#1  
قديم 01/09/2009, 08:14 AM
زعيــم مميــز
تاريخ التسجيل: 02/05/2009
المكان: .
مشاركات: 5,360
Talking انا مسيحية - قصة تموت من الضحك

في احد ايام رمضان المبارك كنت ماخذة اجازة من الصيام,و خلصت صلاة الفجر ..وذهبوا افراد العائلة كلٌ إلى مرقده كما أعتقدت
هم راحوا لغرفهم من هينا ..وانا انطلقت للمطبخ من هيناك
أخذت لي فيمتو و شبس و طلعت لغرفة التلفزيون مبتهجة

وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو
الا وينفتح الباب واشوف وجه كذا >>>>>>>>>>>

ويطلع أخوي " يونس " -طالب في المرحلة المتوسطة يميل الى الامتلاء يملك عيون عسلية و حواجب كحلية - كان يونس في أشد الدهشة والانبهار والتعجب حتى ظننت انه قد يموت بسكتتن قلبية

يونس : ماصمتييييييييييييي !!!!!!!

أنا وفي يدي كأس مليء بالثلج وكيس شبس كبر وجه أخوي يونس : ليه أنت صايم ؟؟

يونس : وجع ..من جدك تسألين هالسؤال ؟

أنا بكل ثقة وبجاحة: والله انت بعد سألني نفس السؤال

يونس: والله انتي اللي جالسة تبلعين وتشربين موب انا

ممممممم شفت الولد ماعنده نية يفهم ,استوعبت انه يااما انه كان غايب في درس الفقه منهج سادس ابتدائي ..يااما ان مدرسهم طمر الدرس , ولا وش ذا الدلاخة

ومافيه مجال أصير ناسيه وأنا مجهزة العدة,كاس ثلج وسترو ومنقيه الشبس اللي أبيه

المهم قلت في نفسي والله لو يموت مااعلمه انا عن ذا العلوم..مو لهالدرجة انا وسيعة صدر
فما كان مني الا اني فجأة قلت له

: اسمع بقولك سر بس بذمتك لايدرون امي وابوي ولا احد ,أوعدني ماتعلم احد وانك تحفظ سري هذا لين أموت.. ان مت علم اهلي ,عاد خلاص مايقدرون يسوون لي شي


واللللللللللللللللللللللللللله ماأقول لأحد ..اقسم بايات الله وبالقران والكعبة وجعلي اموت اني مااقول لااحد اذا علمتيني < خرجت هذه الكلمات من أخي يونس بحماس مشبع بالسعابيل المتناثرة التي لامست وجهي


:أجل شف بصراحة أنا مسيحيــــــــة

:لا والله !! قولي قسم بالله


:انا مسيحية ولا أقدر أحلف لان ديني غيركم < عشت الدور على طول
بس بقولك القصة يمكن تخف روعتك شوي
وتقدر تتفهمني و تحتويني وتحتضني (حسيتني بخرب الولد)


القصة ومافيها .. أني انا يوم كنت صغيرة ,ترى أهلي ماكانوا مهتمين فيني زيك, كانوا بس يخلوني
عند التلفزيون ويروحون يتمشون..تعرف انا اول طفل لهم وامي وابوي كانوا توهم صغار وطايشين
و طفرانين ببعض وانا حسوني دخيلة بينهم
ماادري ليه جابوني بسرعة اذا هم مايبغوني
فجأة شفت عبرة خنقت يونس ذو القلب الكبير وهو يتابع بصمت وفضول وغباء

طيب ليش أجل تلبسين عبااااااية !! وانتي منتيب زينا < قاطعني أخي يونس بكل دلاخة

رديت بنفس النبرة الكسيرة : حتى الفلبينيات يلبسون عباية..انا كنت البسها زيهم احسبها يونيفورم لسعوديات

ورجع من جديد بسؤال أذكى قليلا من السابق : طيب ماعلموك المدرسة الاسلام ؟!!!

:لا كنت أنام في الحصص وفي الاختبارات أغش

واستطرد في القصة..فلما كبرت وجيت أنت ..حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر ..حط لي نت وقال لي هذا لك
اما هذا لنا "مشيرا بأصبعه المشعر إليك " وخذوك معاهم ورحتوا تتمشون


يونس >


المهم صرت أحس فيه سر لازم أعرفه وصرت أدور في هالنت و انتشر هنا وهناك واتبعثر واتبخر واتكور الى ان أخذتني رياح الأقدار الى امراءة تدعى الأم تيريزا

وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت

بعدها صرت أحبها واسميها ماما ..ومع الوقت علمتني المسيحية وقالت اعتنقيها ياابنتي
واعتنقتها وأهلي مايدرون وللحين مايدرون


يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معاي
صمت لبرهة وبرهات وفجأة قال
: طيب ماتفكرين تسلمين ؟


لا أخفيكم سرا ..جتني ضحكة كبيرررررررررررة الا أني بلعتها لدرجه صبت دموعي وسويت نفسي أبكي,قلت له بصوت مخنوق : بس ماأعرفه ..أنا ماأعرف في هالحياة الا أمي تيريزا

داخ راسي من كثر الخرط عليه وجاني النوم ..قمت وعطيته كاسي بعد ماشربته كله وقلت خذ رجعه للمطبخ أنا تعبت من الصياح بروح أنام

@#$%#@#$%@#$%@#$%@


جاء يوم غد ..وفجأة أسمع شي يخربش تحت باب غرفتي ..حامت كبدي حسبته صارور ..قمت ابشوف مادريت الا كتيب ديني يندعس تحت الباب

واشوف ..الا عنوانه Islam ???!!

وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوة

هههههههههههههههههههههههههههههههههه ياانا ضحكت ضحكة بغت تنكسر شبابيك غرفتي
خلاص معد استحمل ,هالولد تحفة لازم تنحط في متحف اللوفر ,لعنبوا بليسه وش ذا المخ

طيب يوم انك بتدعوني ليه جايب لي كتاب دعوة بالانجليزي ,شايفني شغالة ,على باله يوم صرت مسيحية معد افهم عربي ,ماادري ذا الولد مخه وين


المهم انا عقب هالضحكة نسيت الكذبة ,ولهيت بمشاغل الحياة < مشكلة البزي ومن

ومر كم يوم , وصدفت ان يونس مر جنب غرفتي وانا لابسة جلالي وأصلي,وأنا أسجد
مادريت الا بصوت رجول تراكض متجه نحوي ,واجلس من السجود الا ويونس يصيح ويحب راسي

أنا خلااااااص بفطس من الضحك ,يالله كملت التشهد وسلمت ,الا وياخذني بالاحضان يونس صاحب القلب الكبير

الحمداللللللللله أسلمتي ,الحمداللللللللله أسلمتي

ودموعه تتقاطر على كتفي ( ياكثر مايوصخني ذا الولد يابتفال يابدموع ..الله يصبرني )
بس والله رحمته جاني الصياح صدق ,ماأدري هو أن عشت الدور ولا صياحه صيحني

ويمر أبوي قدام هالمشهد التراجيدي وينهبل
وجععععععع خير انهبلتوا ..وش صاير

ويونس من هول سعادته كب العفش والعشا والقش كله


بنتك أسللللللللللمت أسلللللللمت


وللأسف انجلدت بعدها بس عادي التعب عادي مايجي شي عند هالخرطة اللي كبر حمار ومشت على يونس الفتى صاحب القلب الكبير هو و كتيبه الدعوي ببروزه عندي و اهدده فيه اذا استبثر علي في المستقبل




وكل رمضان وأنتو صايمين

منقول من بريدي

اخر تعديل كان بواسطة » مجنونة يـآسر في يوم » 01/09/2009 عند الساعة » 08:35 AM
اضافة رد مع اقتباس
  #2  
قديم 01/09/2009, 08:22 AM
زعيــم مميــز
تاريخ التسجيل: 07/05/2008
المكان: مـدري علآم ( الريآض ) اليوم مرتبكه
مشاركات: 3,519
هههههههههههههههههههههههههههههههههههههههههههههههههههههههههه


انفضخ قلبي من الضحك على يونس اووووم البراءه اللى عنده ,,,

بس تدرين لو فعلا القصه لك كان اول من انبرش عليك انا ,,,

احسك تقدرين تخربين بلد ياام تريزا خخخخخخخخخخخخخخخخخخخخ
اضافة رد مع اقتباس
  #3  
قديم 01/09/2009, 08:25 AM
زعيــم مميــز
تاريخ التسجيل: 02/05/2009
المكان: .
مشاركات: 5,360
^^

ههههههههههههههههههههههههههههههه ، قلبه قلب عصفور ابيض

شكراً على المرور
اضافة رد مع اقتباس
  #4  
قديم 01/09/2009, 08:29 AM
زعيــم نشيــط
تاريخ التسجيل: 12/07/2008
مشاركات: 574
هههههههههههههههههههه

والله دوريني ماتلقيني من الظحك

ربي يسعدك يارب
اضافة رد مع اقتباس
  #5  
قديم 01/09/2009, 08:31 AM
الصورة الرمزية الخاصة بـ بسآم الشمري
زعيــم فعــال
تاريخ التسجيل: 17/08/2007
مشاركات: 249
ههههههههههههههههههههههههههههههههههههههههههههههههههههااي
ههههههههههههههههههههههههههههههههههههههههههههههههههههااي

آضحك الله خشــتك مجنونه .. عز الله صحيح مجنووونه


بس من جد مسكين يونس .. حبيت هالولد ..

يعني الولد يتفهم حط لك كتاب عن الاسلام باللغه الانقليزيه ..

ياعيني عليه مثقف هالولد ...


يسلمو على القصه يا مجنونه ..

دمتي بخير .
اضافة رد مع اقتباس
  #6  
قديم 01/09/2009, 08:32 AM
زعيــم فعــال
تاريخ التسجيل: 01/05/2009
مشاركات: 355
هههههههههههههههههههههههههههههههههههههه

اما بنتك اسلمت لا والكتاب بالانجليزي بعد

روووووووووووووووووووووووووووووووعه القصه تسلمين

تحياتي وتقبلي مروووري
اضافة رد مع اقتباس
  #7  
قديم 01/09/2009, 08:38 AM
زعيــم مميــز
تاريخ التسجيل: 02/05/2009
المكان: .
مشاركات: 5,360
إقتباس
الرسالة الأصلية كتبت بواسطة شيهانه شمر
هههههههههههههههههههه

والله دوريني ماتلقيني من الظحك

ربي يسعدك يارب

ههههههههههههههه دوم الضحكة يارب

ويآك

إقتباس
الرسالة الأصلية كتبت بواسطة الجناازه
ههههههههههههههههههههههههههههههههههههههههههههههههههههااي
ههههههههههههههههههههههههههههههههههههههههههههههههههههااي

آضحك الله خشــتك مجنونه .. عز الله صحيح مجنووونه


بس من جد مسكين يونس .. حبيت هالولد ..

يعني الولد يتفهم حط لك كتاب عن الاسلام باللغه الانقليزيه ..

ياعيني عليه مثقف هالولد ...


يسلمو على القصه يا مجنونه ..

دمتي بخير .

هههههههههههههههههه ، العفوووووو

إقتباس
الرسالة الأصلية كتبت بواسطة Ro0o7 Ro0o7i
هههههههههههههههههههههههههههههههههههههه

اما بنتك اسلمت لا والكتاب بالانجليزي بعد

روووووووووووووووووووووووووووووووعه القصه تسلمين

تحياتي وتقبلي مروووري

ههههههههههههههههههههههههههههههههههههه

كان فيه علم السعودية يرفرف معطي جوو يوم يقول ( بنت اسلمت )

لكن ما طلع

شكرا ع المرور
اضافة رد مع اقتباس
  #8  
قديم 01/09/2009, 08:48 AM
الصورة الرمزية الخاصة بـ همس الحراااير
زعيــم مميــز
تاريخ التسجيل: 05/08/2008
المكان: الموج الأزرق
مشاركات: 4,137
هههههههههههههههههههه والله مسكين يحزن
اضافة رد مع اقتباس
  #9  
قديم 01/09/2009, 08:57 AM
زعيــم مميــز
تاريخ التسجيل: 02/05/2009
المكان: .
مشاركات: 5,360
^^

هههههههههههه << هذا المستخدم للحين قاعد يضحك

مشكورة ع المرور ..
اضافة رد مع اقتباس
  #10  
قديم 01/09/2009, 09:02 AM
الصورة الرمزية الخاصة بـ إحساس خالد
زعيــم مميــز
تاريخ التسجيل: 02/08/2007
المكان: عاصمه الكآبه & بلاد العم سام
مشاركات: 3,811
ههههههههههه

والله حبيته عن جد

بس كيف دلع يونس ((يستاهل الدلع))...

//


اممم قبل لا انسى

فيه اسقاطات حلوه بموضوعك

اهمها العيال قلوبهم بيضاء

الله يحرسهم ويخليهم


’،

وسعتي صدري الله يوسعك صدرك بالعافيه

ابو عسل
اضافة رد مع اقتباس
  #11  
قديم 01/09/2009, 09:30 AM
زعيــم مميــز
تاريخ التسجيل: 02/05/2009
المكان: .
مشاركات: 5,360
^^

ههههههههههههههههههه

مشكور خيو على المرور ^^...
اضافة رد مع اقتباس
  #12  
قديم 01/09/2009, 10:29 AM
الصورة الرمزية الخاصة بـ 20 الكاسر ياسر 20
زعيــم مميــز
تاريخ التسجيل: 11/11/2007
المكان: Here And There !!
مشاركات: 14,060
هههههههه والله اني حبيته يونس ذا
بس والله صدَّق السالفه من جد

الف شكر

اضافة رد مع اقتباس
  #13  
قديم 01/09/2009, 11:40 AM
الصورة الرمزية الخاصة بـ دمي ازرق واحب الابيض
زعيــم مميــز
تاريخ التسجيل: 26/08/2007
مشاركات: 2,804
ههههههههههههههههههههههههههه...ألخ

ترا ماهمتني القصه كثر ماهمني الفيمتو مع الثلج والشيبس

اوما يونس يخرب بيته سبيكه

مسوي ان اسلم على يده ناس


يعطيك العافيه
اضافة رد مع اقتباس
  #14  
قديم 01/09/2009, 12:26 PM
زعيــم فعــال
تاريخ التسجيل: 02/05/2008
المكان: الرياض
مشاركات: 452
هههههههههههههههههههههههههههههههههههههههههههههههههههههههههههههههههههه

بصراحه من زمان ماضحكت زي كذا مشكووووووره ويعطيك العافيه القصه قمة في الضحك والروعه

بس صراحه اكثر شيء ضحكت عليه مثل ماقالوا الاعضاء كتاب بالانجليزي من جد شغاله يحليله من جد قمة البراءه ولا بنتك اسلمت انا بغيت اصيح رحمته

ههههههههههههههههههههههه

رغم اني بصراحه ماعجبني في البدايه يوم قالت انا مسيحيه اذا كانت القصه حقيقيه لان يعني مو زين الواحد انه يقول مثل كذا والله اعلم بس تضل القصه حيييل تفطس من الضحك

ربي يسعدك ويضحكك مثل ماضحكتيني والمسلمين جميعا قولي امين
اضافة رد مع اقتباس
  #15  
قديم 01/09/2009, 12:37 PM
زعيــم متواصــل
تاريخ التسجيل: 08/03/2007
المكان: في قلب الهلالييييين
مشاركات: 79
هههههههههههههههههههههههههههههههههههههههههههههه

ياقلبي على يونس .. مصدق السالفه ..

احلى بارت بالقصه يووم يعطيها كتاب الاسلام بالانقلش ...


مادري ليه حسيتها شغاله هههههههههههههههههههههه

وربي خطيــــره القصه ..

اضحك الله سنك ..

يسلموو عالقصه ..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 08:10 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube