27/08/2009, 04:39 PM
|
| زعيــم متواصــل | | تاريخ التسجيل: 14/07/2007 المكان: في قلب سامي
مشاركات: 167
| |
|
ممنوع الدخول + لا تشرب مويه
السلام عليكم إضافة إلى ما كتبه بعض الأعضاء عن التطفيش الذي حصل من إدارة ملعب الملز أحب أن أسرد لكم ما حصل لي . حصلت واحد يبيع التذاكر بـ 30 ريال وبعد ما نشفت ريقه ( آخر كم , كم آخر .... )  أخذتها بـ 25 ريال , الكلام هذا الساعه 9ونص . دخلت المدرج اللي تحت وحصلته شبه مليان وقررت اطلع فوق لكن للآسف عند الدرج عسكري يقول مـــمــــنــــوع ولأني أبي أكون في نص المدرجات لأجل أقدر أشرف على اللاعبين >>> وش عنده المدرب  ، قررت اني انتظر وانتظرت وانتظرت وطال صبري وانتظاري والعسكري يقول ما جاء أمر للحين ، المهم الجماهير كثروا وقاعدين يقولون له الملعب تحت مليان روح شوف وهو يقول اللهم إني صايم >>> نصبه قوية المهم فتحوا المدرجات اللي فوق الساعة 10 وخمس دقايق بعد شق الأنفس. خلال المبارة تعرفت على اللي جنبي , واحد عمره حوالي 50 سنة وجايب ثلاثة من أولاده الصغار وقاعدين نقول الملز أحسن من الأستاد عادي تدخل بالمويه ونمني أنفسنا ولما انتهى الشوط الاول قلت باروح اجيب مويه واتهور واحلف عليه ان ما يدفع ريال عاد هو طالب علبتين يعني ( 1×2 )+3= 5+ أنا = الله يعين طلعت لاجل اشتري المويه والاقي المصري اللي يبيع شوي ويبكي ويقول ممنوع البيع , سألته ليش قال العسكر يقولون لا تبيع ممنوع . رحت للعسكري سألته ليش قال رح اشرب تحت ( يعني انزل للأكشاك اللي عند نقاط التفتيش , يعني مشوار ) حسيت وقتها اني في سجن سونا مع مايكل سكوفيلد , وكان الدخول بالمويه برضه ممنوع , رجعت لخويي وقلته ممنوع وهو فكر اني مطفر وقاعد اصرفه ولكن الله يعلم وش اللي في النية . ما راح أتكلم عن زحمة الدخول والبابين الصغار اللي ما توسع جمل لكن اللي هونها في خاطري اننا فزنا 5-0 أتمنى من إدارة المنتدى إن تفعل عضويتي مع خالص شكري وامتناني وشكرا جزيلا أخوكم :  السامي سامي 99
اخر تعديل كان بواسطة » السامي سامي 99 في يوم » 27/08/2009 عند الساعة » 04:43 PM
السبب: أخطاء إملائية
|
الوضع الشجري
