والله ماودي انزل الموضوع , لكن من القهر اللي عايش فيه
داري الكثير تطرق لموضوع STC والعيشة القرف اللي نعاني معهم فيها
هذي المشكلة ماهي لي بالحالي , سالت أكثر من واحد في الحارة وقال عنده نفس المشكلة , والظاهر والله العالم إن المشكلة عند المشتركين كل أبوهم
هذي خدمة تقدم للمشتركين ؟! قسم بالله تبطل تفتح النت , تبي تفتح الزعيم يجلس معك حوالي الدقيقة وأكثر على ما تكتمل الصفحه , وهذا طبعا بدون الصورة اللي في الواجهه وإن كنت بايعها وتبي تشوفها بالغصب , فالله لا يهينك انتظرخمس دقايق على ما تتحمل الصورة , على إيش مسمينه DSL ؟!
لما أحمل حلقات خواطر , الحلقة الوحده يبي لها حوالي الساعتين , وهو مساحته ما تتعدى 30 ميقا تبي تفتح الـ YOUTUBE , إحلم إن المقطع يتكمل قبل شوي كنت فاتح على الـ YOUTUBE وابي أشوف المقطع حق هتلر مع الإتصالات السعودية سمعت إنها جامده بحق الإتصالات , شغلته ورحت حوالي لنص ساعه ولما رجعت وإلا هو ماتعدى 40 ثانيه !!!
بالله عليكم ذي عيشة نعيشها ؟!
واليوم قفلت معي , وقلنا لازم نشوف حل معهم , طبعا دقيت عليهم وبكل حفاوة وترحيب مثل العادة , تنتظر 10 دقايق وانت تسمع نصب الإتصالات المستمر , مره الكنترول يقول لك اشترك بجود , والثانية اشترك واحصل على سرعه 20 ميقا , والله وأنا داري إنهم كلهم على بعضهم " سواليف " , المهم بعد ما تشرف حضرة سموه ورد , وشوي يطلع من السماعه بيضربني , قلت له شف لنا حل !! قال انت وش مودمك ؟؟ قلت له لينكسس , قال ما سمعت الكنترول وش قال ؟! قلت له إيه سمعت , لكن نحن مشتركين فوق السنتين والوضع ماشي زي اللوز , الحين تجي تقول لي المودم !! , وبعدين سألني : انت سرعتك 512 ؟! قلت له سرعتي 256 , وأنتم أصلا معطيني 128 - طبعا تأكدت من السرعه من موقع Speed Test , وبعدين مدري صلّح من عنده وفصل النت عندي وبعد 10 دقايق تقريبا , قال لي / خلاص الحين الوضع بيمشي ميه ميه , وإن إستمرت المشكله فرمت المودم وطبعا أنا صدقت , وفرحان وجيت شغلت الجهاز ولا الوضع ما تغير نفس ما هو !! فرمت المودم زي ما قال , الوضع على ماهو عليه , طفيته وطلعت برى البيت , ورجعت له بعد نص ساعه , ومافي اي فايدة
إيش الحل ؟! وطبعا الوالد - الله يحفظه - له فتره ويقول لي ترى فاتورة التلفون تطلع واجده , ماهي على العادة , وانا ألف الموضوع وأمشيها , وهذا نحن مشتركين DSL عادي , والبطاقات انا أجيبها , والتكلفه حق النت 100 ريال على حسب كلامهم - طبعا اللي كله نصب - والفاتورة حق التلفون تطلع 400 !!! , وما في أحد يكلم بالتلفون إلا نادر جدا كيف جت 400 ؟! الله وحده يعلم !!
وهذي كم صورة لقطها لكم /
هذي سرعتي على حسب موقع Speed Test :
وهذي سرعة البطاقة /
وهذي معاناتي مع التحميل :
والمشكلة الأكبر / اليوم بعد المغرب تقريبا إكتشفت فيه حبه بيضاء في فمي جنب ( الحنجرة أو البلعوم ) , المهم ... بما إني أخوي دكتور أسنان - اللي يبي وصف العيادة ع الخاص لو سمحتوا - رحت سألته , والطامه الكبرى صارت ذي الحبه تجي للي عندهم ضغط نفسي او اللي يفكرون واجد او اللي مبتشلين بـ STC يعني اي واحد مشترك مع STC وجاء له اي مرض فلا يشيل هم مسألة وقت بس
وفي الختام اقول لكم :
حان وقت الهجرة إلى " قو " تدرون ليه ؟! لأن بعد بحوثات طويلة إكتشتفت إن في الحي عندنا مركبين برجين للتغطيه واحد قدامنا , وواحد في الحارة اللي ورانا ولد جيرانا مشترك بـ " جو " , ويقول إنه عندهم النت سريييييع وأهم شيء بدون تقطيع الـ YOUTUBE يشوفه بدون تحميل , ونحن ننتظر وحوسة إلين ما يكتمل شوي عشان نشوف طبعا هذا أول , الحين ما تشوف شيء ابد
.
الموضوع والله من القهر اللي فيني وأتمنى إني ما ثقلت عليكم
وعليكم السلام والرحمممه , هلا السلطآن عآش من شآفك قبل كل شي ...
إقتباس
وابي أشوف المقطع حق هتلر
هذآ أنا قدآمك تمقل فيني لين تمل .. , بالنسسبه للموضوع اللي أعرفه أن شركة الأتصالات رآيحه في رجلهآ , بالنسبه للنت ماأدري بس الجوال الحين أغلب اللي أعرفهم تجيهم فوآتير ومبآلغ خياليه مايدرون من وين جت , وأقرب مثال وآحد من اللي أعرفهم يقول مسدد جوالي من أسبوعين , وفآتورتي الأن ألف وشوي ..! المشكله أنه مايكلم وأغلب اللي أعرفهم نفس مشكلته أنا قسم بالله لي تقريباً حوالي خمس شهور ماجتني فآتوره ولا سددت ولا ريال أتصلت عليهم يقولون غير مفوتر 134 , والمبالغ المسدده 900 وشوي ..! المشكله ماسددت لهم ولا ريال وجوالي مفتوح مافصلوه ولا شي [ طبعاً مافيه أحد سدد الفآتوره , بس النظآم عندهم أنتهى ] أللي أعرفه أن أخوي يشتغل في الأتصالات ومن فتره كآن يقول أن فيه برنآمج مدخله وآحد عليهم بـ 100 مليون , والبرنآمج خربآن ولعب في النظآم عندهم , المهم أن الأتصالات من جفره لدحديره , وكل وآحد يشيك على فآتورته , ويحول موبايلي الا أنا منيب محول دآمهم يسددون عني الله يجزآهم خير , بكره بعد عندي أختبآر , وهالأورآق على يسآري ولا أقدر أفتح منهم شي ماأقول الا الله يعيييين السلطآن يعطيك العافيه ياكويس
إيش الحل ؟! وطبعا الوالد - الله يحفظه - له فتره ويقول لي ترى فاتورة التلفون تطلع واجده , ماهي على العادة , وانا ألف الموضوع وأمشيها , وهذا نحن مشتركين DSL عادي , والبطاقات انا أجيبها , والتكلفه حق النت 100 ريال على حسب كلامهم - طبعا اللي كله نصب - والفاتورة حق التلفون تطلع 400 !!! , وما في أحد يكلم بالتلفون إلا نادر جدا كيف جت 400 ؟! الله وحده يعلم !!
اذا انت زعلان على 400 كيف جات
فأنا فاتورتي ترا 2200 وعليها والخط مخصص للـ dsl
الاتصالات علمتنا شي واحد وهو "الصبر "
مًاشاء الله كُثرْت مواضيُع الُهجوم على " الانفصالاات السعودية " ..
اللهم زد وبآرك يارب !
والله أنا مُنْ آلُنآس اللي يُعاني من آفاق شُآمل Dsl ,
كلُ ساعة وربمُا كل نص ساعة [ يُقطع علّي الأتصِآلْ ] !!
قسم بالله يآهي شركة ترفع الضغط وتجيب كل أنوآع الأمرآض وكل شي ..
تكون مندمج بالسوآلف شوي والا طالع لك .. ( أنت بحآجة الى تسجيل الدخول لإستلام الرسآئل)
وعلى هالحآله كل شوي يفصل وانت مآعندك شغله إلآ تصبر وتنتظر متى يرحمونك
ويرجع الإتصآل مرهـ ثآنيه ..
وأحيآن ينقطع الإتصآل يوم كآمل ..
شي يفقع المرآرهـ صرآحه .. مآ الومك يومك نزلت موضوع علشآنهم ..
ويآليت إذآ دقيت عليهم يعبرونكـ ويردون بسرعه
قال ايش قال مشغولين .. أحس أنهم بآسطين ويشربون شآهي مع فصفص ..!
الله يعينآ الدول الثآنيه متطورهـ ولآ بعد بعض الدول النت عندهم بالمجآن ..
وإحنآ عآيشين نتشحت من هالإتصآلآت بفلوسنآ ..
طيب دآمها موب عاجبتكم الخدمه عندك موبايلي ليه ما تحول لها؟
لآزم تنتقد يعني؟
طيب يالله رح انت وياه استلمو قيادة الشركه و سرعو النت على العالم
اعذروني على الصرآحه لكن هذا يدل على غباوة "بعض" الشعب السعودي طيب ياخي دامك متضرر من الخدمه و يقطع معك و كذا ليه ما تغير لا تروح تجدد و انت عارف انه بيقطع ثمن تجي تنتقد ياخي حرام عليكم الناس هناك تشتغل ليل نهار
ترى الشعب السعودي موب قليل ولا مستعملي النت ترى موب قليل و الاتصالات ترى ما يقصرون
عوافي أخوي .. شوف الاتصالات والله ما يبيلهم الا العين الحمراء .. قبل فترة انقطع النت أسبوع وشوي تقريباً .. احتسنا واشترينا مودم جديد وخمسمية ألف بطاقة اشتراك سعودي نت وأول نت والنتيجة [ مــــافي اتــصال ] طلعت المشكلة أن بطاقات سعودي نت وأول نت ماتشتغل في حارتنا المهم قدمنا خمس شكاوي عليهم وبالادلة الدامغة والحمدالله عوضونا عن قيمة البطاقات اللي ماتشتغل وقيمة المودم الجديد > الزبدة أي اعتراض ع خدمة النت ارسلوا الشكوى لنفس الرقم حقهم والله ناسيته المهم عندهم رقم فاكس للشكاوي انشبوا لهم بالفاكسات والاتصالات وهددوا بالفضايح في الجُرنان
إقتباس
والمشكلة الأكبر / اليوم بعد المغرب تقريبا إكتشفت فيه حبه بيضاء في فمي جنب ( الحنجرة أو البلعوم ) , المهم ... بما إني أخوي دكتور أسنان - اللي يبي وصف العيادة ع الخاص لو سمحتوا - رحت سألته , والطامه الكبرى صارت ذي الحبه تجي للي عندهم ضغط نفسي او اللي يفكرون واجد او اللي مبتشلين بـ STC يعني اي واحد مشترك مع STC وجاء له اي مرض فلا يشيل هم مسألة وقت بس
امااااا , جد هالمعلومة ؟؟؟!
لا هنت والله يريحنا من خدمات الانفصالات الفايف ستار
والمشكلة الأكبر / اليوم بعد المغرب تقريبا إكتشفت فيه حبه بيضاء في فمي جنب ( الحنجرة أو البلعوم ) , المهم ... بما إني أخوي دكتور أسنان - اللي يبي وصف العيادة ع الخاص لو سمحتوا - رحت سألته , والطامه الكبرى صارت ذي الحبه تجي للي عندهم ضغط نفسي او اللي يفكرون واجد او اللي مبتشلين بـ STC يعني اي واحد مشترك مع STC وجاء له اي مرض فلا يشيل هم مسألة وقت بس
هي وقفت على حبة بيضاء ..!
أنا قايلهـ اذا مت ناقصهـ عمر فهو بسبب الاتصالات
هو قولون والا ضغط يرتفع والا والا والا
الحين وانا فاتحه الصفحه برد قفل الاتصال معي مرتين
ومن زود الحماس فتحت هالدعايه الي فوق حقت موبايلي
بشوف عن مودمهم هذا اذا كان وضعه تمام بشتريه اجربه
STC ... حياة " تجيب الهم " 
وإن كنت بايعها وتبي تشوفها بالغصب , فالله لا يهينك انتظرخمس دقايق على ما تتحمل الصورة , على إيش مسمينه DSL ؟! 
قبل شوي كنت فاتح على الـ YOUTUBE وابي أشوف المقطع حق هتلر مع الإتصالات السعودية 
وبكل حفاوة وترحيب مثل العادة , تنتظر 10 دقايق وانت تسمع نصب الإتصالات المستمر , مره الكنترول يقول لك اشترك بجود , والثانية اشترك واحصل على سرعه 20 ميقا , والله وأنا داري إنهم كلهم على بعضهم " سواليف " , المهم بعد ما تشرف حضرة سموه ورد , وشوي يطلع من السماعه بيضربني , قلت له شف لنا حل !! قال انت وش مودمك ؟؟ قلت له لينكسس , قال ما سمعت الكنترول وش قال ؟! قلت له إيه سمعت , لكن نحن مشتركين فوق السنتين والوضع ماشي زي اللوز , الحين تجي تقول لي المودم !! , وبعدين سألني : انت سرعتك 512 ؟! قلت له سرعتي 256 , وأنتم أصلا معطيني 128 - طبعا تأكدت من السرعه من موقع Speed Test , وبعدين مدري صلّح من عنده وفصل النت عندي وبعد 10 دقايق تقريبا , قال لي / خلاص الحين الوضع بيمشي ميه ميه , وإن إستمرت المشكله فرمت المودم 
وطبعا أنا صدقت , وفرحان وجيت شغلت الجهاز 
ولا الوضع ما تغير 
نفس ما هو !! فرمت المودم زي ما قال , الوضع على ماهو عليه , طفيته وطلعت برى البيت , ورجعت له بعد نص ساعه , ومافي اي فايدة 
كيف جت 400 ؟! الله وحده يعلم !!
- اللي يبي وصف العيادة ع الخاص لو سمحتوا 
تدرون ليه ؟! 
واحد قدامنا , وواحد في الحارة اللي ورانا 
ولد جيرانا مشترك بـ " جو " , ويقول إنه عندهم النت سريييييع 
الـ YOUTUBE يشوفه بدون تحميل , ونحن ننتظر وحوسة إلين ما يكتمل شوي عشان نشوف 
, هلا السلطآن 
الوضع العادي
