بمناسبة العيد ... خش وشارك >> مسموح مشاركة اليوزرات ( الإنتحارية ) - صفحة رقم 3 - نادي الهلال السعودي - شبكة الزعيم

الذيب الصغير9 · #31 16/09/2009, 04:14 AM

يآ حي الله أبو طلآل ..

والله يأخوك أنا إلى يومك ذآ ما خلصت من أغراض العيد إلا الثيآب << وهي اهم شي ..

بس الشماغ والكنآدر الله يكرمك .. إلى هالحين والله .. بس ما يبيلهآ شي .. مشوآر أبو سآعه بالكثير وأكون مخلصهن إن شاء الله ..

وكل عــآم وأنتم بخـــير

أحلـى هلاليه · #32 16/09/2009, 04:24 AM

خواطر زاد على الجروح ملح..

عيدكم مبارك

ماشاء الله عليكم يالاولاد ماتصرفون كثير اغلبكم من 600 الى 1000 يعني سعر معقول

اما البنات شي طبيعي فوق 1000

تبون تفصيل ولا اقط السعر

ابد ماتهايط

3000 وزياده شووي مو كثير

<<<غير الشنطة ماحسبتها

بس الاسعار غاليه والشي الزين يستاهل

أخوي الصغير كل عام وانت بخير

AHMAD.10 · #33 16/09/2009, 04:28 AM

هلآ ابو طلآل ~>
مدري كم الفلوس اللي شريت بهآ ’ لكن ما تتعدىا الـ 600 او الـ 700
و خوآطر شيء ثآني .. افضل البرامج بـ رمضآن ..
و كل عام و انتم بخير
رآح رمضآن

تشكرآت <~

إحساس خالد · #34 16/09/2009, 05:03 AM

يابو طلال مناسبه العيد

يشمل السفر مع الشباب ولا لا ؟

//

عموماً

الحمدلله ابشرك كل خير يارب

وكل عام وانت بخير

ومبارك عليك العيد مقدماً

ابو عسل

حتى ظلالي هلالي · #35 16/09/2009, 05:18 AM

طيب والي ماتتعيد وش تسوي

والله ابي احس اني زي الناس واتعيد مثلهم وجمعات ووناسهـ وملابس عيد

بس ماش لو سويت مثلهم فانا بلبس وبسلم على امي وابوي وجداتي واخواني وبفصخ وارجع اخمد وخلص العيد

اجلس ببيجامتي اصرف لي اجل

مافيه عيد يعني

قبل فترهـ رحت للسوق مثل الناس
ابي اعيش الجو الي يعيشونهـ وهو يشترون اغراض عيد

بشوف وش يحسون فيهـ
والله يا تقل يوزعون ببلاش على هالزحمات

دخلت السوق اشتريت لي جزمهـ وانتم بكرامهـ بـ 165

وتعشيت وجبهـ لفينو

من كودو

وطلعت

عشان يشوفوني الناس طالعهـ من السوق بكيسهـ على بالهم ان وراي عيد وجايهـ اشتري لهـ

<< ياعمري يا انا احاول اوهم روحي ان عندي عيد

وكل عام وانت بخير ابو طلال ..
وسلم لي على طلو وفروس

وعطهم بوسة العيد

al3z · #36 16/09/2009, 05:24 AM

هلا ابو طلال

والله اغراض العيد للحين ما خلصتها لكن بقولك اللي شريت...

ثوب من مشار بـ 300 (تزود 10 او تنقص)

وعطر creed-millesime من باريس غاليري بـ 600 تقريبآ

وجزمة من ALDO بـ 400 تقريبآ

عواااافي عالموضوع

سينمائي الزعيم · #37 16/09/2009, 05:25 AM

هلا با الزعيم ابو طلال
بما أنك طلبت الصراحه بكون معاك صريح
فصلت أول رمضان ثوبين
و اليوم فصلت الثوب الثالث
و اشتريت عقال و طاقية
و بكرى الشماغ
باقي الجوال
التكلفه
1000ريال

ابو طـــــلال · #38 16/09/2009, 05:27 AM

إقتباس

الرسالة الأصلية كتبت بواسطة بندر الهلالــي


	اماا اناا يابو طلال اشتري باليلة العيد اماا عيد هالسنة شريت بدرري يعني كلفني كله على بعضة 650 رياال يعني جزمة >>الله يكرمكم فصلت ثوب...شريت اشماغ..وساعة وبس >> وش رايك ماهايطت هع مشكوور اخووي وعســآآآآكـ على القوة ...

650 ريال معقول بصراحة .. بعد لو إنك ( مكاسر ) كان صارت 500 بس !!

بس شكلك ماتحب تنشف ريق راعين المحلات ..

ترى العيال ( مبروكين ) البنات اللى يكسرن الظهر ... وشف الفرق بس بهالموضوع !!

تحياتي بندر وتقطعهن بالعافية

الزعيمTMS · #39 16/09/2009, 05:29 AM

هلآ وآلـلـه آبو طلآلـ

ثوبـ بـ 180

جزمـه بـ 160

شمـآغ بـ 80

عـقآل + طآقيه بـ 50

آلملآبس آلدآخليه تقريبآ 30

يعني آلـمجـموعـ
500

آآووهـ صح

نسيت شريت عطر بنص رمضـآن

بـ 260 آو آقل آو آكثر بشوي

السمسار الهلالــي · #40 16/09/2009, 05:32 AM

باك

أهلييين و سهليين , كل عام وانت بخير يبو طلوّ ..

انا من ناحيتي ما أتحمس للعيد كثيراً من ناحية المقآضي

..
اللهم أفصل لي كم ثوب وشماغ .. وكل عام وانتم بخير

..

/

شكل موضوعك هذا راح يكون العيدية

والله من الهياط بنشوف فهـ الموضوع

/

الحين بيجيك وليد القحطاني يقول انا ما أفــّصل الا بـ أبراج الكويت الثوب بـ 300
والعطر بشتري حق ديور الجديد

والشماغ جيفينشي

..

وليد أحبك

<-- ؟

ابو طـــــلال · #41 16/09/2009, 05:32 AM

إقتباس

الرسالة الأصلية كتبت بواسطة شبوط


	ياهلا ياهلا بالشيف ابو طـلال كل عام وانت بخير يالغالي والجميع وكل ابو الحكومه تو بدري يالغالي يومين ان شاء الله يكون اخذت كلش

الشيف وشو ؟!

ويقولون بعد وراك عليه !! ناظروا وش يقول

شبوط .. إترك عنك ملفات الأعضاء ورح للسوق ترى يالله يمديك

تحياتي لك فين تشتغل ؟

ابو طـــــلال · #42 16/09/2009, 05:37 AM

إقتباس

الرسالة الأصلية كتبت بواسطة هتلــ الزعيم ــر


	أبو طلال عآش من شآفك < مآت من شآفك من زمآن عنك يا أخونآ الصغير , من تآلي ماعآد تقولهآ شكلك أقتنعت أنك شآيب عسسسى أمورك تمآم , وأن شآء الله أنك بصحه وسلامه بخصوص الموضوع ماشريت أي شي , اللي عندي يكفي , وترهآ يوم وآحد أصلاً العيد في الوقت الحالي بالنسسبه لي يجي ويروح زي أي يوم , ألا في بعض الأشيآء البسيطه غير كذآ أحس أنهآ ماتسوى من يشتري ويتعب نفسسه علشآن العيد , لو أنك تبي تخطب ممكن أكشخ < يعني موب أكيد بخصوص خوآطر برنآمج رآئع على أني ماشفت منه الا حلقتين , لان وقته ماينآسب لي يعطيك العافيه يا أخونآ الكبير

غلطان ياهتلرووووه .. اغصب نفسك على فرحة العيد هذا عيد المسلمين .. لو عازمك هتلر كان لبست أزين ماعندك

وأبشرك انا بخير واموري طيبه دامني أشوف هالخشيشه

وماقصرت على تذكيري بأخونا الصغير تراني ناسيها .. مبطي ماكتبت موضوع ونسيت أدلع نفسي

المهم .. إنقز للسوق بكرا وعلمني بكم شريت .. إذا مهوب علشان العيد علشان موضوعي ياخي

مرحبمبم وعيدك مبارك مقدماً

ابو طـــــلال · #43 16/09/2009, 05:43 AM

إقتباس

الرسالة الأصلية كتبت بواسطة BLUE MAN 360


	للحين ماشريت شي :$ ولا افكر اشتري بعد , لاني يوم العيد ماقوم الا الظهر وبعد الظهر يمكن خخخ < لايصير هياط ذالكلام

مهوب هياط بس غلطان والله ... وخصوصا إنك ماتشتري لأنك ماتشوف احد وتتعايد مع هالمسلمين ...

ياخي أغصب نفسك .. حسس نفسك إنك بعيد ..

في أمريكا والدول المتغدمة .. قلهم بكرا عيد .. شف وش يسوون ..

واليابان قلهم بكرا فيه يوم ميلاد وإلا حفلة ... اليابانيات ليلة العيد يحنن روسهن وينقشن إيدينهم بالحناء ..

وأنت ياالمسلم ماتهتم بالعيد مع هالمسلمين ..

>> قايلكم متأثر بخواطر

تحياتي لك يابطل وعيدك مبارك قبل الزحمة وخصوصا إني يمكن مااشوفك دامك بتنوم

ابو طـــــلال · #44 16/09/2009, 05:46 AM

إقتباس

الرسالة الأصلية كتبت بواسطة هولاكو الزعيم


	والله كل شي غالي اللحين تقريبا صرفت 700 ريال .. لا بعد وانا اخذ ارخص شي ونعم الأقتصاد والله يعطيك العافيه

أنت تريد وانا أريد .. والله يفعل مايريد ..

بصراحة فيه إستغلال مو طبيعي عند أصحاب المحلات !! حسبي الله عليهم ..

عادي الواحد يكسب بس مو بهالطريقة ؟!

تقطعهن بالعافية جدي ..

sowaid · #45 16/09/2009, 05:48 AM

والله التكلفه الاجماليه طلعت مآبين الـ 400-600
يعني معقوول
ااما باالاآلاف سلامات
عواافي ابو طلو

لاعدمناااااااااااااكـ