فكرة - سندريلا الهلال اعداد ومتابعة - الهنوووف تصميم - عسيريه
لنا من كل عام شهر فضيل .. أعاده الله علينا وعليكم وجميع المسلمين بالخير واليمن والبركات وكل عام وانتم بخير
**][يوميات رمضانية 14300 هـ ♥][ ** لقد عدنا اليكم .. تحملنا الاشواق للقياكم .. ونسعد ان نعيش معكم . . في سلسلة تحمل بين طياتها يوميات الأعضاء الرمضانية من كل عام ، هذه السلسلة أنتم أهل بيتها ونحن ضيوفا في حضرتكم ،،، + +.........+ + أهلا وسهلا بكم أحبتنا .. ودعونا نرحب سوية بالمضيف "الثاني" المشرف المبدع " سكـب ." لكي يحكي لنا احداث يومه مع شهر رمضان المبارك ..
بسم الله السلام عليكم ورحمة الله وبركاته أولاً أشكر مشرفي واستشاريي المجلس العام على الاستضافة , وأشكرهم على مجهوداتهم الرائعة المميزة في هالصيف بالذات ومن حسن إلى أحسن بإذن الله ! ثانيًا أهنئ جميع المتزوجين - بدون ذكر أسماء - وأقولهم منكم المال ومنهن العيال وأهنئ جميع اللي حصلوا عيال وأقولهم يتربون في عزكم إن شاء الله .
ثالثًا بأبدا يوميتي <<< قل والله بما أنّ اليوميات المفترض تطرح الساعة 3 مدري 2 , المهم يعني بنص الليل يومي بيبدأ من ذيك الساعة , بعد الانتهاء من التراويح , شغلت سيارتي وعلى الملعب , نضبط الأنوار للعب ما خلصنا تقريبًا إلى الساعة 1 , وبدا اللعب , لعب على خفيف الحضور ما كان كثير , فجلسنا بعدها نتكلم عن الفريق ونقاشات حادّة عن الاستعدادت للمباراة القادمة وأيضًا سلبيات المباراة الماضية , خصوصًا الهجمة اللي ضيعتها << عوايدك تقريبًا رجعت البيت الساعة 3 وشوي إلا أخوي يقولي يلعبون كورة طايرة بمزرعة عمّي , ورحنا لعبنا هناك إلين 4 بالضبط , <<< ترى الفيس ذا بالعافية طلع , الظهر هو آخر واحد , خلصته متابعه أمس
جينا تسحّرنا , طبعًا أنا للحين ما قد تعشيت , لسه ع الفطور !! فكان سحوري هو العشاء والسحور في آن واحد قمت وطقطقت ع النت شوي إلا أخوي يقولي الحق باقي دقيقتين ع الأذان يوووووووه , أنا قاعد ألعب من الساعة 1 إلين 4 ورطوبة محترمة , أقوم لبرّادة المويه إلا والماء مخلّص , يا ذي الحالة وبسرعة أحط دبّة مويه جديدة , وأشرب يمكن 4 كاسات والماء لسه ما برد , انجبرت ! على آخر عمري أتسحر مويه دافيه , والله كان شعوري لا يوصف حينها يا جماعة الماء البارد لمن تشربه ينزل سييييدا , لكن الماء الدافي أحسه ينزل في الرئتين وبعدين يرجع لطريقه ! أذّن , قمت أخذت لي دشّ بااااااارد
وعلى بال ما رحت المسجد إلا وهم يقيمون الصلاة .صلّيت معهم ورجعت قريت جريدة أمس مع إنّي غالبًا أكتفي بتصفحي للمواقع لكن بصراحة جذنبي كاريكاتيرهم . بعدها جلست أضبّط بجوّالي كم شغلة , ونمت نومة هنيئة ولله الحمد !
صحيت الساعة 9:30 على أساس إنّي بروح الوكالة بس كنت سكراااان للغاية , فرجعت نمت ! صحيت لصلاة الظهر , صلّيت ثمّن رحت السوق جبت بعض الأغراض الخفيفة ما طوّلت , رجعت يمكن على وحدة ونص أو ثنتين نمت إلين العصر , وصحيت للصلاة , ثمّ قرأت وردي اليومي , وبعدها دقّ عليّ الغالي لون الماء فاضي قلت فاضي , ورحنا السوق , وأخذنا ما تيسر لنا من الأغراض
رجعت وباقي تقريبًا ساعة ونصها ع الأذان , فتحت النتّ وشيّكت ع المخالفات , ورديت على كم موضوع , ثمن نشبت في موضوع يوميات متابعة , وعين على الموضوع وعين على خواطر إلين قال الله أكبر وأنا اللي أنقز أبعوض سحوري بالمويه الدافية هع وأفطرت فطوري المعتاد , 5إلى 9 تمرات + كاس مويا باااااردة تردّ الروووح , وبعدها عدد لا نهائي من السمبوسة المنزليّة + كاس تانج برتقال + كاس فيمتو فقط لا غير ! جاء وقت الصلاة , قمت صليت , ورجعت لفترة الـMBC وشوية فرجة وشوية نت وشوية هواش إلين أذّن , شفت شوي من مباراة الانتر ورحت أصلي .
جيت بعد الصلاة , تقريبًا ع الساعة 9 : 40 , عطست بهالوقت كانت مباراة قويّة بين ريال مدريد وتشيلسي طبعًا أنا ريال مدريد وأخوي الصغير وآخر العنقود أسيد تشلسي هذا الـ أسيد يعتمد اعتماد كلّي على البنية الجسمانية , أيّام كان ادريانو بالانتر , ياخذ الانتر ويمشي ادريانو من الدفاع للهجوم وقووووووول مافي أحد يقدر يكاتفه , ولو جيت بتقطع الكورة يروح عنّك بلمح البصر , يعني يا قول يا فاول وكرت أصفر عمومًا انتهت المباراة بهزيمتي بيض الله وجهي بـ 3-1 وأنا اللي بدأت التسجيل وعادلني وبالاشواط الاضافية سجل هدفين غبيّة للغاية أحمّلها الحارس كاسياس وما أنسى إني كان مطرود منّي لاعب أصلاً أنا أدجّ لاعب بلستيشن بالبيتنا بعدها تذوقت قليلاً من الشوربة , وقمت لأتجهز للمباراة المرتقبة .. وأثناء ذلك كنت أشوف لقطات من مباراة اليوفي , لبست ورحت لمّهم على أساس إن مباراتنا هي المباراة الثانية , أثاري مباراتنا بدري عليها , استغليت الوقت لأمارس عادتي الاسبوعية في الحلاقة ومريت على سيرفراز اللي ضبطني أيما تضبيط , لعبنا تقريبًا الساعة 12 انتهت المباراة بفوزنا بهدف , اللي جاء عن طريق مقصيّة خلفية مميزة من النجم سكبكب أمزح صح إنّا فزنا لكن مو أنا اللي سجّلت رجعت بعدها لأتناول وجبة العشاء المميزة , المغشّ ثمن جلست أكتب لكم هاليوميات ! يالله تامرون على شيء <<< تصريفة مميزة أشكر كل بو من تابع ودخل وقرا , والشكر موصول حتى للي ما دخلوا مع إنهم ما يستاهلون أتمنى من كل قلبي إنكم ملّيتوا , لأنّ المطلوب منّي كان يومي بالتفصيل المملّ
أشكركم على المتابعة , وبقولكم إنّي أحبّكم تقبل الله صيامكم وقيامكم , وجعلكم من عتقائه .. كان معكم من الإعداد والكتابة وكلّ أبو شيء أنا سكبكب
سلام
كل الشكر للمبدع **][ "سكب "♥][ ** وانتظرونا غداَ مع الاستشارية المتميزة - شــذى .-
أرق التحايا وأطيبها من مشرفي واستشاري المجلس العام
يوميُآت حلوة , وفيهُآ رياضة وترفيُه .. وإن شاء الله المُرة الجَآيةُ تفوز ع أخوك بالبلايستيشنَ , وعسآك إن شاء الله تسّحرت مضبوط اليوم .. عوآفٌيَ سكبكب .. عوآفي مُجلسنا .. عوآفي لمن هم خلف الكاميرّا .. وننتظر " شـدّى " بآتسر إن شاء الله !
أهلن: صديقي المشرف سكب : ) ماشاء الله يومك كله فيه نشاط و حلو مو زينا نوم و نت = ( أستمتعت بقرائة يومك كتير ، حبيت أسجل حضور فقط . شكرا حبيبي سكب ( L ) الشكر أيضاً لجميع القائمين على المجلس العام و نخص، الهنوووف
يا اهلاً وسهلاً بمشرفنا سكبكب << عجبني الدلع .. مدري هذا الشيء
يا الله على اليوم المشغول بالحركة والطلعات مهوب مثل وجهي متقوقعة في البيت والمشكلة أشوفك طالع من البيت الساعة 1 وترجع الساعة 4 الفجر وأنا لسان حالي يقول ( يووووه الوقت متأخر )
نسيت أنكم كذا يا الشباب طبعاً بإستثناء أخوي الكبير عشان كذا مو متعودة على هالأوقات الخيالية
يومك راائع جدا اخي سكبكب مع اني زعلانه عليك بس قلبي ابيض ورديت عليك ,, وياليت بس رديت بل كنت انتظر ينزلون اليوميات ,,
,,
*
اعجبني يومك عشان فيه مباريات كثيرة ,, ولا لاعبي ريال مدريد لعبو زيك كل يومك مباريات
,,
*
شووكرا لجميع المشرفين والاستشاريين وخاصة عسيريه ,, الهنوف ,, << نسيت الباقي هع أهم شي اللي تعبوا في اليوميات ,,
,,
*
وبانتظار يومك يا شذى ,, واتمنى ان يكون فيه اكشن ,,
,,
*
وأقولهم منكم المال ومنهن 
العيال 
وبدا اللعب , لعب على خفيف 
عن الاستعدادت للمباراة القادمة وأيضًا سلبيات المباراة الماضية , 
<< عوايدك 
, 
<<< ترى الفيس ذا بالعافية طلع , الظهر هو آخر واحد , خلصته متابعه أمس 
, 
فكان سحوري هو العشاء والسحور في آن واحد 
إلا أخوي يقولي الحق باقي دقيقتين ع الأذان 
, أقوم لبرّادة المويه إلا والماء مخلّص 
, يا ذي الحالة 
, وأشرب يمكن 4 كاسات والماء لسه ما برد , انجبرت ! 
, والله كان شعوري لا يوصف حينها 
, وبعدها دقّ عليّ الغالي 
, ورديت على كم موضوع , 
ورحت أصلي .
خفـيـفه وحـلوه ![الصورة الرمزية الخاصة بـ ...][ هلالي الخبر ][...](images2/images14/images/avatars/world/Image_00106.png)
الوضع العادي
