#1  
قديم 17/09/2009, 07:25 AM
زعيــم متواصــل
تاريخ التسجيل: 20/01/2009
مشاركات: 62
Unhappy تكفون ياعيال الديره ارفعو شعار الجزيره ... الحمله الاولى من نوعها (( الأخيضر ))

روقتو .. هديتو << خلاص راحت عنكم اثار الصدمه
معقوله ننسى الي صار بكم يوم
ننسى الخزي والعار ننسى وش سوى فينا منتخبنا من دمار
احيــــــه على ذيك الايام
ايام ماجد والغشيان .. ايام فؤاد انور والعويران
ايام ماكنا نشجع منتخبنا بجنان والحين حتى مبارياته مانشوفها بالمجان
لازم ندفع لواحد يظن نفسه انسان ونظنه شيطان
آآآه يازمان صرنا نقول ليت الي جرى ماكان
زمن ننهزم من البحرين وعمان
زمن مستوانا تعبان ودورينا مرضان ومنتخبنا رايح جاي خسران
آآآآه زمن الحرمان والخذلان
كاس العالم بدون سعوديه .. معقوله
معقوله يجي كاس العالم بدون الاخضر
معقوله ماعاد ننهزم قدام كل الامم بـ 8 و4 واهداف اشكال الوان
ايه يالحربي ذكرتك يوم تقول
تكفون ياعيال الديره ارفعو شعار الجزيره
عيال الديره خذلو شعار الجزيره يالحربي
عيال الجزيره بكوك وبكوني وبكو كل من جوازه أخضر
يالحربي
صقورنا ماعادو صقور واخضر ماعاد اخضر
اخضرنا صار حاله حال الكويت هم ازيرق وحنا اخيضر
هم مات منتخبهم ودفنووووووه
وحنا منتخبنا ماباقي الا الكفن .. للحينه يالحربي
للحينه بالعنايه المركزه يحتاج تبرع من ناس عندها دم من ناس تحبه
بس الي نشوفه كل الي حوله ماعندهم دم ولا يحبونه
نطرد احسن لاعبي السعوديه عشان كبتنيه .. احييييييه يالقهر
4 مقاعد ونص وحتى النص مااخذناه
وتقولون اسياد اسيا
اسياد اسيا مين والناس نايمين
باقي بس ننهزم من الهند والبنقال وسوريا ولبنان عشان نثبتها
اذناب اسيا
لاتزعلون هذي الحقيقه
سلطان الرياضه << ركزو بالاسم
الرئيس العام لرعايه الشباب لما يظهر على الشاشات ويسب ويلعن ويهدد عيال الديره على عينك ياتاجر
اذا انتو ماتربيتو حنا نربيكم
افا ياسلطان الرياضه افا
وش انجازاتك تكفى علمنا
خروج من كاس اسيا من الادوار الاولى
الهزيمه من كل من هب ودب
وصول لكاس العالم بهدايا من منتخبات اخرى
ولما نوصل نقول الجوهر ولد الديره هو مدرب المنتخب مع ان الحقيقه في غيره من يحط الاسماء والتشكيله
واخرها 8 وخروووووووووج باكبر نتيجه من الاهداف في مرمانا
طيب قال بعدها بنخطط بخطط علميه معفوووووووسه لكاس العالم 2006
اييييييه ذكرتنا ياابو ب 2006 لما كلناها بالاربعه وزايد يقول مصاب غيروني
باكيتا يقول مقدر احطك يالدعيع ممنوع من فوووووووق
وش ذبحنا غير القرارات الي من فوووووووق وتنحط بظهر الجهاز الفني
احسن مدرب مر على المنتخب السعودي منذ وفاه الفيصل رحمه الله
هو كالديرون
صنع منتخب الاحلام
تطرده ياسلطان من اجل هزيمه من العراق في بطوله ذهب فيها ليستعد بالمنتخب الرديف
لا يازمان الخذلان
تكفى ارحمنا ياسلطان
قالها احد الحكماء في قديم الزمان
الشجاعه هي ان تترك منصبك عندما لاتجد شيئا جديدا لتعطيه
اخبرنا ياسلطان ماذا لديك لتعطي
اقسم بالله لاشيئ لاشيئ سوا مزيد من المر والعلقم التي يتجرعها الشعب السعودي من كل مكان
نجي من دواماتنا ووظايفنا ودراستنا
نبي ننسى همنا وحزننا
نبي ننسى شوي دنيانا الصعبه وحالتنا الشقيه
ننسى اننا نبي مستقبل
نبي نتزوج
نبي ارض
نبي بيت
نبي قرض
نبي زياده بالراتب
ننساها كلها على امل فرحه يصنعها اخيضرنا
واخيضرنا يظل يخذلنا ويخذلنا ويخذلنا
لا بطولات خليج فلحنا
ولاكاس اسيا اخذنا
ولاكاس العالم تأهلنا
آآآه يازمن الحرمان
ارحمنا ياسلطان
لن اكتب كثيرا ولن ابكي اكثر من ذلك
حان وقت وقفة الرجال
حان وقتكم يارجال السعوديه ياحماة الوطن
لمره واحده فقط نريد ان يسمع الكل مانقول
نريد ايقاف هذه المهازل
فلنجعلها الحمله الوطنيه لعوده الكره السعوديه
الحمله الوطنيه لابعاد سلطان ونقوله شكرا ماقصرت ياباشا
يكفينا بكى واحزان
حان وقت الاصلاح والتعديل
حان وقت ايقاف التطبيل
كلنا بصوت واحد
كفايه تدمير
الشعب السعودي يطالب بالتغيير

شعار الحمله قدامكم

التوقيع



الصوره الرمزيه




البنر



لنثبت اننا رجال
لننشرها في كل مكان في كل المنتديات في كل الايميلات والقروبات
لنضع هذا التصميم في تواقيعنا وصورنا الرمزيه
لعل وعسى يصل صوتنا
وينقذنا ملك القلوب من محنتنا
لن ننتظر خذلان جديد ولاعبين بلا رووووووح
لن ننتظر اقاله مدرب اخر او عبث مصيبيح جديد
ننتظر التغيير الشامل والشامل فقط
تكفون ياعيال الديره
ارفعو شعار الجزيره
قاطعنا شركات الالبان
وقاطعنا السيارات
وقاطعنا كل من خذلنا
وحنا وقت مقاطعه من تسبب بخذلان آخر لشعب سعودي تجرع الآهات
حتى ملت الآهات منه
هالمره بس تكفوون هالمره بس
خلونا ننسى نصر وهلال واتحاد واهلي وشباب
لمره وحده بس خلونا نشوف الصوره الكامله بدل الاطار فقط
حطو يدي بايدكم ولنبدأ حمله الدفاع عن سمعه الاخضر قبل ان تذهب الى ابعد من هذا الحضيض
خلاص ماعاد نتابع منتخب بهالصوره
ماعاد نتباع منتخب وراه سلطان ونواف

ولنتذكر هذا


اقتباس:


أصدر الديوان الملكي مساء أمس بيانا نعى فيه صاحب السمو الملكي الأمير فيصل بن فهد بن عبدالعزيز الرئيس العام لرعاية الشباب عن 54 عاما , وفيما يلي نص البيان:
انتقل إلى رحمة الله تعالى بعد ظهر هذا اليوم السبت "أمس" 10/5/1420هـ صاحب السمو الملكي الأمير فيصل بن فهد بن عبدالعزيز آل سعود الرئيس العام لرعاية الشباب إثر نوبة قلبية تعرض لها عن عمر يناهز اربعة وخمسين عاما قضى معظمها مكرسا جهوده لخدمة رعاية الشباب ورفع مستوى الرياضة في المملكة العربية السعودية حتى وصلت إلى ما وصلت إليه من مستوى مشرف.
وسيصلى عليه بعد عصر غد الاحد "اليوم" الموافق 11/5/1420هـ إن شاء الله في مسجد الامام تركي بن عبدالله بالرياض


الله يرحمك يافيصل بن فهد
بنفس يوم وفاتك بدأت الكره السعوديه تلفظها انفاسها

والسلام خير ختام


مجهود شخصي


http://www.swaalif.net/vb/index.php

اخر تعديل كان بواسطة » هوآي الشرقيه في يوم » 17/09/2009 عند الساعة » 07:33 AM السبب: خطآ مطبعي
اضافة رد مع اقتباس
  #2  
قديم 17/09/2009, 09:46 AM
موقوف
تاريخ التسجيل: 13/11/2006
المكان: السعودية
مشاركات: 4,533
متــــــــــــي يستقيل الامير سلطان ويرحينا متـــــــــــي يارررررررررررب
اضافة رد مع اقتباس
  #3  
قديم 17/09/2009, 07:30 PM
زعيــم متواصــل
تاريخ التسجيل: 20/01/2009
مشاركات: 62
إقتباس
الرسالة الأصلية كتبت بواسطة turky18
متــــــــــــي يستقيل الامير سلطان ويرحينا متـــــــــــي يارررررررررررب

الكرسي حلوو وانا اخوك


منوور حبيبي



وين بآقي التفآعل يازعماء
اضافة رد مع اقتباس
  #4  
قديم 17/09/2009, 07:54 PM
زعيــم مميــز
تاريخ التسجيل: 09/07/2008
المكان: بزبوز المغسلة
مشاركات: 3,317
بعد فيصل بن فهد
دفنت الكرة السعودية

الله يصبرنا لاتحاولون تراه قاعد على قلوبنا إلى ما الله ياخذ امانته
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:26 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube