من زمان عن هالايقونه آخر المرات بديت ما أرصها إلا عشان أكتب خواطر وأكيد العذال << صدق عمره
نخش في العميق على طول
قبل كم يوم قرأت فيما يقرأ القارئ عن إمام مسجد طرد له شاب من اللي يلبسون طيحني يقولون حلف ذاك اليمين ما يصلي بهم و هو موجود
والله لو إنه يهودي يا شيخ الله يهديك
و اليوم وأنا راجع من الوشسمه حاط الأف أم أسمع مسلسل أم ناصر الخبله
يوم خلصت المسلسلة والله ويجي واحد ساااااااااااامج ومغرووووووووووووور ما أدري على إيش المشكلة هذا وهم ما طلعوا إلا صوته وشاف نفسه هالشكل وشلون عاد لا طالعوا صورته بالراديو
ما علينا هالسامج ماهو موضوعنا هو فقط نقل لنا الخبر
الخبر يقولكم يا طويلين السلامة
اتفق عدد من مؤذني وأئمة المساجد في المنطقة الشرقية و المدينه المنوره و بعض المناطق الاخرى أنهم يمنعون جماعة ( الطيحني ) وجماعة ( الكدش ) من الدخول للمساجد وإقامة الصلاة فيها
يعني تقريبا بيصير فيه سيكورتي عند الباب و يمكن يخلون الدخول بتذاكر عشان يجمعون راتب السكيورتي كله عشان ما يدخلون شباب كل ذنبهم إنهم اقتنعوا بشيء سوه الغرب ومع ذلك تجد فيهم الخير لكن فيه ناس ما تبي لهم أي خير زي أخواننا الأئمة اللي قرروا هالقرار عاد أنا اقترح عليهم يحطون دورين بالمساجد دور للكول ودور للناس الثانية
بحكم إني عنصر محايد
لست من ذوي اللحى ( مطوع ) ولست من جماعة الكول ( طيحني )
أشوف هالقرار جدا جائر ,, أنت جالس تمنع شخص من الصلاه في مساجد الله وغالبا الشاب بهالعمر يجي للمسجد بإرادته ما فيه أحد يغصبه روح صلي هذا معناه إن الولد باقي فيه خير يحتاج تحريك ولا ماكان جا للصلاه مع الجماعه وراح رفع صوت الاغاني بسيارته كيف تجي أنت يا الامام يا القدوه وتمنعه من الصلاه .. ؟
ليش ما مسكته وأحرجته وأجبرته بأخلاقك إنه يفرق بين وش يلبس إذا جا يطلع مع أخوياه ووش يلبس إذا جا يصلي في المسجد والله بالكلمة الطيبة تستطيع أن يتخلى عن قناعاته وممكن يحرق كل السراويل الطيحني كمان
الله سبحانه وتعالى قال كتابه الكريم
( ومن أظلم ممن منع مساجد الله أن يذكر فيها اسمه وسعى في خرابها أولئك ما كان لهم أن يدخلوها إلا خائفين لهم في الدنيا خزيٌ ولهم في الآخرة عذاب عظيم )
بغض النظر عن سبب نزول الاية يا أخوان ظلم وليس ظلم فقط بل من أظلم أنواع الظلم أن تمنع مسلما من الصلاة في المسجد
يا أخي هذا مو كلامي ولا كلامك يا إمام المسجد الفلاني هذا كللام رب العباد والمفروض بحكم إنك إمام مسجد تكون من أخبر الناس بالقرآن الكريم والتفسير
الصراحه شي يقهر وأمنيتي أعرف وشلون فكروا يوم أصدروا هالقرار
انا ما أقولكم والله أنا مع الكول وخلوهم على راحتهم بالعكس والله شي يقهر أيضا لما تشوف واحد لابس طيحني في المسجد لكن برضو القرار مع إحترامي غبي مع إني أجزم تماما إنه بالكلمة الطيبة تقدر تخلي الالاف يغيرون قناعاتهم بهذا الشيء خاصة لكن بهالقرار اللي مثل وجيههم والله راح ينحشون العالم حتى من عبادة رب العالمين
واحد من الاعضاء قبل كم يوم قريته له رد مختصره إن فيه طفل صغير كان يصلي في المسجد ولابس فنيلية رياضيه (الاتحاد) بعد الصلاه مسكه شايب وقال أنت جاي تصلي ولا تلعب كورة ..؟
أسألكم أنا هنا عاد وش راح تكون ردة طفل الفعل عفوا ردة فعل الطفل يمكن هالكلمة تؤثر عليه وتنفر من المساجد ويمكن بعد إذا كبر يصير علماني << يا مفتري
يا أخوان والله الشباب فيهم خير سواء الطيحني ولا الفئة الثانية
جميعهم فيهم خير
شفنا شباب الطيحني في المساجد يصلون التراويح مع الجماعه وشفناهم في رمضان يوزعون إفطار صائم وشفناهم يبادرون بالسلام رغم إن فيه بعض المطاوعه يطالع فيك يأكلك بعيونه ينتظرك تسلم عشانه هو المطوع موب انت الصراحة أنا ماشي على هالنظام المطوع إذا قام يطالع اطالع فيه ولا أسلم وش حضرتك يا أبوي تطالع ولا تسلم .. ؟ ما تبي أجي أحب كتفكك طال عمرك .. ؟ بينما تشوف شباب طيبين يبادرونك بالسلام وبإبتسامة تفتح نفسك يا شيخ
أيضا لما الشاب في الطريق يررى أمرأة تقطع الشارع يهدي ويطفي أنواره إحتراما للمرأه ولما يقصر على صوت الاغاني لما يشوف عايلة بجمبه
كل ذا يدل على ان فيه خير لكن فيه شي مانعه يطلعه ومجبره يطلع قلة الحيا اللي عنده
فيما قبل النهاية أقولكم التمثيل الشهير و الجميل
لو حطيت السكر بالشاهي بدون لا تحركه بيصير الشاهي حالي .. ؟؟ طبعا مستحيل كذلك الشباب فيهم خير بداخلهم بس يحتاجون من يذهب إليهم ويخاطبهم بعقليتهم لكي نحصل على شباب نافع للأمه
الحين اللي يسوي طيحني ومطلع صرواله (البوكسر ) لكن ما طلع بلاويه وش هو له تقول له عورة .. ؟ طيب قدامي ذاك اليوم واحد يالله لا تبلانا دب ماشاء الله الله يزيده مع إنه لابس ثوب لكن إذا قام من السجود البلاوي كلها تشوفها الصروال ما ينمسك من السمنه الله لا شماته ظنكم واحد زي هذا يشمله المنع ولا لا .. ؟
ما أبي رأيك أخي / أختي بالطيحني ولا نبي ردود من نمونة ( مو رجال , شواذ , سفهاء ) لأن طرحي ما كان عن هالشيء أنا طرحت أتكلم عن قرار أشوفه جائر لأن بوجهة نظري في حلول أخرى يعني يا كرام تبي تبعد عن الموضوع تكلم عن القرارات ومن اللي يجب يتخذها وكيفية اتخاذها لكن لا تجيب لي طاري الطيحني لأن القضية اشبعت طرحا وما نريد تكرار اللي انقال
خلاص عاد أنتم سولفوا أنا باقي وراي تنسيق و نوم واعتذر عن ركاكة الوشسمه لأنه مجرد كلام حسيته ببطني فقلت أطلعه هنا
إقتباس
الرسالة الأصلية كتبت بواسطة المجازف الازرق
وعليكم السلام ورحمة الله وبركاته
ياخي تصدق إني قريت الخبر في جريدة المدينة اليوم المغرب وكنت ناوي أحطه هنا وأستنكر هالقرار
ورأيت بعض الردود تشكك في صحة الخبر علشان كذا جبتلك الرابط من جريدة المدينة
و الله و انا اخوك أشك في صحة الخبر .. لأن امام المسجد ما بيده قرار يمنع ناس تصلي في المسجد ..
بالنسبة لو حدث هالشيء .. كلها شكوى طال عمرك و يشوتونه ظفر .. محنا بنصلي لأبوه حنا نصلي لربي ..
دام الرجال ساتر ما بين السرة و الركبة فهو ساتر عورته .. و لا ننسى ان فيه صلاة للعراة أيضاً ..
انا الصراحة ضد ان الواحد يلبس هالأشياء في المسجد .. لكن ما اعتقد فيه محظور شرعي لذلك
مدري بس اشوف ان القرار ماله داعي .. بس بنفس الوقت يمكن يكون رساله لأصحاب هالتقليعات الغريبة علينا .. يعني مؤيد ومعارض .. بس لما تفكر فيها بمسجد زي ما قلت الشباب بهالسن راح يجي برغبته ويّفضل اول شي نقوم بالنصح تجاهة وإن ما التزم امنعه من دخول المسجد .
من جهة ثانية .. اللي يجي للمسجد ويبي يصلي وهو مكدش والا لابس طيحني او حتى برمودا عادي مدري كيف يفكر بصراحة انت جاي تقابل ربك ولازم تظهر بشكل مقبول .. وكسعودي تجي بثوب اقل شي
لست من ذوي اللحى ( مطوع ) ولست من جماعة الكول ( طيحني )
هي فئتين لا ثالث لها اما مطوع و ملتزم بشرع الله او غير ملتزم بشرع الله يعني طريقين اما جنه او نار... فما ادري هل يوجد طريق ثالث بين طاعة الله او عدم طاعته!!!! ( اللهم اجعلنا واياك من المطعين له)
ثانيا: من يلبس هذه الملابس يعتبرمن الذين يظهرون عورتهم للناس وظهور العوره في الصلاه لا تجوز و انت لو شفت واحد مجنون بالمسجد يحاول يظهر عورته للناس تتركه ام تخرجه خارج المسجد..!!؟؟ اكيد بتعمل جهدك لاخرجه حتى ..
ثالثا: انا بديت اشك فيك موضيعك كلها دفاع عن طيحني و عن الكديش
ثانيا: من يلبس هذه الملابس يعتبرمن الذين يظهرون عورتهم للناس وظهور العوره في الصلاه لا تجوز و انت لو شفت واحد مجنون بالمسجد يحاول يظهر عورته للناس تتركه ام تخرجه خارج المسجد..!!؟؟ اكيد بتعمل جهدك لاخرجه حتى ..
مع اني ضد تقليعه الـ طيحني اللي مدري وش تبي .. لكن يالغالي ما فيها اظهار عورهـ .. ما دام ان البوكسر مغطي العورهـ فـ اللبس ساتر " شرعاً " .. مثلاً .. لو جاء واحد وما حصل الا شورت ويبي يصلي .. ماله طريقه الا انه ينزل الشورت الى نهاية حد العوره .. والجزء العلوي يغطيه بـ البوكسر ..
يالغالي تحريم الطيحني موب ع شانه ما يستر العوره " مع انه يسترها " التحريم لانه تقليد اعمى للكفار .
اوما ائمة المساجد اللي يمنعون هـ الشباب من الصلاة وش يحسون به ..؟!! لاهو طاق صك استحكام على المسجد ولاهو ملك ابوهـ .. كلامي لـ الائمه واهل المسجد .. ما دام ان الشاب يبي يصلي ما احد يقدر يمنعه .
يا علي السالفه اللي بقولها الحين انا كنت حاضرها في مسجدنا .. كان جنب المسجد ملعب للشباب .. صلينا المغرب .. والشباب اللي كانوا يلعبون يصلون معنا بـ ملابسهم الرياضيه .. قام واحد من الشياب الله يغفر له ويرحمه .. ووقف قدام اهل المسجد وقال " فكونا من عيال الـ .... اللي ما يحترمون المسجد وجماعة المسجد " الامام يبتسم كان الوضع عاجبه .. وجماعة المسجد ساكتين .. وقام واحد الله يجزاه خير من الشباب ورد على الشايب وعلى الامام اللي المفروض ما يسمح لمثل هـ الالفاظ انها تقال في بيت من بيوت الله واسكتهم وكان كلامه كله من السنه ويستشهد بالقران .. طالع الشاب هذا افضل من الامام ومن جماعة المسجد كلهم
خلاصة الكلام .. انا اللي يقهرني ويبط كبدي اليسرى ان ..( المطاوعه .. الشياب ) في بالهم ان الشاب 200% على خطأ .. يا اخي الصحابي أسامه بن زيد رضي الله عنه اوكل اليه النبي عليه الصلاة والسلام جيش العسرهـ وهو ما تجاوز الـ 20 عام .. والله العظيم ان شبابنا فيهم خير .. معدنهم طيب .. يحبون عمل الخير .. بس يفقد بعضهم التوجيه الصحيح .. يمكن تحصل شاب مقصر في العبادات .. لكن في موقف او اكثر يبين لك ان في داخله خير .. يا اخي انا كنت من محبي التفحيط ايام قبل " الله يتجاوز عننا " كنت اشوف واحد من اللي يفحطون بعد ما فحط وخلص .. وقف في محطة ونزل يصلي .. وربي هذا حقيقه موب كذب او خيال .. لو حضرت محاضرهـ او جلست في مجلس رجال .. وجاء الطاري على الشباب .. وش بيتكلمون عنه ؟!! ما بيتكلمون عن الجانب الايجابي في الشاب .. بالعكس كل كلامهم سب وانتقاد للشباب .. ومشكلتهم يعممون الكلام .
يا علي عندنا من القصص الكثييير اللي تدل على ان شباب هذه الامه فيهم خير .. وربي فيهم خير .. اي وربي .. بس السؤال اللي عجزت احصل له اجابه .. من اللي فاضي لهم ؟؟ من اللي فاضي يوجههم .. يا شيخ انا لو يجيني واحد ويقعد يتكلم عن زلاتي وسلبياتي وانا اعرف انه يبي لي الخير وانه قاعد ينصحني .. وربي ما اسمع له ولا راح ارضى انه كمل كلامه .. وممكن استمر في الخطأ قادمه عناد .. بعكس لو جاء واحد وبداء ..( يرفع بي ) وينصحني بـ اسلوب حلو .. وربي راح اعدل اخطائي .
في رمضان اللي طاف .. كنت في شارع الثميري في وسط الرياض .. كنت ادخن .. وقطعت الشارع .. الا ذاك الشايب المطوع اللي فاتح دريشته ويقول لي ( شاطر شاطر .. رجال رجال ) والله ثم والله اني ما ادري كيف مسكت نفسي .. احترمت الشيب اللي في وجهه وسكتت .. وبعدها بـ مده .. كنت طالع من بقاله والدخان في فمي الا ويقابلني مطوع ويبتسم لي ويسلم .. وقال الله يبعدك عنه ويعطيك الصحه ويرزقك الجنه .. وربي اني تركت الدخان لـ مده بسبب هـ الكلمه الطيبه .. وكلمة المطوع للحين وهي في بالي .. ما زلت احاول اترك التدخين .. والسبب الكلمه الطيبه
لا يجي واحد ويقول هذا علماني والا ليبرالي والا دآآشر .. فـ والذي رفع السماء بلا عمد اني مسلم ابن مسلم ابن مسلمه .. مقر بتقصيري .. وموقن بان كل البشر مقصرين مثلي .. لكن نسال الله ان يهدينا الى السراط المستقيم .. وان يجنبنا ويكرهنا في المعاصي والذنوب صغيرها وكبيرها .
علي وش سويت فيني انت .. طلعت حكي كان في صدري له سنيييين .
# المطاوعه والشياب .. ادري انهم يبون لنا الخير .. والله لا يحرمهم من الاجر .. لكن البعض منهم يفتقر الى الاسلوب الصحيح .. يا ليت يقتدون بالرسول عليه الصلاة والسلام في النصح والتوجيه والارشاد .
قال تعالى : ( ادعوا الى سبيل ربك بالحكمة والموعظة الحسنة )
مشرف سابق في منتدى الرياضه السعوديه ومنتدى المنتخب السعودي ومحرر اخبار الهلال في الصحف العالمية
تاريخ التسجيل: 18/12/2004
المكان: Jubail.SA
مشاركات: 8,253
.
..
إي .. أمُس أبوُي يقولِي .. و الأنظآر متوجهَة إلُي و نحن على مآئدَة الإفطآر
وَ لكِن يجَب ان نبحُث مع أئمتنا الكرآم عن حَل وسَط يحفِظ لنآ حقوقنَا , و رفع جينز اللو ويست مع ربطهـ بـ حزآم أبرز الاقتراحَات ..
هي فئتين لا ثالث لها اما مطوع و ملتزم بشرع الله او غير ملتزم بشرع الله يعني طريقين اما جنه او نار... فما ادري هل يوجد طريق ثالث بين طاعة الله او عدم طاعته!!!! ( اللهم اجعلنا واياك من المطعين له)
ثانيا: من يلبس هذه الملابس يعتبرمن الذين يظهرون عورتهم للناس وظهور العوره في الصلاه لا تجوز و انت لو شفت واحد مجنون بالمسجد يحاول يظهر عورته للناس تتركه ام تخرجه خارج المسجد..!!؟؟ اكيد بتعمل جهدك لاخرجه حتى ..
ثالثا: انا بديت اشك فيك موضيعك كلها دفاع عن طيحني و عن الكديش
يكون في علمك اللى يلبس طيحني يطلع البوكسر ما يطلع عورته
اذا كان فيه احد مطلع عورته فانا بكون اول من يطرده من المسجد
هي فئتين لا ثالث لها اما مطوع و ملتزم بشرع الله او غير ملتزم بشرع الله يعني طريقين اما جنه او نار... فما ادري هل يوجد طريق ثالث بين طاعة الله او عدم طاعته!!!! ( اللهم اجعلنا واياك من المطعين له)
ثانيا: من يلبس هذه الملابس يعتبرمن الذين يظهرون عورتهم للناس وظهور العوره في الصلاه لا تجوز و انت لو شفت واحد مجنون بالمسجد يحاول يظهر عورته للناس تتركه ام تخرجه خارج المسجد..!!؟؟ اكيد بتعمل جهدك لاخرجه حتى ..
ثالثا: انا بديت اشك فيك موضيعك كلها دفاع عن طيحني و عن الكديش
يعني لازم اصير مطوع عشــان ادخل الجنــة ؟ واذا ما صرت مطوع ادخل النــار !!
فكــرر زيين وانا أخووكــ .. ! مثلا اصوم واصلي وازكي وكل شئ بي اني ماابي
أربي لحيــة وابي البس " جينز " مادخل الجنــة ؟ الافكار الي زي هذي هي الي
فرقت بين النــاس !
المكان: معشوقين الحرس الوطني \ النعيمه,الثنيان,ابوثنين,سامي,التمياط,تيفا,كوزمين,رادوي,قريبا هوساوي , شروط العشق الروح والولاء قبل كل شيء
مشاركات: 1,109
إقتباس
الرسالة الأصلية كتبت بواسطة marsal
هي فئتين لا ثالث لها اما مطوع و ملتزم بشرع الله او غير ملتزم بشرع الله يعني طريقين اما جنه او نار... فما ادري هل يوجد طريق ثالث بين طاعة الله او عدم طاعته!!!! ( اللهم اجعلنا واياك من المطعين له)
ثانيا: من يلبس هذه الملابس يعتبرمن الذين يظهرون عورتهم للناس وظهور العوره في الصلاه لا تجوز و انت لو شفت واحد مجنون بالمسجد يحاول يظهر عورته للناس تتركه ام تخرجه خارج المسجد..!!؟؟ اكيد بتعمل جهدك لاخرجه حتى ..
ثالثا: انا بديت اشك فيك موضيعك كلها دفاع عن طيحني و عن الكديش
يعني عالاقل قدر خصوصية المكان ودينيته مالها داعي مرررة تجي بهالبنطلون
قبل رمضان بليال قليلة مريت هرفي وعند الباب كان فيه سيارة واقفة وشاب واقف على رجوله ولابس طيحني عمره 25 تقريبا شييييين مررررة واقف عند الباب ويكلم من بالسيارة انا اللي اطالعه استحيت من هالمنضر ومن قواية الوجة دخل راسه بالسيارة وصار مكندس والتضاريس كلها واضحة
الله يهديهم ان شاء الله
الا سمعت يقولون ان فيه بنطلون طلع اسمه اتحداك تعرفني
مسجــد لجماعة ( طيحني ) و مسجد للجماعات الاخرى 
<< صدق عمره 
.. ؟
.. يعني مؤيد ومعارض .. بس لما تفكر فيها بمسجد زي ما قلت الشباب بهالسن راح يجي برغبته ويّفضل اول شي نقوم بالنصح تجاهة وإن ما التزم امنعه من دخول المسجد .
,
الوضع المتطور
