بسم الله الرحمن الرحيم

مساكم الله بالخير يا الجمهوريين يا أني كنت أكرهكم في الله ..
لكن سبحان الله في رمضان حبيتكم بقووة
كنت لا شفت موضوع أحد منكم تجيني نفس أعراض اللي يفطرن في رمضان من مغص وآلام وحومة كبد ووحام
لكن الحين من قوووة الخقة كل ما شفت موضوع بالجمهور قمت أبوسه وأتحضن اللابتوب

الحين ما علينا من اللي فوق .. وتعالوا خلوني أتقمص شخصية العاقل الرزين لأجل تاكلون فيني مقلب جامد

قبل ما أبدأ أمقلبكم أحب أعرفكم على نفسي ..
أنا اسمي المشاغب هلالي من عام 1415هـ مرجعي وأصلي يعود إلى منطقة نجران
شعري أشقر عيوني زرق خدودي وردية عاد بيني وبينكم أنا كذا مرة سألت الوالدة
إن كانها متأكدة أنه ما فيه عايلة تركية جاها ولد في نفس المستشفى اللي أنا فيه؟
<< عنده احساس أنه حصل لخبطة واستبدال في المواليد
الزبدة الحين عرفتوا أن أصلي وفصلي من نجران ..!

تابعت مباراة الهلال ونجران بكل حماس .. طبعاً قلبي كان مع الهلال واصابعي مع نجران
فرحت مع كل هدف هلالي وتحمست لدرجة أني نذرت أنه كل ما جاء هدف أن أغير وضعية جلوسي .. انسدحت وانبطحت وعلى جنب وجلست وبالأخير خلصت كل الوضعيات المحترمة وابتلشت عاد ما لها داعي أشوف المباراة وأنا وضعية جلوسي مشكوك فيها

المهم انتهت المباراة على خير بمستوى كبير ونتيجة كبيرة
لكن الشيء الذي أقضّ مضجعي وأدمل أناملي وأكبس جحافلي << مشكلة تجميع الكلمات
أقول لكم أن الذي حوّم كبدي وحسيت كأن أحد قاعد يمحطني بـ ليّ شيشة هو تصريح رئيس نجران ..!
سمعت التصريح .. وبكل صراحة تداخلت المشاعر وتلخبطت الكروموسومات الهلالية مع النجرانية
رغم أني أمقت التعصب القبلي وأحاول الابتعاد قدر الإمكان عن مواضعه إلا أني لا أنكر أني تأثرت بالتصريح ..
عندما يلعب الهلال في نجران يمتلئ الملعب عن بكرة أبيه ويغص بالجماهير الهلالية ..
كنت أتساءل هل ستتأثر جماهيرية الهلال في نجران؟ بل الأهم من ذلك هل سنرى ردة فعل ضد نادي الهلال عندما يأتي إلى نجران؟

أبرجع للعامي وأقول .. الكلام مش مسيء جداً حتى أتضايق بشكل كبير ..
بالنسبة لكلمة الزيود فالزيود ونعم فيهم .. أهل اليمن هم أصل العرب وما هو عيب إن قيلت هالكلمة ..
وبالنسبة للكلمة الأخرى ما ودي أتعمق فيها كثير .. هي تدلّ فقط على جهل قائلها بالمنطقة وأبناء المنطقة .. وحتى الفريق النجراني الكثير من لاعبيه ما هم من المنطقة أصلاً .. وهذا دليل على جهل القائلين ..!

بعد كل هذا التحليل والمناقشات بين عقلي وقلبي وشرياني الأورطي ..
اكتشفت بعد سؤال عدة أشخاص حضروا المباراة في الملعب أن هذا الكلام عاري من الصحة كـ عراء الذئب من دم ابن يعقوب
سألت وسألت وسألت ودخلت المنتدى .. لكن طلع سعادة الريّس ( كدّاب ) ..!
الرواية الأقرب للتصديق .. هو أنه عند نزول مصلح آل مسلم من المنصة لأرضية الملعب شتم الرئيس واحد أو اثنين أو عشرة من الجمهور , ولكن لم تكن هتافات جماعية ..
هي فقط حالات فردية على فرد واحد ..!

يا مصلح الله يصلحك ويهديك .. تعال لا أفطر عليك ..!
خذ هالكلمة وعلقها ساعة في ايدك , ما لها داعي أقول حلقة في أذنك ثم تطلب حق وأبلش .. يا حبكم يا أهل نجران للحقوق والتحكيم
المهم شف يا أنت .. بأكلمك بالفصحى وأجرّب مهاراتي الكتابية في الأدب العربي والنثر << الله يبيحك ويحللك يا أستاذ سيد
لا للمزايدة على أهل نجران ..!
لا تستغل حب ونخوة أهل نجران أسوأ استغلال ..!
التهجم كان عليك أنت فقط .. فلماذا اختزلت ( كل أهل نجران ) في شخصك ؟
فعلك أسوأ من هتافات لم تحدث أصلاً .. أردت مداراة فشلك وضعف إدارتك بالالتفات
إلى أمور تافهة من تحكيم وهتافات ..!
يا أبو سبعة ويا أبو خمسة .. اسمح لي أن أقول أن من صدقك وكذّب آلاف الشهود -ومعهم مراقب المباراة- ( أحمق ) ..!
وبإذن الله لن يكون من أهل نجران أحمق مثلك حتى يصدقك ..
يا من يقرأ ما أكتبه من أخواني أهل نجران .. لا تؤجروا عقولكم لهذا الرئيس الضعيف ..
لكم عقول فاحكموا بها .. ولا يعميكم التعصب عن رؤية الحقيقة .. ولا تسمحوا لأي أحدٍ كان أن يزايد على نجران وأبنائها لمصالح شخصية ..!
سواء كنتوا هلاليين أو نصراويين أو اتحاديين .. لا تسمحوا لـ مصلح وغيره أن يستغلكم ويستغل حبكم للمنطقة .. مصلح ولا غير مصلح هو من أساء
للمنطقة وأبناء المنطقة عبر تصريحه غير المسؤول ..!



ما أحب أطوّل كثير .. لكن شكراً لكم على إتاحة الفرصة
ويا ليت بس لو كان فيه موسيقى حزينة في المقطع الأخير كان ضبطت
على العموم أنتوا بس تخيلوا موسيقى ودموع وحركات عشان تتأثرون صدق
فمان الكريم

كاتب راااااااااائع وجذاب ،، أهنيك على هذا الأسلوب ماشاء الله

تحياتي ،،

تسلم عالموضوع....................................................

كاتب راااااااااائع وجذاب
.........................

ياالله ياانك لحسه
صدق مشاغب
يعطيك الف عافيه

والنعم في نجران واهلها

للاسف رئيس نجران ليس له من اسمه نصيب !!!!

هذا مفسد وليس مصلح

يعطيييييييييك العافيه على التوضيح ..

مشاء الله عليك .. تصلح مدرس تعبير..!!

مشكوووووووووووووووووووووووووووووووووووووووور
وماخليت شيء ورائيس نجران
لاتعليك

هلا سلطان ..
المفروض الرئيس يكبر عقله شوي .. << ما يدري وش السالفة

مشاء الله تبارك الله على الاسلوب

وفعلا مصلح الله يصلحه يزايد

اهلا بالمشاغب ...

نجران جزء من بلدنا ......

واهل نجران اكثر اهل منطقة رجولة وشهامة ونخوة .....

وجربنا اهل نجران وشفنا منهم كل خير ...

وهم انبل من ان يتلاعب بمشاعرهم الاخ مصلح .....





شكرا لك......

وبلغ تحياتنا لاهل نجران القروم ...

الله يعطيك العافيه على هالمقال الرائع
فعلاً حددت الخلل الحقيقي في التصريح (( طبعاً في صاحب التصريح )) وليس للجماهير أو أهل نجران الشرفاء أي علاقة بالموضوع ولكن ليت عبارة (( اللهم أني صائم )) يتذكرها المرء حينما يكون مشحون ومرتبك ولايدري ولا يعي مايقول .........
تحياتي للجميع ومبروك فوز الزعيم .......

إقتباس الرسالة الأصلية كتبت بواسطة خسران حبه اخوي انا من منطقة نجران وللاسف صرت ما احضر مباريات نجران والهلال عشان نفس الكلمة ياخوي الكلمة المذهبية طلعت بالصوت العالي وسمعتها وانا في بيتي انا اكثر واحد يحضر مباريات الهلال في الملعب جميع المباريات في الرياض ماعدى مباريات نجران لاني ممكن اتذابح مع اقرب واحد من الجمهور على هالكلام لاحد يقول مافيه عبارات يرجع لشريط المباراة وراح يسمعها كانه جالس بينهم ولك الشكر

خسران حبه ماعندي رد على كلامك الا (( اللهم أني صاااااااائم )) وكلامك مكشوف مانبي ندخل في مهاترات ونحن صائمون ..........................