الـسلام عليـكم ورحـمـة الـلـه وبـركـاتـه

صبالنور ياقدعان ..

مع اني ادري ماوراي احد قايم هالحزة .. خميس ورمضان ..



مبروك الفوز وعساكم من عوداه ان شاء الله


سنترة

أي واحد من الرياض يدوَرلي الـنايترو همسون ويقبّل وجنتيه نيابتن عني وأصالة عن نفسي ..

ويلي ..لك مني صك إقرار وإبراء ذمة إنك تستاهل 50 مليون لابوها لابو 50 مليون ذليناك عنده يالأشقر

أهم كلمة تعلمته السنة اللي راحت هي كلمة تكتيكي .. أي واحد ماله فايدة صرت اسميه تكتيكي

سجل عندك مباراتين وأفضلية .. مهب لاصار آخر مباراة بالدوري وهبط مستواه نسيتوه.. وقلتوا مانبيه ..

أول الدوري مثل آخره .. لاحد ينسى


وإن لا قاكم ويلهامسون سلموا لي عليه .. طمنوني الاشقراني عاملة إيه الدنيا فيه



#- لي (Wings) .. يرحم رئيسن جابك .. رئيسن هيبة ماسك عصا وحاط سكسوكة ودايم يحضر مباريات الهلال

نسيتنا نامي وشلة الكديش اللي قبله .. نسيتنا سول اللي يركض وسط رمل ..

نسيتنا كوري النصر اللي كنه رقاصة بفلم ياباني ..

انا اشهد ان اللي جابك للنادي واحدن راعي طاعة .. والله وفقه ووفقنا بك ..

باي باي رميات التماس الغلط .. قود باي أكل العشب كل خمس دقايق ..

يالله N تحفظه لنا يارب .. وتحفظ لنا الزوري ومكينته اللي بدت تخبّط ..




#- بعض الاقلام في المدرج تنتظر كلمة أحبك .. أقصد تنتظر زلة على اي لاعب .. إداري .. رئيس ..

تلقاها لا فاز الهلال قعدت تعيّييييط ..

يبست اقلامهم من مستوى الهلال .. يحولي



#- الهلال سره باللاعبين اللي يصنعون الفارق .. وكانوا اكثر من نص الفريق ..

اما الفريق ككل تلقى به لاعب او لاعبين مهب نقاط قوة .. بس بنفس الوقت مهب نقاط ضعف ..

الهلال الموسم هذا مكتمل عناصريا .. لكن اللي يصنعون الفارق 4 او 5 اذا كثرنا ..

الموسم اللي راح .. غاب صانع الفارق ... وتواجد نقطة الضعف .. وغبنا عن اسيا ..

بإذن الله الموسم هذا استثنائي ..




#- رئيس القادسية .. رئيس نجران .. كلهم اشتكو التحكيم ..

الأول يقول الحكم ظلمنا .. وفريقه يلعب كرة يد داخل الثمانطعش

والثاني بين الشوطين في لقاء معه .. يقول اللاعبين كلموني وقالوا الحكم كل ماكلمناه عطانا كرت اصفر ..

ياخوي كم كرت اصفر بالشوط الاول ؟ .. مع وين تشوف المباراة انت !! أجل كلموك؟ لاقينا بشارع ؟.. زين



#- حكم الهلال والقادسية حكم النصر والاتفاق .. برضو ماشاف بلنتي الاتفاق اللي بيد النصر ..

طيب حولوه يحكم بولينق والا تنس ارضي واصرفوا له راتب هناك بس لاتخلونه يحكم بالدوري ..



#- دوري طول وعرض .. واعلام .. ومادة .. وجماهير .. وبشوت وهياط ..

يلعب به فرق مثل القادسية والفتح والرايد ونجران .. ابي اشوف طقم يفتح النفس مالقيت ..

قطّوا لكم من 200 ريال وجب لك فنيلة تفتح النفس اقل شي الواحد يحس ان الدوري تغير شوي ..

وحط لك شعار شركة راعية من نفس منطقتك .. لو شعار مغسلة ملابس






#- جمهورالهلال كبير أخلاقه .. لكن أمس اخطأ .. والعتب على قدر المحبة ..

وماعلى جماهير الهلال عتب ..

وش خلينا للجار وجماهيره .. ؟ ..

اتمنى شي يتحقق بالملعب .. ميخالف لو قبع البقس بينكم ..

بس أقل شي لو احد شاف احد مثلا يتفوّه بهالكلام مثلا .. < شف .. بعد يتفوّه اتمنى تاخذ الكلام جد

يعني اقل شي يقوله يهدَي ويروّق .. ويسكته يعني ويباشر عليه بماء والا كيس فصفص ..

لكن ان الجماهير تردد معه .. والله قوية بحق الهلال .. وخطر تنقل مباراته والا يلعب بدون جمهور ..



تحياتي للجميع .. وتمنياتي للأزرق الهلالي .. والاخضر السعودي .. بالتوفيق