اخوي عانيت مثل معاناتك بالضبط وخاصه من مودم لينكسس اتمنى تعطيني رقم المودم لانه اذا كان نفس اللي عندي ابعطيه تحديث ماخذه من مركز لينكسس يضبط لك النت باذن الله
من أيام النت أيام ماكان على التلفون أو مايسمى بالديل آب وأنا أستخدم النت
..
لكن من شفنا الـDSL وأنا بجحيم مقيم..
..
أنا مشترك بـ4ميغا في البيت والمودم مودمهم القذر الصيني ..
ولم أتخلص من الفصل والانقطاعات..
..
شركة تعودت على السرقة والاختلاس ..
..
والأمر المبكي المضحك أنها هي السلطة والحرامي فا لمن تشكي وتحامي؟؟
ما شاء الله الأخوان ما في شي الا قالوه لكن حبيت اقول لكم لا احد يسدد ترا هالايام صاير عندهم لخبطه الخبر مؤكد ناس جتهم الفواتير ضربه و ناس تسددت عنهم الفواتير , و ناس فصلت الخدمه من عندهم
و صدقوني لو تحولون كلكم موبايلي , لـ تشوفون الفرق أشوى من غثا الاتصالات
--------------
بعد التعديل وش رأيكم في استخدام جو ؟ تنصحوني ? و هل تشتغل في نادي النصر ؟ <<<< قصدي في العريجاء وش هي الاحياء الي تشتغل فيها ؟؟
تم تقسيم الردود إلى قسمين القسم الأول للي كانوا معي بنفس المعاناة والثاني اللي مع STC
على بركة الله ..
إقتباس
الرسالة الأصلية كتبت بواسطة мя.ħάίţħάм
ان شاء الله Go وبس
يمدحونها ناس واجد ..
أيوه خلك على قو اصرف من واقع خبرتي بالثلاث ساعات اللي شابك فيها النت الآن إنه سريع ما شاء الله عليه وإن كنت ساكن بالرياض مثلي قال لي موظف الشركة إنهم مغطين الرياض بالكامل
إقتباس
الرسالة الأصلية كتبت بواسطة هتلــ الزعيم ــر
بس الجوال الحين أغلب اللي أعرفهم تجيهم فوآتير ومبآلغ خياليه مايدرون من وين جت , وأقرب مثال وآحد من اللي أعرفهم يقول مسدد جوالي من أسبوعين , وفآتورتي الأن ألف وشوي ..! المشكله أنه مايكلم وأغلب اللي أعرفهم نفس مشكلته أنا قسم بالله لي تقريباً حوالي خمس شهور ماجتني فآتوره ولا سددت ولا ريال أتصلت عليهم يقولون غير مفوتر 134 , والمبالغ المسدده 900 وشوي ..! المشكله ماسددت لهم ولا ريال وجوالي مفتوح مافصلوه ولا شي [ طبعاً مافيه أحد سدد الفآتوره , بس النظآم عندهم أنتهى ] أللي أعرفه أن أخوي يشتغل في الأتصالات ومن فتره كآن يقول أن فيه برنآمج مدخله وآحد عليهم بـ 100 مليون , والبرنآمج خربآن ولعب في النظآم عندهم , المهم أن الأتصالات من جفره لدحديره , وكل وآحد يشيك على فآتورته , ويحول موبايلي الا أنا منيب محول دآمهم يسددون عني الله يجزآهم خير
أهلين هتلر
قبل ردك بيوم تقريبا دقيت على 902 ابي اشيك على الفاتورة , أنا فاتورتي تطلع يوم 6 من كل شهر زوجي بالعربي المهم قال لي السنترال , تاريخ صدور فاتورتك القادمه هو / 6 شعبان أنا إنلحست وش 6 شعبان وحنا برمضان , ولما سألت أخوي قال لي إن فاتورته تعدت الحد الإئتماني من مبطي انا ما إهتميت بذا الأمر واجد , لكن لما قريت ردك عرفت إنهم خابصين النظام جعلها دوم إن شاء الله إن كانهم ماهم بضّارينا
وبالتوفيق بالإختبار
إقتباس
الرسالة الأصلية كتبت بواسطة هلالي لوني
الاتصالات علمتنا شي واحد وهو "الصبر "
صدق فاك الصبر ولا شيء سوى الصبر وعلى قولة الوالد " ياصبر ايوب "
إقتباس
الرسالة الأصلية كتبت بواسطة al3z
اشتر كونكت موبايلي ولا قسم بالله ان يقلب فمك حبوب بيض
والله هذا المشروع القادم بإذن الله لكن الحين خلنا نستانس بجو وأصلا جو بينزلون كونكت بعد رمضان على قولة الموظف وطبعا نحن مع العروض من نزل كونكت مجانا أول .. رحنا له
والمشكلة الحين ... إن الحبه اللي فمي توها ما راحت لا بارك الله من كان السبب واللي هو STC
إقتباس
الرسالة الأصلية كتبت بواسطة S@LEH
ولآ سآلت آبو فلبن وش آلسآلفه ، قآل ’ كيبل مقطوع و جآلسين نغيره ‘ وكل يوم يغيرونه !!
وليه أسلاك وتصليح وشغل ماله نهاية خلك على جو أنا إشتريته وجيت على فيش الكهرب دايركت بدون اسلاك بدون هم دايركت إشتغل ما شاء الله عليه بس
إقتباس
الرسالة الأصلية كتبت بواسطة Soŏмα
مًاشاء الله كُثرْت مواضيُع الُهجوم على " الانفصالاات السعودية " ..
اللهم زد وبآرك يارب !
أكيد بتكثر دام هذي خدمتهم , تدق عليه تنتظر عشر دقايق , نت يقطع , فواتير تطلع مدري وشلون قايله , يستاهلون ذا واكثر
المشكلة إنهم يقولون حياة اسهل , إذا الحياة سهله على هذا الحال فمن وجهة نظري خلها صعبة بتكون أفضل
إقتباس
الرسالة الأصلية كتبت بواسطة هلالي--911--
ويمكن اترك DSL وأركب " جو "
هذا الكلام اللي يجمد على الشارب (-- جو لعبت بدماغه
إيه والله بتريح نفسك كثيييير وبترتاح من STC وهمهم
إقتباس
الرسالة الأصلية كتبت بواسطة fabri_4
لكنه يقطع علي كل يوم عاد وش نسوي مافي الا اتصالات
يا حبيبي الحياة ... إما مغامرة جريئة او لا شيء وش حادك على الهم قلعتهم لا يردك إلا جو يا رجل
إقتباس
الرسالة الأصلية كتبت بواسطة رعبوبة الزعيم
الله يعينآ الدول الثآنيه متطورهـ ولآ بعد بعض الدول النت عندهم بالمجآن ..
وإحنآ عآيشين نتشحت من هالإتصآلآت بفلوسنآ ..
والله على حسب كلام اخوي , إن جميع دول العالم ما عندها شيء إسمه 256 و 512 , يتكلمون بـ 1 قيقا وانت طالع نحن 256 ويفصل قسم إنها حاله يرثى لها
إقتباس
الرسالة الأصلية كتبت بواسطة حلا الأزرق
الزبدة أي اعتراض ع خدمة النت ارسلوا الشكوى لنفس الرقم حقهم والله ناسيته المهم عندهم رقم فاكس للشكاوي
انشبوا لهم بالفاكسات والاتصالات وهددوا بالفضايح في الجُرنان
أما بالإتصالات احس إنك تحلم ولا شيء إذا تدق عليهم تبي مساعده ولا إستفسار خلوك عشر دقايق , فما بالك بالشكاوي قسم يفصلون التلفون من أساسه ولا يحولونه ع السنترال
إقتباس
الرسالة الأصلية كتبت بواسطة حلا الأزرق
امااااا , جد هالمعلومة ؟؟؟!
إيه والله إني صادق حبه بيضاء مدري وشلون قايلة كله منهم لا بارك الله فيهم
إقتباس
الرسالة الأصلية كتبت بواسطة حتى ظلالي هلالي
هي وقفت على حبة بيضاء ..!
أنا قايلهـ اذا مت ناقصهـ عمر فهو بسبب الاتصالات
هو قولون والا ضغط يرتفع والا والا والا
عليك بالإنترنت اللي بالأقمار الصناعيه أو إنك تهجين من البلد خيار ثالث لا يوجد
إقتباس
الرسالة الأصلية كتبت بواسطة احب زعيم نصف الارض
انا عندي قو فل الفـــــــــــــــــــــل
إيه والله إنك صادق الحين تأكدت بأم عيني
إقتباس
الرسالة الأصلية كتبت بواسطة sowaid
كلنا نعآآآآآآآآآني اذا مالحل ؟؟؟؟؟؟؟؟؟؟؟؟؟؟؟
الحل بسيط جدا جو ولا شيء غيره
إقتباس
الرسالة الأصلية كتبت بواسطة مـ ـلـ ـلـ
شي يحكي المعاناة الحقيقيه !
والله ياخوي المعناة عند كل المشتركين إلا من رحم ربي
إقتباس
الرسالة الأصلية كتبت بواسطة abadi alharbi
والكلام على لسانه إلى سيرفر ماعليه ضغط تجيه كمية التحميل كامله
والله ياخوي ذا مب عذر , دام الكباين عليها ضغط يشوفون حل , المشتركين يتعذبون والسبب عليها ضغط !!! المشكلة على كذا يبقون على الجوال والهاتف أصرف , ويخلون النت للشركات المتخصصه بالنت , مثل جو والشركات اللي بتلحقها قريب .... إنفصالات .. ما عليهم شرهه
إقتباس
الرسالة الأصلية كتبت بواسطة إحساس خالد
على فكره موجود عندنا قو حاب امرك تجربه ربع ساعه بس
تامر امر ولا يردك الا رساله خاصه ...
مشكوور طال عمرك هذا أنا مجربه وكل شيء تمام التمام الأمور إلى الآن تبشر بكل خير
إقتباس
الرسالة الأصلية كتبت بواسطة دحوم القصيم
اخوي السلطان الحال من بعضه المودم كل يومين نصلح اعداداته ويقولون الخلل من الاتصالات والفاتوره صقع بال800 وعليها
بالنسبه لانترنت الجوال استخدم زين عني انا اه معي سنه فل الفل بس لازم تكون في عاصمه اداريه
عليك بجو يا اخي سوف يرتاح راسك من شيء اسمه STC وبالنسبة للنت بالجوال ماعندي خبره فيه
إقتباس
الرسالة الأصلية كتبت بواسطة ولد حوطة سدير
تصدق حـالتنا وحده ..
تو بالطقاق رجع الأنترنت ولييته منقطع علينـا لحالــنا .. !!
منقطع ع حـوطة سديـر كلهــا من عقب العشاء ومارجع الا الفجر
اجل منقطع ع سدير كلها الظاهر والله العالم إنهم فاهمين " اسهل " غلط
إقتباس
الرسالة الأصلية كتبت بواسطة هلالي من ارض اليمن
حياك الله يا السلطان
شخصيا انا ودي اشكر هذه الشركة التي فرضت عليك الخروج من عنق ( أسأل والمجلس يجيب ) الى رحاب المجلس العام
واتمنى استمرارك فيها .. طالما بتشرفنا هنا لكي ( تفش خلئك ) بين وقت وآخر
ليس لدي اي تعليق .. ولكن عده مرور ترحيب
يعطيك الف عافية ،،،
لا يا طرووق هذي ما حبيتها منك كثييير (-- متأثر بباب الحارة
إن كنت تبيني كل يوم انزل لك موضوع ترى مافي مشاكل عندي مواضيع من مكاني لمكانك بس بنزلها إن شاء الله بموضوع واحد في وقت لاحق
والله لا يوجد حل إلاّ الدعاء صل الوتر وإذا خلصت ادع ربك يفرجها عليك وإلا تحمّل .. وترى الصبر مفتاح الفرج
إقتباس
الرسالة الأصلية كتبت بواسطة heron76
للاسف الدولة هي سبب احتكار هالشركة لخدمة الانترنت
لكن الدولة ماهي السبب في أنهم يكونون بذي الدرجة من الخياس المشكلة فيهم هم , يهتمون بأشياء غبيه مالها داعي , مثل التركيز على موبايلي في دعايتهم مره فرشة زرقاء , ومره كيس أزرق , ومع الأسف طلعت موبايلي هي اللي تتطور , وSTC يحفرون , حتى قبل فترة كان اخوي يروح STC لمدة يومين , وهم يقولون السستم خربان , هذا دليل إنهم مصابون بالفشل الذريييع
تصدقون عاد 
والحين والله العظيم في دقيقة ونص 
الله يعينا على الردود 
وياويل اللي مسوي فزعه مع STC 
وإن كنت ساكن بالرياض مثلي 
أنا إنلحست 
قلعتهم 
الوضع العادي
