حل..
بس بما ان نفسيتي ماش..والصدر ضايق..قررت اتملعن واضيق صدرك..

بالصيف ..صارت معي نفس مشكلتك بالضبط..الجهاز شغال واموره تمام بس الشاشه تطفى ..يعني سودا
رحت للصيانه..وقالي فيه احتمالين..لما شاف الجهاز..يا انو هرجه خفيفه نسيت اسمها خربانه او الشاشه
وبالاخير قالي الشاشه وخلوني ادفع 400 ريال شاشه جديده..عاد ما ادري هو صادق او بكاش..

وللمعلوميه جهازي توشيبا

ان شاءالله تكون مشكلتك خفيفه..<--بعد ايش







سلااااااااااااااااااااااااااااااااااااااام

صباح العصر ..
/،
الأخ الصهيل يسأل عن التخصص بعد التخرج من ثانوية تحفيظ القرآن، أتوقع ولست متأكد أنه متاحٌ لك جميع التخصصات الأدبية ( دين - لغات - قانون ) .. ولكي تستزيد أكثر، شف لك مرشد طلابي أو أكاديمي يفيدك أكثر من أي شخص آخر، موفق ان شاء الله .
/،
أما الأخت رند فهذا حلالهم ويسوون اللي يبون
/،
أحلاهم، المشكلة لا يمكن تحديدها بالضبط، لكني أتوقع والعلم عند الله أنها لن تخرج عن الثلاث حالات التالية :
- إما أن تكون الشاشة معطوبة وتحتاج تغيير.
- إما أن يكون كرت الشاشة معطوب ويحتاج تغيير.
- إما أن تكون الشاشة مضبوطة على وضع عرض شاشة أخرى.
- إما أن تكون الشاشة متحركة عن موضعها الأصلي وتحتاج إلى ثبيت.

والحل الأمثل هو الذهاب بالجهاز إلى محل صيانة متخصص وأمين.
/،
هلالي الشماسية، مدري والله

إقتباس الرسالة الأصلية كتبت بواسطة أحلاهم واتحداهم السلام عليكم عندي مشكلة بجهازي ،، لما اشغله يشتغل بس الشاشه تبقى سودا كذا فجأة مع انو ماطاح مني ولا شي الجهاز اتش بي ونظام التشغيل فيستا ايش الحل تكفون

و عليكم السلام و رحمــة الله و بركاتــه:
أحلاهم هل الجهاز يطلع صوت زي صوت الجرس عند التشغيل ؟؟؟
إذا كان يطلع صوت فـأنا قيد صارت معي ذي المشكلة و قالولي فيه عطل في
mother board
و إن شا الله ما تكون هذي مشكلتك

إقتباس الرسالة الأصلية كتبت بواسطة abo_nasser هلا اختاه.. من اول ما نزلتي السؤال وكان ودي اقولك تجربتي مع هالنوعيه من المشاكل...بس ما حبيت اصكها بوجهك من اولها قلت اصبر عسى احد يشوف لك حل.. بس بما ان نفسيتي ماش..والصدر ضايق..قررت اتملعن واضيق صدرك.. بالصيف ..صارت معي نفس مشكلتك بالضبط..الجهاز شغال واموره تمام بس الشاشه تطفى ..يعني سودا رحت للصيانه..وقالي فيه احتمالين..لما شاف الجهاز..يا انو هرجه خفيفه نسيت اسمها خربانه او الشاشه وبالاخير قالي الشاشه وخلوني ادفع 400 ريال شاشه جديده..عاد ما ادري هو صادق او بكاش.. وللمعلوميه جهازي توشيبا ان شاءالله تكون مشكلتك خفيفه..<--بعد ايش سلااااااااااااااااااااااااااااااااااااااام

يارب تكون خفيفة ويطلع بسرعه

شكرا بو ناصر على رفع المعنويات

ماقصرت

إقتباس الرسالة الأصلية كتبت بواسطة كان هنا صبا أحلاهم، المشكلة لا يمكن تحديدها بالضبط، لكني أتوقع والعلم عند الله أنها لن تخرج عن الثلاث حالات التالية : - إما أن تكون الشاشة معطوبة وتحتاج تغيير. - إما أن يكون كرت الشاشة معطوب ويحتاج تغيير. - إما أن تكون الشاشة مضبوطة على وضع عرض شاشة أخرى. - إما أن تكون الشاشة متحركة عن موضعها الأصلي وتحتاج إلى ثبيت. والحل الأمثل هو الذهاب بالجهاز إلى محل صيانة متخصص وأمين.

مدري والله شصار له هالمسكين ..>> تحسه ولدها مو جهاز
وديته الحين وان شاء الله خير

مشكور

إقتباس الرسالة الأصلية كتبت بواسطة Miss.nora و عليكم السلام و رحمــة الله و بركاتــه: أحلاهم هل الجهاز يطلع صوت زي صوت الجرس عند التشغيل ؟؟؟ إذا كان يطلع صوت فـأنا قيد صارت معي ذي المشكلة و قالولي فيه عطل في mother board و إن شا الله ما تكون هذي مشكلتك

لالا

يطلعلي زي كلمرة اشغله

بس الشاشه الي ماتشتغل

وديته الحين والله كريم

تسلمين حبوبة