حسن العتيبي 7 من 10
لم يختبر حسن في المباراة، ولكنه كان في المكان المناسب في كل هجمه للخصم. وخصوصا الفاولات القريبة.


لي يونج 7,5 من 10
هذا اللاعب كنا نحتاجه من زمان، اللاعب ماهو فقط ظهير ويخترق ويرفع! اللاعب يبدأ الهجمه الصحيحه من عنده. يقدر لي يونج يبدأ الهجمه ويمررها للاعب المناسب حتى لو في النص .. اعجبني اداءه.


اسامه هوساوي 7,5 من 10
كابتن الفريق الجديد، اتمنى استمراره. من يصدق ان هذا اللاعب في الهلال من موسم واحد فقط؟؟ تحس انه مولود في الهلال. ما حصلت له اختبارات كثيره الا انه طبق مصيدة تسلل مع ماجد جميله جدا.


ماجد المرشدي 7,5 من 10
ايضا ماجد لم يختبر في المباراة، لكنه والعاده هو الاميز في الكرات العالية وكذلك تطبيق ممتاز لمصيدة التسلل.


عبدالله الزوري 8,5 من 10
اعذروني يا هلاليين، هذا اللاعب مكانه اما اليوفينتوس او ميلان. قد اقول ان امس احدى اجمل مبارياته وشخصيا كنت انتظر منه تسديده مثل مباراة القادسية. ابدع وكان منطلق هجمات من الجهه اليسرى دون ان يكون ثغره في فريقة.


رادوي 9 من 10
كأن الهلال يلعب ب12 لاعب! اول مباراة اشوف الهلال يلعب فيها بمحور واحد!! لكنه محور عن محورين. المدرب وثق فيه ليغطي خانتين، فماقصر وغطى الفريق كامل. اداءه لا يصدق في المباراة!


محمد الشلهوب 8,5 من 10
يا فرحتنا يالهلاليين بالشلهوب، محمد في هذي المباراة لعب افضل مما كنا نعرفه؟ مرر وسجل هدف ولا اروع. لا اتوقع ان يكون عنه غنى في المباريات الجايه. ذكرنا في افضل مستوياته وماقصر.


تياقو نفيز 7 من 10
صدق من قال لا نستعجل عليه. ادى افضل من مباراة القادسية ولعب كويس هذي المباراة وخانه الحظ شوي. نتوقع من الافضل.


ويليهامسون 9,5 من 10
اداء كبيييييييييير وهدفين؟ مو معقول اداء هذا اللاعب. ما راح اعلق كثير عنه الا انه يبان لي انه خلاص ارتاح وتأقلم وراح نشوف منه اداء كبير هذا الموسم. اتوقع فوزه مره ثانيه بجائزة زين لافضل لاعب في الجوله.


ياسر القحطاني 7,5 من 10
ماقصر ياسر والحمد لله سجل هدف ليفك النحس! وجود ياسر يعني انه ممكن اي لحظه يسجل. الهدف الرابع يحسب له لانه هو العمل عليه .. لو استغل كم فرصه اتيحت له لكان تقييمه اكثر ..


عيسى المحياني 7,5 من 10
مستوى عالي جدا. تفاهم كبير مع ياسر ومع نفيز وويليهامسون. مناولات بدون ما يشوف وكأنهم يلعبون مع بعض من زمان. يعيب عيسى انه ماهو بسريع في الجري. الشوط الثاني ضاعت عليه فرصتين بسبب بطئه.



المدرب قريتس: 9 من 10
امجنون هذا؟؟؟ من زمان واحنا ننتظر نشوف الهلال بهذا المستوى الهجومي .. معقوله يلعب بمحور واحد؟؟ واستخدام الشلهوب كمحور وهمي؟؟ ما توقعت احد يلعب بمحور واحد ابدا الا هذا المدرب. واظنه من من يتستخدم لكل مباراة خطه. فالفريق الضعيف لن يلعب معه بمحورين. ممتاز تفكيره. حبيت ايضا ضمته للشلهوب ويفرح به مرره، تحسه يحب اللاعبين مع انه شديد معاهم.