آلآ بـٌذكرٍ آللـٌه تطمئـٌن آلقـٌلوٍب ,,

اتمنى تكون صادق مع ربك اكثر فبل نفسك اكثر وصدقني بترتاح ..

ماشااالله عليك الله يهديني لو غصب عني ..

اخوي حاول تغير روتين حياتك سافر اطلع غير الغرفه اللي تجلس فيها ..

جرب روح للمسجد بعد الاذان مباشره شوف الناس كيف عايشه ...

كمان عليك بالرياضه سجل بنادي رياضي ...

او جرب انك تمشي بالممشى << نصيحه بتدعي لي

اهم شي غير روتين حياتك ...



ابو عسل

شدتني عبارة في موضوعك ، أن عندك ذنوب ، وغيرك من أصحابك عنده ذنوب أكثر منك بكثير وأكثر جرماً من جرمك لكنه ( مستـانس ) أو تظهر عليه علامات الفرح !!
هذا إن دل ؛ فيدل على أنك تملك قلب متيقض ، ونفس لوّامة هنيئاً لك بها
والمؤمن هذا ديدنه ، دائماً يلوم نفسه على المعصية .
لكن هذا اللوم لا يجب أن يصل إلى مرحلة الإنطوائية ، فالمؤمن بشوش أيضاً .
عليك بذكر الله والإعراض عن الذنوب ، عسى الله أن يبدل حالك من حالِ إلى حال .

بقولك اللي بخاطري يمكن أقدر أفيدك بشيء لو بسيط ,,
مافي شيء ببلاش ادعي لي >>انقلعي بس
وغير إنو صارت لي نفس اللي صار لك جات فترة بس الحمد لله بسيطة
كثير انتبهوا لي إنو متغبيييييييييييييرة
تقدر تقول أكثر من موضوع صار لي بوقتها فصارت (ضغوطات)

إنت نبش نبش وبتعرف صدقني بتعرف
**اجلس جلسة صريحة مع نفسك
**كل ماحطيت رأسك على المخدة فكر !!
اش سويت خلال هاليوم سويت شيء مفيد ؟؟
لربك +لنفسك +لأهلك+لأصحابك +لمجتمعك+لأختك أقلها لو اشتريت لها شيبس فرحتها

كمان الأمور اللي صايره لك حط كل موضوع لوحدة
خل الدراسة على حدة والمستقبل على حدة ووووو الخ
يعني بالعربي لا تراكم الأمور على نفسك (( لاتحمل نفسك فوق طاقتها ))
لأنك بعدها بتجلس تقول يووووه طفش وتحس بعجز إنك مو قادر تسوي شيء ,,

وبعد مارتبت أمورك قول لنفسك
1-الدراسة وكل الناس قاعدة تدرس وتكرف بس !!
مين اللي يكمل المشوار ومين اللي يقعد بها ؟؟
وشوف وقتها إنت تبغى تكون مع مين ؟؟

إذا تبى تكمل المشوار شد حيلك
وقول لنفسك ياعم كلها سنة وتعدي وانجح وتصير بالنسبة لي
ذكريااااااااات مجرد ذكرياااااااااااات
بحلوها بمرها مريتها بحمد الله ,, قول لنفسك كذا ,,
كم راح وكم بقى مابقى إلا القليل جات على سنة ..

((عدلت كلام بردي لما قرأت إنو عمرك 18 سنة صغنون وربي على بالي من كلامك عمرك صك 28 سنه
حرام اللي تسويه بعمرك لاتضيع شبابك وإنت منكد على نفسك بنفسك ياشيخ سنة سنة وتعدي اسألني ))

18 سنه إنك ثالث ثانوي
طبيعي اللي تمر فيه كنت أسوء منك وإلحين أشوفها بالنسبة لي ماشاء الله ذكريات ..
وعقبال البكالوريس إن شاء الله نتخرج

2-المستقبل : ماألومك إذا فكرتك بمستقبلك قبل حاضرك
بس حط ببالك كلها مترابطة ,,
إذا حاضرك ناجح فالحمد لله خطيت خطوة كبيرة للمستقبل
اهتم بدراستك حاول ماتحمل مواد عشان ماتتطول فترة تخرجك ,,
صح (( ثالث ثانوي أكون او لا أكون ))
بس لاتنسى درست 11 سنه جات على سنة !!
قول لنفسك كذا , هون على نفسك !!
قول غيري نجح وهو أقل مني يعني مااقدر أسويها !!
أنا قدها وقدود كم اختبار وافتك وكلها من المدرسين الاختبارات احمد ربك ماشاء الله
>>أرسل رسايل ايجابية لنفسك .

كثير ممكن يقرأوا كلامي ويقول :
يوه وبعدين بنجلس بالبيت
وفلان وعلان عنده وعنده وماأحد وظفة
وأنا مين بيعطيني وجهه ووووو من الكلام اللي تحشون فيه رأسكم .

بقول لكم : كل واحد مابيأخذ إلا نصيبه ,,
وبلاش نشوف تجارب العالم ونمشي عليها
بلاش نحطم نفسنا بنفسنا مو كفاية العالم اللي حولنا ؟؟ استغفر الله
لازم الواحد يجتهد ويسوي اللي عليه أقلها بكره مايقول
قهر ياليتني أقلها تخرجت من الثانوي بمعدل وقهر ياليتني وياليتني .

نصيحة من أخت :
لا تترك لنفسك مجال لندم , شيء تقدر تسويه وتحس إنه بيفيدك سوه .
ماعليك من ربعك إذا قالوا لك شيء يحطم كل واحد وإمكانياته

شطحة: (ألاحظ التحطيم ماشاء الله بين الشباب زايد بقوة)

**طول ماإنت تقول أنا طفشان أنا طفشان
إنت كذا توصل للدماغ رسالة إنو إنت قاعد تطفش نفسك بنفسك ,,
وهذا أكبر غلط ,,
ارسل رسايل إيجابية لنفسك ,,
والله والله هالكلام مو كلام فاضي ومامنه فايدة لا
هالشيء انا أسويه لنفسي دااااااااااااايم

ارسل رسايل إيجابية لنفسي أبسطها :
لما اناظر وجهي بالمرايا أشوف الشيء الإيجابي بعمري
بلاش الواحد كل ماناظر بخشته مع صباح رب العالمين
يقول آآآآآآآه ياليت مافيني الشيء الفلاني وياليتني زي فلان وعلان
ليه نستحقر نفسنا لها الدرجة ليه ؟؟
ليه دايم نشوف العالم هم أعلى وأفضل
وتحصل بالواقع إنت أفضل من أصحابك بأمور كثير
بس إحنا الله يهدينا ماتعبنا غير المقارنات ,,
يكفي ضميرك صاحي ماشاء الله عشان كذا قاعد يأنبك
واش دراك أصحابك يمكن وضعهم أسوء من وضعك .
بس مايتكلموا ويمكن هما من النوع اللي وجههم مايبين اللي بداخلهم .
ويمكن هما من النوع اللي يكابروا.
ولاتنسى اللي يشوف مصايب الناس تهون عليه مصيبته
(مشاكل اللي حولك أقارب او من النت او بالجرايد ,,,,,

أولها اللي صار بالخبر اش ردت فعل أصحاب المحلات والعملاء مين همه أكبر إنت ولا هم ؟؟

* كل ماتذكرت إن خويك مبسوط و إنه قدر يشتري سيارة وإنت لا او او ,,,الخ
على طول تذكر الشيء الإيجابي فيك واللي مو موجود فيهم
الدراسة +الحياة المادية +الاجتماعية+ موجودة أمك يمكن واحد منهم محروم من أمه أو أبوه مو داري عنه .
اللي حولك اهتموا فيك ماشاء الله ولاحضوا إنك متغير وتكلموا
تلاقي واحد من اللي حولك أهله مو حوله أبد أبد !!


**حاول تغير روتينك ,, غير ستايلك بحدود الشرع
>> ادخل دورة منها تستفيد ومنها تتعرف على كم واحد يدعمك وتدعمه نفسياً.
>>قص شعرك إن شاء الله تحلق عالزيرو .
>>اشتري كم (تي شيرت وجينز) كتجديد .
>>لو عندك سيارة غير لونها لو ماعندك سيارة عادي
ممكن تشتري إن شاء الله لحاف جديد لسريرك
وكم حركة جديدة بالغرفة أو المجلس تعطي تغير حلو ,,
غير مكان الكمبيوتر أو مكان التلفزيون
هذه كلها تأثر بنفسيتك .. كل إنسان يحتاج هالأمور .

معلومة أغلب الأمور اللي ذكرتها فوق مو بس أنا سويتها حتى أخواني الشباب
الشعر+اللبس+الأماكن+الدورات

يعني شفت نتيجة هالأمور من قبل الجنسين مني ومن أخواني ..
ومو شرط يكون عندك مبلغ كبير عشان تقدر تسوي وتغير
مو مهم كم مصروفك بقدر كيف بتصرف اللي معك ؟؟

بالنهاية لازم تؤمن إنو مابيصير لنا إلا ماكتبه الله لنا .
كلام كثير أدري .. بس إن شاء الله قدرت أفيدك لو بمعلومة .

ماشاء الله الاعضاء ماقصروا معك

بس حبيت اضيف للكلامهم

اذا حسيت بالحزن لاتحاول تعيشه حاول تهرب منه

كيف

يعني اذا حزنت وضاق خاطرك

حاول انك تضحك ع نفسك لانك شايل هم دنيا فانيه

تحرك من مكانك .. اذا كنت تتابع فلم او اغنيه او حاجة كذا حاول انك تغلقها ع طول

وهكذاااا

وهكذا مع الوقت راح تحس بالفرق

طبعا هذا تسويه بعد ماتطبق نصائح الاعضاء من الالتزام بالدين

وكثرة الاستغفار

عندي حل بسيط مره

لما تكون تمشي او جالس على النت او تتابع تي في

قول " لاحول ولاقوة ألا باالله " ورح تلاحظ التغييير

وبس

وانا اخوك هالحالة أغلبنا يمر فيها ومحاكيك أول واحد , أتفق مع الأغلبية أن الرجوع إلى الله من أهم أسباب السعادة بل هي اللب الذي بعون الله يسعد الشخص , لكن فيه سبب هو اللي خلاني أقتنع أني لازم أصير شخص سعيد للغاية ومبسوط ولا فيه أحد أوسع صدر مني .. أنت كم عايش في هالدنيا ؟
كم لك من عمر ؟ عمر عمرين ثلاثة ؟ باقي لك اسبوع شهر سنة عشر سنوات خمسين سنة ؟
مالك الا عمر واحد ليه ماتصير سعيد فيه لو ضيقت صدرك مافيه عمر ثاني تعوض فيه , والله ثم والله ثم والله لو قالك أحد أنت ولا غيرك انك بتموت بعد سبعين سنه !! أن يضيق صدرك وتهتم وتقول خلاص معاد باقي لي شئ وتروح هالسنين بلمح البصر ,, شف كم سبعين سنه يعني نقول الحين عمرك تقريباً من عشرين إلى خمسة وعشرين يعني إذا صار عمرك تسعين سنة ,, مع انك متيقن انك منتب واصل المئة سنة إلا بقدرة قادر ,, ياخي والله خذها من الآخر وحطها بين عيونك ترى مالك الا دنيا وحده وعمر واحد لاتفكر انك بتعوضه الا في الجنة بإذن الله وسع صدرك والله مافيه شئ يسوى يضيق الواحد صدره عليه جب أكبر شئ يهتم منه الشخص اجلس مع نفسك وفكر فيه والله بتلقاه شئ تافه لأبعد الحدود ،، تقبل تحياتي 