المشاغب متزوج ! دنيا عجب !

.
.

بالنسبة لـ تصريحات مصلح ما تطلع الا قدّام الهلال ..

يعني قدّام الهلال وبعد المباراة نشوف مصلح أسد وبنظرة غاضبة يشجب ويستنكر الأفعال السيئة لجماهير الهلال ..
وفي المقابل يعذر لاعبيه في حال تفضّلهم بالرفس او الضرب او التسدّح وسط الملعب !!

مصلح الله يصلحه بين الشوطين معصّب ليش الحكم يبتسم للاعبين الهلال ..
وليش ما يبتسم للاعبين نجران ! ياخي حرام عليه هالحكم ما راعا مشاعر لاعبي نجران !!
المفروض إذا حسب عليهم فاول يبتسم لهم .. المفروض مايصارخ عليهم لأنهم ممكن ينهارون عصبيًا !!

بعدين ليش يبتسم لويلي ! عشانه اشقر يعني ! ولا رادوي عشانه زين !

تفكير مصلح ( سطحي ) إلى أبعد حد .. كونك تفكّر بهالأمور السخيفة وتضع مبررات خسارة ..
وفوق هذا كلّه تنتقد الجمهور بكل ( سعة وجه ) !!
ياخي انتقد فريقك اوّل على لعب العربجة وهوشات الحواري ! رفس على صدر لاعب !!

مصلح الأسد بالكلام بعد كل مباراة للهلال ( فار ) بعد مبارياته مع الأندية الثانية ..
مثل الإتحاد والنصر وغيرهم .. وممكن تشوفه يتكلّم بنظرة فنّية ثاقبة عن أسباب خسارة ناديه ..
بينما يحط 100 عذر لفريقه في حال الخسارة من الهلال .. أوّلها التحكيم ..

على فكرة .. موضوع إبتسامة الحكم هذا يؤرق ناس كثيرة .. سبقك بها طلال الرشيد ..
يوم يقول ليش الحكم يبتسم لويلي ورادوي .. ليش ما يبتسم لإلتون ..

هذا عذر اللي ما له أي عذر بالهزايم ..

والأعذار المضحكة تظهر أمام الهلال ..

الأخ اللي يتكلّم عن سماعه للكلام على التلفزيون ..
كـ شخص من منطقة نجران والنعم فيك .. أمّا انّك تقول ان الجماهير قالت وما قالت وانت في البيت فـ هذا أشبه بالتبلّي ..
ياليت مقطع يثبت او شي من هالقبيل .. كلّنا شفنا المباراة وسمعنا الإعتراضات الجماهيرية ..
بس ما سمعنا بألفاظ عنصرية ترفضها انت وطويل العمر مصلح بيه !

وحتّى ان تكلّموا بعض الجماهير فـ الكلام مقصود به اللاعبين .. أو بالأصح ردًا على ( عنترية ) لاعبي نجران في الرفس ..

كونك تحضر مباريات الهلال جميعها فـ هذا شي طيّب وتشكر عليه .. لكن ترددها وكأن لك فيها منّه !!
الحضور أمر مطلوب ولكن ليس على احد ان يحضر مجبرًا مُكرهًا !

عدم حضورك لمباريات الهلال ونجران أمر يخصّك ..
وكون المشجّع سواء واحد او عشرة سبّوا منطقتي فـ الإكتفاء بالحمد لله على نعمة العقل أفضل من ( العربجة ) في المدرّجات ..

في الأخير كل مناطق المملكة لن تسلم من الإستهزاء ..
وإذا كل شخص تعنتر فـ هذا ما راح يحلّ الموضوع ..

.
.

المشاغب .. شكرًا ياكوتش ..

الله يعطيك العافية اخوي
وانا استغرب اللي يقول مقطع ضرب الصويلح واضح ترديد جمهور الهلال !!
سمعته اكثر من مره مو واضح وش يقولون !!



وان كانوا قالوا فهي كلمة ليست دخيلة بل رددها جمهور قبل جمهور الهلال
ولكن تأجيج المشكلة من رئيس نجران هو سبب ما يحصل .

لالا
ماينسكت عنه
ولا ليش يطق نبي نردها والله ماخليها<<<<<< طاب ومايدري وش الطبخه
اخوي مشاغب انا في اول موضوع كتبت قبل لاامقلبكم جهزت موضوع ثاني ابرد المقلب لك احسبه صدق بس احمد ربك قريت الموضوع كامل وفهمت<<<بشر امك
ياخي انتم يااهالي نجران على العين والراس
والي يكذب ويبتلي الناس مثل الاخ مصلحينهو
الله حسيبه
تقبل مروري

كاتب راااااااااائع وجذاب ،، أهنيك على هذا الأسلوب ماشاء الله

تحياتي ،،

اول شي مبروووك فوز فريقكم ,, في المسابقه وجعلها الاخيرة <<<هع



موضوووووووع رووووووووعه
كان كتبت في اول الموضوووع امسكو بطونكم
بطني يعورني من كثرة الضحك الله يصلحك بس


وخلني اضرب عصفورين بحجر وابارك لك بالزواج ومبارك عليك الشهر
واول بنت سميها ميمي <<<هع اقصد دلعها



يعطيك العافيه ,,,,,,,,,,,,,,,,,,,,


اختكم ,,,,,,,,,ميمي

الله يعطيك العافية يالنجراني

و مافيه أحد يزايد على حب هالوطن و تلاحم ابنائه .. لكن كلام رئيس نجران كان صعب شوي و فيه تجاوزات كثيره ..!

و حتى ردة فعله على الحكام كانت مو مقبولة ابداً مع الأخذ في عين الاعتبار انه من اعضاء الاتحاد السعودي ..!

اهلا وسهلا بالمشاغب .. طخيمان..

موضوع رايق صدق .. وابصم لك بالخمس طعش انك كاتب كبير .. لايغرك كلام ذآآيب ترى وناسة وابو مسلم جاب العيد ..

وانا احذر جمهور نجران من الأسآئة لأي نآدي يزورهم وبالاخص نادي الهلال لانهم اكبر من انهم ينجرون وراء تصريح فقط لتبرير الهزيمة ..

حاب اذكر جميع الزوار والاعضا بأنة لو احد سب او تكلم على نجران وذلك ممكن يكون شخص انفعل من الرفسة الي بالصويلح واحنا كلنا نعرف الرفس لمين ووين....!!


مشكور على الموضوع الي يفتح النفس .. مجهرة ههههههههههههههه

كلن ذنبه على جنبه

لو نقدر نمسك الي قالها ونعاقبه كان سويناها

لكن كلام الجمهور لا يودي ولا يجيب ------->> وش بيضركم ؟؟ خلهم يفحطون على عباراتهم

بالنسبة لكلمة الزيود فالزيود ونعم فيهم .. أهل اليمن هم أصل العرب وما هو عيب إن قيلت هالكلمة ..



السلام عليكم اعذرني اخوي انا راح اخالفك في هذي النقطة

الزيود هذيلا مذهب من مذاهب الشيعة اللي هي الزيدية

يعني ماهم سنة زينا

هذي الكلمة والكلمة الثانية شيعة

هي نفس الشيء وانا اعتقد كلمة بالحجم هذا كبيرة جدا

بالذات زي ما قلت ان اكثر اللعيبة من برا نجران وغير كذا

في كثير من اهل نجران من اهل السنة والجماعة


انا اقولك الكلام هذا لاني يمني وتصير لي المواقف هذي

وأزعل كثير لان اللي يقولها لي قاعد ينتقص من ديني مو من

بلدي او اي شي ثاني

اهل نجران نار على علم ما احد يزايد عليهم لا ال مسلم ولا بعض الجماهير او خلنا نقول الثنين ولا الثلاثه اللي تلفظوا على ال مسلم.

كلهم يقال عنهم سفيه لا اللي تلفظوا ولا اللي صرح بالكلام هذا. وعلى فكره جماهير الهلال في نجران اكثر من جماهير المنطقه الجنوبيه اللي تشجع غير الهلال مجتمعه.

المصدر


تصدق اني حسبتك احمد العجلان يوم تقول انك سألت الجماهير وتقصيت الحقائق

كلام من ذهب بس الرئيس الله يهديه ويفتح على قلب
والهلال مهب نااااااااااقص عقوباااااات

مشاء الله تبارك الله على الاسلوب

وفعلا مصلح الله يصلحه يزايد