اولا هارد لك للمنتخب السعودي عدم التاهل

هذا المنتخب الوحيد اللي ما تحمست ولا توقعت انه يتاهل من اشرف بيسيروا على المنتخب ولكن غصب عني تحمست ولكن سمعت بالمجالس .. ولكن هذا تحليلي للمنتخب بالكامل مو اليوم بس من بدات التصفيات


1- الاتحاد السعودي وبصراحة معقولة قلت الاسماء التدريبية ما يعرفون يختارون مدرب ويخلونه على راحته ولا لقوا يختارون الا مدرب اقيل من تدريب الفريق الهلالي لاسباب منها انه اكبر جبان في التبديلات .. هل الاندية افضل من السعودية في اختيار المدربين ... وهل يوجد مدرب لا يحضر معه الا مساعد واحد وحتى الاعمى يدرك انه بسيرو راح يودي المنتخب بكارثة لكن لاحياة لمن تنادي وبالاخير لن نقيلة لانه ما خسر ولا مباراة رسمية سبحان الله ...


2- الاعلام السعودي ويا سلام على الاعلام السعودي اعلام انديه بكل ما تحملة الكلمة من معنى ولا خير في اطلق اعلامي وانا اقرا جميع ما يكتب من جميع الكتاب كل يغني على ليلاه وكلا يغني للاعبة المفضل ... وهجوم كاسح على المدرب ناصر الجوهر مع انهم جميعا يعلمون ان لاحول له ولا قوة ولكن مشيئة ربك اتت بمدرب وربي ان ناصر لجوهر افضل منه واللي يعارضني ما يفهم كووره ..

3- المدرب بسيرو وربي لو اجيب اصغر مشجع ولا مجنون انه يفوز على المنتخب البحريني في كلا المباراتين ولكن لا تعليق ولكن الشرهة مو عليه على اللي جابة وهو الاتحاد السعودي ممثلا بالرئيس ونائبة ومستشارية اللي عفى عليهم الزمن ..


4-اللاعبون السعوديين كل واحد يبحث عن مصلحته الشخصية وكل يبي يكون هو فارس التصفيات او هو المنقذ للكرة السعودية ... والكل لايريد احد يقدم له المشوره او النصيحة انا فاهم واعرف العب وشاهد المباراة وان تعرف ..

5- الجمهور السعودي سواء بالمنتديات او بالمجالس جمهور اندية ولاعبينها كلن يطبل لنجمه المفضل وكل جمهور يدافع عن لاعب ناديها وبالاخير ضاع المنتخب وضاع التاهل ....

اتحدى اي مشجع غير متعصب ويفهم كورة ان يقول لي ان مستوى ياسر القحطاني اللي يسجل من انصاف الكرة ومن ارباع الهجمة .. ؟؟

اتحدى اي مشجع فاهم يقولي هذا محمد نور اللي يقاتل على الكورة وبالموت تنقطع الكورة ..؟؟

اتحدى اي مشجع يقولي اذا حسين اللي يحترق ويعصب ويخترق هجوما ودفاعا ..؟؟

ولكن جمهورنا الغالبية منه فلان هزمنا ولثاني يقول لا فلان اللي هزمنا ..

اذا كنت تفهم كورة يا مشجع ان الفوز او الهزيمة يشارك فيها 14 لاعب مع المدرب هؤلاء هم الزبدة .. والباقين من جهاز مساعد وادرايين لهم دور بسيط ...

اذا ارتقى تفكيرنا وفكرنا ان هذا منتخب مو نادي وهذا الاعب يلعب بشعار المنتخب ولا مجال للمجاملات بعدها اقدر اقول عندي منتخب ويستاهل احضر له ...


:: خاتمة ::

يعطيكم العافية وما قصرتم وبيض الله وجيهكم يا (( وليد عبدالله - اسامة هوساوي - عبد الله شهيل ))