إقتباس اقسم برب الكعــبه ان كل شي بالريـآض عوآئل

إقتباس اقسم بالله انك صادق

إقتباس أقسم بالله لو نشتكي ونكتب على جدران الرياض كلها ما أحد راح يحس فينا

تقسمون ولا ماتقسمون ماحنب مصدقينكم امزح

الريااااض لولا زحمته ولا والله حلوه وعن روحي مفكر استقر فيها مستقبلاً !
لاجيته اشوف اشياء بغيره ما احصلها ..

تتكلم عن العزوبيه .. طيب اسال اي عزوبي .. وش تبي بالضبط ؟
اذا تبي ملاعب وجلسات الحمدلله فيه بحي الجزيره وبا احياء ثانيه ملاعب وجلسات .

تبي تطلع تكشت بطعس يحبه قلبك فييه الثمامه --> للشقرديه بس ههههههه
اذا تبي تلعب فيه ملاااااااااهي شباب جديده على طريق الثمامه روحله يعني لازم عوائل .. والله حاااله هههههههههه

انا ماسكنت بالرياض بس ماقلت الكلام الا لاني مجرب من خلال زياراتي له
وايضاُ ما اخفيك بعد قراءتي لموضوعك امس كلمت ولد عمي بالرياض وسالته عن الأماكن طبعاً بيني وبينه بالجوال قلت وش السلبيه الموجوده بالرياض اللي تضايقك ؟
قال مافيه شئ بس لاجيت تطلع لا احد اصحابك يبيلك مشوار تروحله ولا اذا بيجيك تطول تنتظره

يا اخوان الله يرحم والديكم تراكم انتم اللي تحشرون انفسكم با اشياء واماكن فيه غيره الكثير

ايضاً قبل لا اختم .. مجرد رأأي .. الصالات الرياضيه . والله حلوه ملااعب ومسابح وكل شئ
سجل فيها مبلغ رمزي بسيط تلعب وتنبسط طول يومك
متى مامليت طلعت ومتى مابغيته دخلت وقتك مفتوح وقتك اللي قاعد تفكر فيه باالامور هذي قضه بالصاله

المهم ياغالي .. اعتذر عالاطاله و اعتذر اذا اني ضايقتكم باي شئ
انا مدري ردي ضايقكم ولا شئ بس ماقلت شئ الا انا مجربه وسال عنه ايضاً

موفقين ،،

إقتباس الرسالة الأصلية كتبت بواسطة زعيـم أسيـآ كل شي رياضة رياضة الواحد بيمل , نبي نوسع صدورنا شوي

مثل وشو اللي تبي توسع صدرك فيه

^
^

انتي جبتي المتنفس الوحييد المتااح هذي المشكله
ولا باقي الاماكن ما نقدر ندخلها
منتزهاات ما نقدر ندخل .. مولات مانقدر ندخل .. ملاهي ما نقدر ندخل
مافيه الا الصالات حقتك ولا المقاهي ..
طيب اللي يعاني من مشكله السمنة ولا يلقى وناسته في ذا الصالات وش يسوي ؟

حالتنا حالة وبس

إقتباس الرسالة الأصلية كتبت بواسطة أبوسعـد ^ ^ انتي جبتي المتنفس الوحييد المتااح هذي المشكله ولا باقي الاماكن ما نقدر ندخلها منتزهاات ما نقدر ندخل .. مولات مانقدر ندخل .. ملاهي ما نقدر ندخل مافيه الا الصالات حقتك ولا المقاهي .. طيب اللي يعاني من مشكله السمنة ولا يلقى وناسته في ذا الصالات وش يسوي ؟ حالتنا حالة وبس

الياء اللي تبع > أنت ي - جبت ي < تعود لمين ؟!
من هي سعيدة الحظ صاحبتها ؟
بريماكس خخخخخخ

^ ^



...


كـــل عآم والسعوديه احلى واحلى ,, والرياض ازحم وازحم ,,



^ ترا اللي فوق شطحه اليمه بسبب اني بطلع اليوم انبسط

...

بالنسبة لي مافرقت معي لأني إنسان بيتوتي يعني ماهمتني كلمت ديور

إقتباس آذآطلـع الشآب تطعيـس قآلوا هذآ بدوي ولاتمآشيـه , وآذا طلع حق هآيلكسآت قالوا هذآ حنـس ولا تماشيـه , وان طلـع مكدش , قآلوا هذآ سفيـه وفآقد عقـله وآن طـلع دآفور قالوا هذا معقـد و24 سآعه جآلس بالبيـت يذآكر , وان طلـع فآشل بالدرآسه طاح مقدراه عند النآس حتى السلآم مايسلمون علـيه مدري وش دخـل الدرآسه بالرجولـه ؟؟! , آذآ طلـع حق كوره يقولون طيب عطنآ تآريـخ الصحآبه بآلاستهزآء طبـعآ , وان طلع ملتزم حطوا الـعيـن علـيه

ههههههههههههههههههههههههههههههههههههههههه
هذي قوية قوية ..
/،
الحل الأمثل ، أنك تخلي أهلك وأهل صاحبك يتعرفون على بعض ، وطلعاتكم تصير " سوا " .. تدخل منتزه ، تدخل سوق ، تدخل وين ما تبي ..

يالله عقبال ما نشوفك معرس وتعايرنا مثل المشاغب :s ..

يعني تبي يفتحون المجمعـات للشباب علشان المغازل

اذا انت عاقل في غيرك عقله ناقص

بختصار انت عاقل في ناس يخربون عليكـ

انا مع توجـه اغلب المجمعات

انت روح شـوف مجمع المملكـة و قلة الحـيا اللي هناكـ

سلمت على المـوضوع

تصــدق حسبتك تقصد المااركه هع
لي عودهـ باءذن الله

فالبداية كل عام والجميع بالف خير


الشي الثاني ,, اعتقد هالموضوع اشبعناه مراراً وتكراراً وماكو فايدة


واللي براسه سعة صدر بيلقاها مع اخوياه وطلعة لاستراحة ولا بلاي ستيشن وفلة


واللي حاط براسه " كل شي ممنوع للشباب " فبالتأكيد ما بيلقى له شي مثل ماتفضلت


عندي عتب بسيط اخي العزيز


اكاد اجزم ان ثلاثة ارباع ردودك تجيب فيها طاري الهيئة ,, فمادري وش الحكمة !؟


عندك الإعلام العلماني وايضاً قبل هذا الشباب والتقليعات اللي طايحين فيها هاليومين " طيحني وطقته "


ليه ما يكون لها نصيب من نقدك !؟


الهيئة مثل ما عندهم اخطاء بنفس الوقت عندهم الخير الكثير اللي قدموه وسيقدموه بإذن الله


وايضاً لا انسى رجال الامن وتعاملهم


عذراً على التدخل ان ضايقك ..


لك

.
.

8

يالبى قلب الهيئه بس

وش تبيني أقول غير الله يلطف بحآلنا ويكثر من مقآهي الشيشه ..

يآخي انا اتكلم عن نفسي .. مستحيل تجي اجازه فوق الشهر واقعد هنآ ..

ياخي اخوياي كلهم طالعين باليوم الوطني واستهبال وفلة حجاج .. انا تاكي بالملحق لييييين الحين ..

ياخي لاني عارف اذا طلعت ابنمسك وبتمرمط وحالتي حاله عشاني طاق علم المملكه على موتري زي ما صآر لي السنه اللي رآحت ..

يآخي انا من هنآ أقولكم .. عليكم بالسفر يآ شبآآآب ترآ والله كل يوم الدوريات يخنقون علينا كل شي ..

أجل قبل كم يوم .. يلاحقون شباب بيمسكونهم عشان وشو ؟؟ عشانهم كدش !!

يآ سآآآتر على هالدوريآت .. والأسواق لا جيت تدخلها حتى لو أهلك معك وأنت لابس برمودآ .. ممنوع يبو الشباب !!

أعجبني هذا النقاش فأحببت ان اشارك فيه

آخوآني مثل مآ انتو تعانون يالشباب حنا بعد يالبنات نعآني


طلعآتنا حنا من متى لمتى ومو اي وقت تبين تطلعين فيه تطلعين


مثلآ
وحده تبي تروح للسوق >> اخوها مو فاضي لها طآلع للأستراحه مع اخوياه >> ابوها نفس الحآل مشغول

تكنسلت الطلعه !!!!!


امآ بخصوص موضوعك

مشكلتنا نآس تخرب ع نآس يعني انت ما تغازل وعآقل في غيرك مهبل

اما المول وش يبيون الشباب فيها ؟؟ السوق مكآن نسائي

مدري ليه زعلآنين لآنكم ماتدخلونها

واذا مُصر تبي المحل الفلاني خذ اختك معك سو فيها خير وبنفس الوقت تقضي حاجتك

واذا حاسدينا ع الملاهي !!

مآيجيب الا صدااع الراس كله ازعااااج وملل واساسا مانروح له الا مره في السنه وطفشانين منه بعد كله بزران وصجه ولجه

اقعد في البيت احسن


مآلنا الا البيت

والطلعه نقعد نتشحد فيكم الى ان توافقون وتذلوننا ع الطلعه >> مو انا موديكم السوق قبل شهرين

يعني شهرين مآطلعنا من البيت الا لأستراحات الاقارب "الجمعات الرسميه "

وصديقاتنا مآنشوفهم الا في الجامعه ولو اننا ماندرس كآن مستحيل نشوفهم الا قليل

( صدفه - متفقين من شهور ع ذا الطلعه - المسن ) بسـ


بينما انتم طوال اليوم مع اخوياكم مآتشوفون البيت الا للنوم أو الاكل احيانآ

يعني باختصار الحال من بعضه

انتم اقل شي اذا بغيتوا تطلعون بكل سهوووله تشغل السياره وتمشي اما احنا


لولآ الله ثم النت ولآ كآن منتحرين من زمآآآآن


عندكم استراحآت + بر + مقاهي + صآلات رياضيه + ملآهي " في أوقآت للشباب "

+ يكفي يكفي عندك سياره تسآفر فيها انت واخوياك

وآخيرآ اختلاف الرأي لايفسد للود قضيه

ودي