10/09/2009, 09:45 AM
|
| زعيــم جديــد | | تاريخ التسجيل: 07/09/2008
مشاركات: 3
| |
|
وش نقول وش نخلي
السلام عليكم ورحمة الله وبركاته
اولا نبارك للمنتخب البحريني بالفوز ونتمنى له التوفيق في مشواره للتاهل للمونديال
نتكلم عن منتخبنا السعودي ونقول للاسف يالاخضر خيبت الظن فيك وين فنك وابداعك داخل الملعب وحتى على ارضنا وبين جمهورنا ماشفنا الابداع وين راح زمان ماجد عبدالله ويوسف الثنيان وسامي الجابر وفؤاد انور وفهد المهلل لاعبين كانو بقاتلون بالملعب لاجل رفع السعوديه ناس كانو يحرثون الملعب بالاصرار والعزيمة ولكن للاسف اليوم لاعبينا مانشوف اي اصرار داخل الملعب اخ يالقهر ايام زمان
الان لاعبين منتخبنا يقولك عطني فلوس العب لك واجيب لك نتيجه الاعب الان اصبح همه الريال ولا يفكر يلعب لاجل الوطن الى متى يكون لاعبينا بهذي الحالة لا منتخب ولا انديه اصبحت تلعب لروح الفريق اكبر همه انه يبرز نفسه وياخذ الريال وهذا اكبر غلط
وبصراحه انا قلت الكلام هذا ولكن يجب ان اقول الحقيقه عن لاعبين المنتخب اللي حسيت فيهم لعب واصرار لاجل الوطن ناس كانو يلعبون من قلب اولهم الحارس الكبير المبدع وليد عبدالله لكن عنده نقطة ضعف بالكرات العرضيه وكان بامكانه التصدي للهدف الثاني لمنتخب البحرين ولكن ماقصرت ياوليد وبيض الله وجهك وثانيهم المدافع الصلب اسامة هوساوي (ابو كلبشه) هو اللاعب اللي حسيت انه يلعب من كل قلب للوطن الغالي علينا
لكن نروح لحسن معاذ النكبة العظيمة للمنتخب السعودي منتخبنا كان متقدم بهدفين والاخ حسن معاذ راح يهاجم مع مالك معاذ ليه يهاجم اصلا حنا متقدمين بهدف المفروض انه يكون متاخر عند الوسط ويخلص على الكور ونروح لحسين عبدالغني هذا اللاعب كان بامكانه منع الهدف التعادل للبحرين يعني لو انه واقف بجانب القائم الايسر لوليد عبدالله كان منع الهدف لكن الاخ كان يبي هجمه مرتدة وهو بالاصل مكانه تغطية الجهة اليسرى لكن وش نقول وش نخلي
وفي النهاية نسأل الله السلامة لنا ولكم ولا نقول الا لا حول ولا قوة الا بالله
الوضع لازم يتغير بلاعبينا بلا فلوس بلا هم |
الوضع العادي
