السلام عليكم يازعماء
اتكلم عن الموضوع على طول
اولا 00صرنا نتبنى فكرة اي شخص يكتب في هالمنتدى حتى لو كان مندس
اذكر اني شفت موضوع عن استغلال زين لنا كجمهور بالتصويت لأفضل فريق وافضل لاعب وانا متأكد بأن كثير من الاعضاء بعد ما شافوا الموضوع تراااجعوا عن التصويت صدقوني انهم يدخلون المنتدى ويحاولون يقنعونا ان هذا استغلال لنا وهو بالحقيقة انهم قاعدين يستفيدون من طيبة شعب الزعماء وبالحقيقة هم قاعدين يدعمون ناديهم تخيل لما كل اسبوع ندعم نادينا بمبلغ 150 الف ريال
انا اشوف من مدة وفيه اعضاء يقولون لو كان فيه حساب كان نتبرع من اجل تزود مداخيل النادي ((( طيب ))) بالتصويت بعد تزود مداخيل النادي صح او انا غلطان
احترامي للجميع

دعم النادي بالتصويت و150 الف كل اسبوع مربحه مررررررررة لنادي

وكل عنك الي يقول التصويت للنصر ومن ذا الكلام

بالعكس اخوي الجمهور صادق نبي قناة خاصة بالتصويت من موبايلي

ويروح 50% من دخلنا للنادي والجزء الار يوزع على اللاعبين وموبايلي

بكذا نفيد الفريق وخلي تصويت زبل (للزبل )

اصوت واخرتها ياخذها فقراوي عشان حسام بن سعود رئيس مجلس ادارة زين يخسون

بالعكس اخوي انا اشوف فيها دعم لخزينة النادي
مع اني اشوف مالها داعي للتصويت لان اللي يستحقها لن يحصل عليها والدليل الجولة الثاني

بالتوفيق للزعيم

إقتباس الرسالة الأصلية كتبت بواسطة heron76 بالعكس اخوي الجمهور صادق نبي قناة خاصة بالتصويت من موبايلي ويروح 50% من دخلنا للنادي والجزء الار يوزع على اللاعبين وموبايلي بكذا نفيد الفريق وخلي تصويت زبل (للزبل ) اصوت واخرتها ياخذها فقراوي عشان حسام بن سعود رئيس مجلس ادارة زين يخسون

أنا من الأساس فكرة التصويت لإختيار أفضل فريق أو لاعب ما دخلت راسي

واضح أنها فكرة تجااااارية بحته

لو أن القصد إختيار الأفضل وبيعدا عن الأمور التجارية
راح يكون إختيار الأفضلية عن طريق المدربين والنقاد والمحللين

لكن واااضح أن فيه ناس طيبة من قلب

لذلك أنا ضد التصويت عن طريق زين
وبعدين 150 ألف ماراح تفرق مع النادي شي كثير


ومثل ما قالو الأعضاء يكون تصويت خاص بنادي الهلال عن طريق موبايلي
وكذا نضمن أن الفلوس اللي تندفع للتصويت تروح منها نسبة كبيرة للنادي في كل جولة



تبقى وجهة نظر




تقبل مروري

الله يجزاك خيرشركة زين تلعب علينا الرساله الوحده بـ5 يعني لو التصويت مثل جائزة الرياضيه موبايلي كان قلنا معليش بس الرساله بـ5

أنا ماني ضد فكرة دعم الهلال لكن ضد إن شركة زين تضحك علينا

بعدين لاصوت وماأخذ فريقي أو لاعبي المفضل الجائزه أصير دعمت شركة زين ومااستفدت شي

لو كانو يبون مصلحة الكوره السعوديه كان حطوا جائزه لأفضل حكم بس هذي ماوراها دخل مادي

وتقبل مروري((سلطان القرعاوي))

إقتباس الرسالة الأصلية كتبت بواسطة I Love Sharapova بالعكس اخوي انا اشوف فيها دعم لخزينة النادي مع اني اشوف مالها داعي للتصويت لان اللي يستحقها لن يحصل عليها والدليل الجولة الثاني بالتوفيق للزعيم

صحيح كلامك !! ياغالي

والف شكر لك اخوي

وييييييييييييين يالحبيب تبي توت مع قيمات

وين الله يرحم والديك

خلنا نحسبها صح

لو صوت 200 الف مشجع هلالي
طبعا الي راح يصتون اكثر

الرسالة الواحدة سعرها بنقول ريالين

تطلع 400 الف ريال

طيب الحين وش استفدنا

الشركة اخذت 250 الف و زعيمنا 150 الف

وش رايك

ياخي والله الموضوع كله ربحي ما دروا عنك انت والهلال

خلهم يصوتون يصير فقرهم كل جولة ياخذ 150 الف
و شركة شين ( زين ) تاخذ الباقي

لو يفتحون حساب لتبرع لنادي افضل صدقني

إقتباس الرسالة الأصلية كتبت بواسطة صوت الزعماء وييييييييييييين يالحبيب تبي توت مع قيمات وين الله يرحم والديك خلنا نحسبها صح لو صوت 200 الف مشجع هلالي طبعا الي راح يصتون اكثر الرسالة الواحدة سعرها بنقول ريالين تطلع 400 الف ريال طيب الحين وش استفدنا الشركة اخذت 250 الف و زعيمنا 150 الف وش رايك ياخي والله الموضوع كله ربحي ما دروا عنك انت والهلال خلهم يصوتون يصير فقرهم كل جولة ياخذ 150 الف و شركة شين ( زين ) تاخذ الباقي لو يفتحون حساب لتبرع لنادي افضل صدقني

الرسالة ب10 ريال

وفي الاخير حسام يعطيها النصر فكونا منهم حنا مميزين في كل شي مالنا دخل

في غيرنا خلو زبل (للزبل )