انا ودي اشتري سياره سعره مايتعدا 30 الف عشاني
مبتدئ طبعا انا ابي مستعمل قير عادي وابي رايكم في الاكسنت
والاوبترا والنترا واليبيكا وش تنصحوني فيه حسب خبرتكم يازعماء وشكرا.........................

ولله يالغالي مادامك مبتدأ ولا انت راعي بر ولا شي

خذ لك انترا ولا ابيكا ولا اكسنت هاذي اللي بتنفع لك

ولا عليك بهايلكس ولله انه هو اللي يعطيك صح .!

اشتر لك هايلكس موديله في التسعينات 99-98 هذي افضل شي .. ييعطيك في الديرة وفي البر ولو تقدر تزود ها الثلاثين الف عشرين الف طق لك هايلكس 2009 ولا 2008 ..

هلا فيك

أنا معي سيارة أكسنت وببيعها إن شاء الله خلال شهر ونصف من الآن والقير

عايدي ياسينايدي ماشية 100009تقريبا
موديل 2005 اللون ابيض

ما فيها أي صدمة ولله الحمد سوى خدشات بسيطة جدا ولا صلحتهن لانهن ما يسوى تصليحهن والحمد الله طول الاربع سنوات الماضية أوقفها في البايكة ومضلة وبعيدة عن الشمس


ولاني راعي جلنطات الحمد الله لاني ما شريتها الا بعد ما دخلت الجامعة

60 ولا رد ارجوكم ساعدوني جزاكم الله خير

خذ كورلا 2004 فل كاامل او 2005

انا شفت كورلا 2006 فل كااامل قير عايدي فتحة سقف وكل مواصفاات الكويسه في المعارض 32 بس خساره راحت (الله يوفق الي شرها

خذ لك أكسنت او انترا ما شاءالله حلوه واقتصادية

تبي رايي خذ اكسنت لأن هي السياره الوحيده راح تحصل بالقيمه نظيفه
الكرولا راح تحصل منتهي عمره بالقيمه
الانترا اذا حصلت شكل موديل 2008 نظيف أفضل من الاكسنت لأن الانترا قبل اسبوع بيعت 2009 قير عادي بدون مواصفات العداد ماتعدا 9000 ب36500الف ريال
الهايلكس حسب طبيعت مدينتك لكن يمكن تحصل 2003 بالقيمه لكن منتهيه صلاحيته والنظيفه شله من راسك لأن قيمته فوق حقه

ابي رايكم في الاوبتر ياشباب وشكرا

تبي رأيي اجزم على الانترا واذا كانت اتوماتيك افضلولاتجزم الا انت مقتنع

شف خذ لك الانترا ولا الاكسنت

والله يوفقك

شف موتر الأخ دحام ،
أكيد راح يكون تحت الثلاثين بواجد بعد
طقطق عليه وتعلم لين الله ييسر لك وتغيره .


موفّــق ، وعليك بالاستخارة .