الحمد لله من قبل ومن بعد ... اشتباهـ في اصابتي بـ الانفلونزا .. ابي حل !! - صفحة رقم 4 - نادي الهلال السعودي - شبكة الزعيم

Fahad Al Sudais · #1 02/09/2009, 01:44 PM

اجر وعافية يامحمد

احتسب هاليومين وصك على روحك بالغرفة وخذ العلاج

وبإذن الله ماقدامك الا العافية

واهم شي ( الدعاء ثم الدعاء ثم الدعاء )

ماتشوف شر

ريكيلمي · #2 02/09/2009, 02:11 PM

اللهم أنت الشافي و انت المعافي فاشفه و عافه

ما تشوف شر يا محمد .. إن شاء الله ما فيك الا العافية يا غالي .. مشكلة وسائل الإعلام ضخمت المرض عندنا بشكل خيالي
و لك أن تتخيل ان الاصابات اكثر من 3000 و الوفيات 13 بس .. يعني نسبة ما تذكر .. و اللي توفوا اما كبير في السن او فيهم من الامراض مالله به عليم
يعني ان شاء الله ما بيصير الا كل خير .. أنت غلطان يا محمد يوم تروح لمستشفى سلمان .. معروف انه من أسوء مستشفيات الرياض
أنصحك تروح لإسعاف التخصصي حالاً .. أول ما تدخل قل لهم انفلونزا الخنازير .. بيشيلونك سريع سريع و يتعاملون معك صح

شفاك الله و عافاك في هذا اليوم المبارك

leo messi · #3 02/09/2009, 02:16 PM

سلامة قلبك ياشييييييييييييييييييخ

طهور ان شاء الله .. ويمكن انها انفلونزا عاديه بعد بس ياخوي الوسوسة ذي بتودينا بداهيه

والله يامحمد اليوم الفجر اسأل طارق

اقول كلمت محمد

يقول قبل يومين كلمته بس ماطولت معه
مدري حسيت ان قلبي ناغزني .. قلت بس هو طيب اكيد ؟ قال اييييه الحمدلله

لأني من فترة ماشفتك هنا ...!

ان شاء الله انها بسيطه يابو حميد ... بس انت مثل ماقالوا لك اعزل نفسك والله الله بالمضاد
وبتروح لأنها مهيب قووويه مره بس انت .. لا تفكر فيها خذ لك مضاد وارتااااح وبعد
يومين ثلاثه بتطب ان شاء الله

ḾŎĤǍṀẠḊ · #4 02/09/2009, 02:24 PM

الله يشفيك وترى المرض يتعالج واعرف 3 من اقرباي جاهم وتعالجوا

والحين عادي وامس طالع مع واحد منهم اهم شي اعزل نفسك

واستخدم علاجهم واحرص على عصير البرتقال والاشياء الي فيها فيتامين سي

وان شاء الله تبشرنا هنا بشفائك

تحياتي

جرح يشكي · #5 02/09/2009, 02:38 PM

الحمد لله على كل حال

الله لا يوريكم مكروهـ ... انا ادري ان المرض موب ذيك الخطورهـ اللي كنا نتخيلها .. انا مؤمن باللي كاتبه علي ربي .. بس خايف اني انقل المرض الى اخواني الصغار .. خصوصاً ان الاهل رفضوا اني استأجر شقه واطلع من البيت .. الحمد لله على كل حال .. وما راح يصيبنا الا ما كتب الله لنا .

الغالي فياض والغالي هلالي موت .. المستشفى صرف لي العلاج اللي ذكرتوا اسمه ..

بس اتوقع ان الشركة تختلف لان مكتوب عليه flufly ( oseltamivir ( والحمد لله له تاثير بعد الله في استقرار حالتي .. الان الحراره طبيعيه والزكمه تحسنت شوي ..

شكراً لـكم .. فوالله الذي لا اله الا هو .. ان لـ كلماتكم تأثير في نفسيتي من هلع وخوف .. الى راحه واطمئنان وتوكل على الله .

اخووووكم

Rossi 999 · #6 02/09/2009, 03:16 PM

.
..

جرًح يشكِي / مآ تشوٌف شَر حبيبي ,

!
و لآ بأس طهٌور إن شاء الله .. انتبه على نفسُك

رنـــــد · #7 02/09/2009, 03:39 PM

.

.

مآتشوف شر جرح

وأن شاء الله تعدي على خير بس ابعد عن الوسوسه

أهم شي ماتكون مصاب بـ أمراض مزمنه ( قلب ضغط سكر ..الخ )

أسأل الله العظيم رب العرش العظيم أن يشفيك ويمدك بالصحه والعافيه

ونسآل المولي آن يبعـد هذه الشوآئب والآمرآض عن بلآدنآ وبلآد المسلمين

.

.

شوق الكويت · #8 02/09/2009, 04:01 PM

سلامات ماتشوف شر اخوي طهووور ان شاءالله ...

الـمـشـاغـب · #9 02/09/2009, 04:01 PM

على طاري انفلونزا الخنازير ..
بعد ما تسحرت وغسلت يدي .. كنت رايح لفراش الزوجية

في طريقي شفت أختي الصغيرة 8 سنين تبكي وماسكة بطنها ..
جيت عندها وسألتها وش فيها وصاحت ما ردت علي .. سألت أختي الثانية 6 سنين
وقالت وهي تضحك : بطنها يوجعها ..!
قلت طيب حصل خير قومي كلي زبادي .. لكنها صاحت أكثر

سألتها وش فيها
قالت : يقولون ان اللي يوجعني ببطني انفلونزا الخنازير

قلت : من اللي قال لك كذا؟ قالت : روان << أم الـ 6 سنين

شوفوا اللعانة .. أنا بس ودي أعرف من وين جايبة اللعانة هذي

ايوه نجي لحضرتك مستر محمد حبيب الكل

يا صديقي لا تخاف .. انفلونزا الخنازير يؤثر أكثر شي في الناس المرضى بالقلب أو السكر أو اللي مناعتهم ضعيفة ..!
أنت ما شاء الله عليك عير متعافي ما عليك خوف

بالنسبة للحرارة اسمع نصيحتي وجربها .. حط فوقك ثلاث بطانيات غليظة وحاول تنام تحتها أقل شي 3 ساعات .. خل جسمك يطلع العرق كله عشان تروح الحرارة ..!

على العموم .. لا بأس طهور إن شاء الله .. سواء كان انفلونزا الخنازير أو غيرها الأمر سهل

~ أسيرة الأزرق ~ · #10 02/09/2009, 04:40 PM

هلا بك محمد
ما تشوف شر أجر وعافيه طهور باذن الله

لا تخاف باذن الله ةبعد محافظتك على نفسك ما بتضرك انا اخوي وصديقه كلهم جاهم المرض وتعافوا من قبل لا تطلع نتايج التحاليل من مستشفياتنا البايخه

بس اهم شي انك تزيد من مناعة جسم بحيث انك تكثر شرب العصيرات الطبيعيه وخصوصا البرتقال لان فيه فيتامين سي ويزيد من مقاومة جسمك للمرض
اما بالنسبه لاخوانك عليك انك تتجنب ملامستهم وما تخالطهم باغراضهم وبالاكل برضه ولازم تكون عليك الكماكه وخصوصا لما تعطس او تكح
وباذن الله ما بيجيهم شي

لا باس عليك

عسيريه · #11 02/09/2009, 05:21 PM

.

.

مانملك لك الا الدعاء ياجرح
الله يشفيك ويعافيك ويخليك لأهلك ,

أهم شي طمنـّا , وماقدامك الا العافيه بإذن الله

A.K.N 505 · #12 02/09/2009, 05:42 PM

أسأل الله الكريم أن يشفيك و يطمئن قلبك .
طهور إن شاء الله .

LM-10 · #13 02/09/2009, 05:49 PM

مــآآتشوف شر والله يشفيك

-------------------------

ابو طـــــلال · #14 02/09/2009, 05:51 PM

هذا أنت العاقل تقول هالكلام يابو حميد .. وش خليت للناس الجاهلة !!

لاتوسوس وإتكل على الله ترى الموضوع والمرض إذا كبرته ( كبر ) وإن صغرته ( صغر )

لنفرض أسواء الإحتمالات إنك لاقدر الله مصاب بالفايروس ..!! طيب ليه تجزع !؟ طالما له علاج وعلاجة مضمون بحول الله وقوته وماياخذ أسبوع بالكثير بعد العزل ..

إحمد ربك على كل حال وهذا إبتلاء برمضان .. المهم إعزل نفسك كان عندك ( بزران ) او كبار بالسن عندهم أمراض مزمنه مثل الربو ومرضى السكر .. هذولا اللى عليهم خوف من الفايروس ..

أما انت ماقدامك إلا العافية وطهور إن شاء الله .. هذا على إعتبار انه الفايروس عندك ..

لكن بأذن الله إنك تتحسن هاليومين الجاية وتتذكر هالكلام !!

قبل سنة جتني حرارة والله ومن غي ر مبالغة ثلاثة أسابيع ورى بعض .. توصل أربعين !! مالقيت لها ولا حل !!! تحاليل وأشعة .. وإشتباه بالحمى المالطية .. واللى يقول عندك فايروس مدري وشو .. وثلاث أسابيع وانا لا حي ولا ميت .. وسبحان الله بعد هالثلاث أسابيع قمت من النوم وأشعر بتحسن ماصدقت على الله تروشت وطلعت شف الناس وانا طيب ياربي لك الحمد ...

الوسوسه مهيب زينة .. الإتكال على الله .. والدعاء بالعافية ... وأنصحك ( بالعسل ) الدوعاني الأصلي .. وترى عندي بس متى أشوفك ؟! علمني وينك فيه ويجيك بتشوف فيه مكتوب على العلبة ( الله يجعلة شفاء لك يابو طلال ) جاني من واحد الله يجزاه خير من اليمن .. بس ماابالغ لو أقولك إني تعا فيت من هالعسل بعد الله سبحانة ..

طمنا عنك ابو حميد وماقدامك إلا العافية

اخوك الصغير ابو طلال

мя.ħάίţħάм · #15 02/09/2009, 05:57 PM

أسأل الله ان يعافيك و يشفيك و يارب مايكون فيك شئ
اما المستشفيات حسبي الله عليهم