27/08/2009, 10:24 AM
|
| زعيــم جديــد | | تاريخ التسجيل: 11/02/2009
مشاركات: 1
| |
|
16 عالميا ..!
السلام عليكم ورحمة الله وبركاتة
بعد التحية ...
رمضان كريم للجميع ونسأل الله العلي القدير ان يجعلنا ممن نزلت عليهم رحمته في اول هذا الشهر الكريم و ان يغفر لنا ذنوبنا وان يعتق رقابنا ورقاب المسلمين من النار وبعد ...
بدا دوري { زين } السعودي وبدا حصاد الاندية وجني ثمار الإعداد ... بداية متعثرة ولخبطة قد تُرجع تصنيف الفيفا في ترتيب دوريات العالم ... بدا فنياً قوي ملئ بالاثارة والندية بين الاندية ولكن ....
مدخل ...
تبي تشوف مبارة فريقك ؟ ادفع ..!
كم ادفع طيب ؟ ..
يؤؤ ياخي لو تجمع فاتورة الكهرباء وفاتورة الماء وفاتورة الهاتف للشهر الي راح تطلع اقل من الدفع !!
=====
* بداية الدوري الزعيم بداية جيدة بقيادة رجل محنك يعرف الشاردة والواردة في عالم المستديرة وكأني ارى ملامح وجهه في تلك المبارة الاولى وبعد تسدحات وتبطح الفريق المقابل و قرارات الحكم الظالمة كأني اسمعه يقول في صدره ياقريتس ناديك بطل لكن هذا الدوري اكيد ترتيبه 16 ..؟
اجل ياقريتس لو انك تعرف عربي وسمعت تصريح رئيس ناديهم بعد المبارة وش بتقول ؟
* دخل المدرب وشاف الجمهور في عز الرطوبة وشاف المدرجات " بشر غريبة في اسوء حالات الطقس والمدرجات ممتلئة تقريبا 90% منها باوادم ليست مثل الاخرين اوادم عشقها ازرق عيونها ترقب بلهفة بداية لعبة جماعية جميلة وكني اسمعه يقول في صدره اذا بالرطوبة وكذا ... سامي لو اسوي مشروع ملعب بسعة 100 الف مشجع واهديه للاتحاد السعودي بس ابي جميع مباريات الهلال في ملعبي والدخل الجماهيري لي تهقى يوافقون ..؟ قال سامي وهو يبتسم مرسي .. فهمها قريتس وغير الموضوع ..!
* الفريدي سلامات ياكبتن هاه بشر كيف الكسر المضاعف ..
لا الحمدلله على كل حال ...
كيف حال سعد الحارثي ومالك معاذ والشباب الباقين اذا تعرف اخبار عنهم ..
لا الحمدلله بخير ان شاء الله
اي والله الحمدلله على كل حال واحلى خبر سمعته اليوم انك رجعت للتدريبات وحصول دورينا على 16 عالميا ..
دوري { الواسطات } + دوري { المسلسلات } + دور { التباكي والتصريف } + دوري { الكرة الامريكية} + دورة تدريب الحكام + دورة تجنيد العساكر !! = دوري { زين } 16 عالميا ..!
* محمد اسمع تراني بشوف طاش واحلى خط لاحلى ملعب .. انت معك تذكرة .. ايه شريتها امس من النادي
ياحظك يامحمد انا بشتريها من الملعب ...
وش هالزحمة ياولد لايكون داخل الملعب يوزعون سيارات بلاش وش هالجمهور كله .!؟
ههههه اذكر ربك هذا والمبارة مابدت باقي عليها ربع ساعة ...
ياليل الليل اسمع انا بدخل قبلك واحجز لنا مكان انت اشتر تذكرة وانا بحجز المكان .. تم ؟!
تم ..
دخل محمد وبدت المبارة والجماهير تنتظر بالخارج ...
يووه المبارة بدت بسرعه تكفون .... ياولد لو اني في مكة وفي 27 رمضان كان امداني اعتمرت ويمكن امداني تعشيت من البيك بعد وش السالفه ..! وش فيهم مايدخلون الجماهير ..
لو سمحت ... وش السالفه قدام عند البوابات وش فيك راجع ليه مادخلت ؟!
ماقدرت اصبر ياخوي انا معي ربو وكتمه والزحمة سببت لي ضيق تنفس والعسكر قفلو البوابات مدري ليه .. بس اذا مامعك تذكرة خذ هذي ترى شاريها بـ 50 .. يالله مع السلامة
محمد يتصل ...
هلا محمد ... اما ولهامسون جاب قول كم لها المبارة .؟ اما 10 دقايق .!
ياولد شكلي مطول اشوف عسكري يضرب له واحد من الجمهور واثنين ماسكين مشجع ومركبينه الدورية
انا مدري وش السالفة شكلهم ارهابيين ياولد ..؟
بعد ربع ساعه من مكالمة محمد ...
الو محمد انا بروح اقرب مقهى بشوف المبارة واذا خلصت المبارة بجيك .... طيب ياخي والتذكرة الي قلت لي .. الي شراها صاحبها 50 ..؟
لا ماعليك محمد هذي بحتفظ فيها عشان التذكرة لدورينا الي ترتيبه 16 عالميا وانا بعتبرها مفخرة لي احمل تذكرة دوري { زين }..!
==========
مخرج ...
اجل تقول فاتورة كهرب وماء وهاتف .. طيب ياخي محد جبرك تشوف المبارة بالتلفزيون رح للملعب
هاه ... لالالالا تكفى الا الملعب لا تكفى امس في الملز ولدي يقول لي ... بابا .. ابو غريب عادي يصير عندنا بالسعودية صح ..!؟
==========
على اللهفة نلتقى وعلى الشوق نفترق ...
لافت نظر ... |
الوضع الشجري
