(( يوميات رمضانية " 1 " )) المتميزة متآبعه بصمت : " وسر الرسالة العاجلة ؟؟؟ " !!! - صفحة رقم 2 - نادي الهلال السعودي - شبكة الزعيم

المنتدى الاستشاري · #1 23/08/2009, 05:29 AM

فكرة - سندريلا الهلال
اعداد ومتابعة - الهنوووف

تصميم - عسيريه

لنا من كل عام شهر فضيل ..

أعاده الله علينا وعليكم وجميع المسلمين بالخير واليمن والبركات

وكل عام وانتم بخير

**][يوميات رمضانية 1430 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،
هذه السلسلة أنتم أهل بيتها ونحن ضيوفا في حضرتكم ،،،

++++
أهلا وسهلا بكم أحبتنا ..
ودعونا نرحب سوية بالمضيف " الأول "
الأخت المبدعة " متابعه بصمت ."
لكي تحكي لنا احداث يومها مع شهر رمضان المبارك ..

اووووووووووووووووووووووولي

^
وش أحس به ؟

السلام عليكم ورحمة الله وبركاته

الشهر عليكم مبارك وسعيد

وباقي الشله

كم أنا مبسوطه بالحيل

< عربي ركيك

جداً جداً

سعادتي لا تفوقها سعادة

ووناستي لا تعلوها وناسة

لأنهم وبكل بساطه عطوني أول يوم

عشان أطقطق على روسكم شوي

وش ورانا

عاد أقولكم

يبدأ يومي السعيد جدا جدا جدا < والله من النصب

في أول ليالي رمضان من الساعة 1:30 رحت يم المطبخ الخارجي
أشوف أغراض السحور من الفلفل البارد إلى الفلفل الحار

إلى البهارات والملح والفلفل الأسود والدجاج والزيت والرز والطماط والبصل والملاس وقدر الضغط وصحن على جنب ورأصني يا قدع

88
اللي فوق المقادير إليكم الطريقه

طلعت من غرفتنا ومشيت ومشيت ومشيت ولفيت بعدين بتلتحصلت المطبخ على يساري

حصلت المطبخ على يساري ثم سحبت جلنط ودخلت

ثم(ن)

خذيت الملاس وجلست أناظره وأتمعن النظر فيه واكتشفت

إن عدم وجوده حـ يسبب كارثه لأهميته فالطبخ

تمنيت أحنطه في هذيك اللحظه لـ عظم مكانته في قلبي

مالكم بالطويله < احلفي

طبعا بعد ما دققت في نظافة الأشياء حقت الطبخ وشيكت على الوضع
ولقيت كوولووو تمام

سميت بإسم الله

موب عن شيء بس لأن عندي أرنب فالبيت وأخاف منه أكثر من خوفه مني

وأنا طول الوقت عين ع القدر وعين ع السكن والسبحه

الأرنب مروعني ترويع شيء فظيع فظاعة أوووم القلق

المهم قررت أصب قليل من الزيت ف القدر وأستحي على وجهي
وأطبخ بلا أرنب بلا بطيخ

بياكلني مثلا ؟

والله أشك

بعد ما صبيت الزيت استنيته يحمى

ورميت فيه جزء من أجزاء قطعت البصله

عشان أتأكد إذا هو قد المهمه أو لا

بس والله طلع قدها وبغى يطش على عويناتي

بعدها كبيت البصل وحمسته وحمسته وحمسته

لين قال اححيييييييه

وحطيت عليه الفلفل البارد وحمسته وحمسته وحمسته

بس للأسف عيا ينطق بارد مثل وجهه

بعدها حطيت الدجاجه وخليتها تتمنى إنها ديك ذيك اللحظه
وتتوب عن الدلع واللكاعه

قال دجاجه قال

ثم(ن)

حطيت من البهارات اللي تحبها قلوبكم

وقلَّبت فالحمسه مع الدجاج لين رحمته

بعدها شفت الطماط حبيب قلبي مقطع بلحاله وقلت في خاطري وش زودهم عنك

وكبيته عليهم لابوهم لابو من جمَّعهم

ورشِيت قليلا من الملح حتى لا ينقلب السحور إلى مذبحه

لأنه إليا صار الملح زايد وش بينفعني حماسي وطبخي وتعبي وشقى عمري

يمدحون الحفاظ على الكرامه

ثم(ن)

قلَّبت الأكل بالملاس لين قلت آمين

وغطِّيته شوي عشان يرتاح من حوستي

ورحت عبّيت لي دبَّة مويه وصبيتها على السحووور

تقريبا أقل من نص القدر

ثم تركت الدجاج يطبخ يجي ثلث ساعة عشان يتأدب

بعدها رجعت بصينية فاضية لعيون الدجاج

وفتحت الغطاء

لقيت الدجاجه تصيح

وتقول تكفين ارحميني

هذي آخر مره أصير فيها دجاجه

بعدها جبت الملاس وطلَّعتها وأنا كلي شفقه على حالها

وسدحتها ف الصينية عشان تاخذ فترة نقاهة في الفرن الداخلي

بعدها خذت الرز وصفِّيته من الماء

ثم وضعته في مرقة الدجاج

وصكيت الغطاء زين وضغطت عليه

ولاّ هو قدر ضغط ع الفاضي

المهم تركته يجي أكثر من نصف ساعة

لين جاتني تهزيئه مُحترمه بالتعجيل

وأنا ساعتها أتحلطم وأسب نفسي في نفسي

ورحت أشيِّك على الوضع لقيت الدجاج تحمَّر من الخوف

بعدها طلعته وحطيته في حافظه

للحفاظ على حرارته

بعدها رحت أشيل قدر الضغط وحطيته في المطبخ الداخلي حتى يتسنَّى لي تقديم السحور

المهم كبيته ف الصحن الدائري الأبيض

طبعا كنت مجهزه جيكات الفيمتو

والتنج

والكاسات

وقطعت حلقات الليمون والطماط

وحطيتها على الكبسه

وأهم شيء قبل هذا كله الشطه

قلوب من هنا للهند

المهم مالكم بالطويله < ايه هيِّن

ناديت البنات والعيال عشان يتسحَّرون وإكراميه مني خليتهم ياكلون في غرفة النوم

مدري وش طرالي

أجر أجر رمضان

بعد ما تسحرنَّا وسولفنا وضحكنا قمت وغسَّلت يدي

< لا يا شيخه إبدااااع

بعدها رحت أتروش بعد الطبخ والكرف والهواش أنا والملاس

ورجعت للغرفه وخذ يا تحشيش

ضحك ع الرايح والجاي
وكل واحد ما يصدق الزلَّه على خويَّه

< استلام رسمي لـ دور ابليس

وبين طلبات بابي

ومامي

إلى أن حآن وقت صلاة الفجر حسب التوقيت المحلي لأقدع مدينة على وقه الأرض

بعدها صلِّيت وصلَّوا ثم غدينا كأننا سكارى بعد يوم حافل من الدجَّه

وتجمعنَّا احنا البنات للخلود إلى النوم

وكل وحده فاتحه النت وعيونها احوَّلت في هالظلما

يقالنا جو شاعري

اللي تقرى قصه ومندمجه بقوه

واللي داخله مسن تسولف معي

واحنا في نفس الغرفه

الله يخلف بس

واللي تصارخ برا ونسمعها تقول ناااااااااااامواااا < ترى مهيب أمي

طبعا شوي شوي ألا والجماعه كلهم خامدين

دخلت المجلس العام ونزَّلت صورة سحوري في موضوع أخونا في الله وليد بن مدري مين القحطاني والنعم

< القلب للقحاطين كلهم

وجات الساعه 5 وزياده وأنا مرتزه على المسن مع إيقاع

إنسانه ولا في الخيال

< تراها ما قالت امدحيني أبد

وشوي تجيني في المنتدى الرسائل الوارده 1 :

ألاَّ أشوف المرسل ليو ميسي

يبي يشتري فريقنا بالفلوس

على باله إن الفلوس بتغيّر روح الفريق وأخلاقه

هذي آخرتها يا ليو

؟
< نكبه

المهم جاهدت النوم بكل ما أملك من قوه
إلاَّ أن آلآم

الظهر لم تتركني في حالي بعدها انخمدت بحمد الله ورعايته

صحيت على الساعه 1:30 صليت الظهر

ورجعت انخمد

لما أذن العصر وصلوا وخلصوا

ساعتها قمت وتوضيت وصَّليت ودرعمت على المطبخ

وسوِّيت عصيري المميَّز[المريسسسه]

أسمِّيه عصير أهل الجنَّة لما فيه من ردَّه للرووووح

وطبعا لأنه من يدي أكيد بيكون غير

ومليت لي جيكين وحطيته بالفريزر

وااااااااااااااااو

< يقالَّها بتغريكم بالطعم

المهم بعدها رحت لبيِّي

يناديني عشان أكلم عمتي

عشان

أعيِّد عليها

قصدي أبارك لها بالشهر

عطاني الرقم الله يطول بعمره

0 والباقي ما تغيَّر

وأنا أدق والتلفون قال رن رن رن محد رد وانبسطت في داخلي

لأني منيب فاضيه وراي شغل ف المطبخ

بعدها ردت بنت ما أعرفها

قلت السلام عليكم

قالت وعليكم السلام

قلت وين عمتي ......

قالت مين؟

قلت وين عمتي

قالت النمره غلط غلط

بغيت أقول الله يجزاك خير فرَّجتيلي هم هالمكالمه

بس قلت شكرا

مع السلامه

وأشوف أبوي يناظر فيني

قلت يبه الرقم غلط

< مبسوووطه إنها افتكت

قال كذابه

داري إني ما أبي أكلم

قلت وشو كذابه

أقولك الرقم اللي عطيتني إياه غلط

بغيت أقولع لا تصرِّف

وتقول إني أنا الغلطانه

المهم خلاني أدق من جديد

< ابتلاء وامتحان

ودقيت ألا شوي وأنا أسمع صوت عمتي

وسلَّمت عليها وباركت لها وتسألني عن أحوالي بعدها أبي أنهي المكالمه

ما عرفت

ألا أشوف أخوي قعد جنبي

وقلت لعمتي ترى ..... بيسلم عليك

ورميت عليه السماعه

وأنا أشوف التوسُّلات بعيونه

وانحشت

وأنا أروح للمطبخ فاااااااااااطسه ضحك

وأعلمهم باللي صار

<< تحشيش

وسوِّيت المعجنات معهم وجهزنا الفطور من مقامييييعوووه

بعدها حآن وقت الآذآن في مدينة أم الحلزونه

خاش بااااش

يمه انحاااااش

وأفطرنا وعيَّنَّـــا من الله خير

يارب يدوم علينا نعمته وفضله

بعدها صلِّيت المغرب وحاولت أرتاح بسم الله على قلبي

وطلعت أشرب الشوربه

ورجعت أرتاح كمان

ودخلت النت شويتين شيَّكت ع المجلس حبيب الألب

ودردشت مع البنات مسن

وهبَّلوا فييني وهبَّلت فيهم

وعطيتهم أسئلة يحلُّونها

وجمَّعتها الحلول كلها عشان أعرضها عليكم

وكانت الأسئلة كالتالي

1- وش رايك بـ متآبعه بصمت ؟ بكل أمانه لو سمحتي

إيقاع المطر

:
متابعه ملح المجلس

الملقوفه الي تحوس الموضوع بكلمتين

ويصير فيه اخذ ورد بالموضوع الي تشارك فيه

يعني تسوين اكشن واحلى شئ فيك ما تجاملين حسب ما اشوف

ربطه وشباصه

:
خفيفة دم على شوية لعانه وملكعه الى اقصصصصى حد

بنت عبدالعزيز

:
اممم مثل ماقلت كنك النمل في بيتنا بكل مكان وبكل حته الله لا يضرك

عاشقة الزعيم15

:
حبوبه ماشفت منها الا كل خير

حتى ظلالي هلالي

:
مت مت

عجولهـ نوعا ما

اذا ماكان غالبا

شـــذى

:
متابعة بصراحة من الناس الكويسين

طيوبة وحبوبة بس احياناً عليها دخلات مدري وش تبي

2- طيب هل تتمنين زوالي من المجلس في القريب العاجل ؟

إيقاع المطر

:
لا

, لا يكون عندك نيه زوال ؟

ربطه وشباصه

:
يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ

اقسم بالله مالك داعي اذا زلتي

وان سويتيها بزول معك

بنت عبدالعزيز

:
لا اتمناه بالقريب العاجل ولكن اتمناه في البعيد البطىء << م ص ا ل ه
لا عاد الجد لا والله يكفي الي راحوو

عاشقة الزعيم15

:
احووبك مقدر على فراقك وزوالك طبعا

حتى ظلالي هلالي

:
حلوهـ زوالي

حسيتكـ دعاية فانيش

لا والله ماتنمنى زوالكـ يا ام زوال

هو لو كل شيء بالتمني يجي كان تمنينا شيء اكبر

يعني مثلا تصيرين عضو مجلس ادارهـ

شـــذى

:
أعوذ بالله وش زوالها ما زوالها
والله لا متابعة ولا غيرها أتمنى زواله من المجلس
صح نقول يارب فلان وفلانة يتوقف

يعني قرصة اذن

بس زوال نهائي لا
3- ماهي نصيحتك القـلبيه لحبيبة قلـبك متآبعه بصمت ؟ << بكيفي

إيقاع المطر

:
انصحك تبقين على ما انتي عليه
بس يا حبذا لو تغيرين اسمك

يعني متابعه بصمت ابدا مو لايق

ربطه وشباصه

:
والله من ناحية حبيبة قلبي فأنتِ كذلك ويحصلّك الشرف مين قدّك

ومين يحصلّه بس !
*ونصيحتي القلبيهَ، ماقاله تيمون لسيمبآ
هكُون متاتا / حِكمَـــــة نغمهَآ لزيز
هكوونَ متَآتَآ ، ارمِ المآضِي اللي يغيييييز ..
*انسآه والمستئبل ، إدّيه كُلّ التركُيييز
هادا هو البـ...... الفلـسفي هكُونَ متاتا <- توهقت

مآعرفت وش اللي بالفراغات

اعرف أنصح صح !

بنت عبدالعزيز

:
ماعندي حبيبة قلب اسمها متابعه بصمت اسفه

الجد ماعندي نصيحه لحبيبة قلبي متابعه

عاشقة الزعيم15

:
خلك مثل ماعرفناك ولا يغيرك شي

حتى ظلالي هلالي

:
عندي نصيحهـ اذنيهـ بس قلبيهـ مافيه

بس نصحة امشي فيها خلي الناس عل جنب وعيشي حياتك

ماعليك من جنس مخلوق على هالارض

حياتنا ومستقبلنا وامورنا كلها بيد الله

مالاحد منّهـ ..

شـــذى

:
متابعة حبيبة قلبي

بجد عندك قلم ذهبي وفريد من نوعه
داخله على الله ثم عليك لا تغتالينه بدجتك

4- وش ملاحظاتك علي ؟

إيقاع المطر

:
اممم ما ادري والله بس المميز فيك التسرع والتهور

ربطه وشباصه

:
مافيييييييش <

بنت عبدالعزيز

:
ملاحظاتي امممم اتركي عنك الجفاسه وانا اختك شوية نعومه وركّـهـ

عاشقة الزعيم15

:
لا تثقلي المزح زي المره اللي قبل

حتى ظلالي هلالي

:
زي ماقلت لكـ عجولهـ شوي

امممم تعصبين سريع سريع

يعني تكرونيه تقريبا

شـــذى

:
ملاحظتي عليك إنك راعية فزعات

وماتقصرين في الردود مع صاحب الموضوع

//

ها أنتم يا حبيباتي ويا فلذة تسبدي جاوبتنَّ على أسئلتي السامجه

واللتي وضعتها لكم لأعرف مدى سماجتكم

لبــى العرب بس

يا أعضااااااااااء شويَّة تركيز لو سمحتوا

بعد سوالف المسن حان وقت آذان صلاة العشاء حسب التوقيت المحلي لمدينة داعس

وشيء طبيعي إني إذا سمعت الاذان أصلي

أجل ألعب حبشه

وبعدها دخلت النت وسوالف شوي مع الأهل

وشوي مع البنات

إلى أن قالوا بنطلع للسوق

وانا اللي أطير ف العجَّه

أطلع يعني أطلع

وخذ لك يا أعذار

أولها يدي تعورني بروح الصيدلية

وأنا والله أبي أتنفَّس

خلَّص الهواء في بيتنا

سبحان الله

بعد طقاق وطقيق عشان الوالد موجود ولاَّ كان طالعه منذُ مبطي

المهم إني قلت طالعه طالعه الله لا يعوقني ابشر

عاد طلعت وأنا ضايقت(ن) بي

وأفكر إني أهاجر

تعرفون ابليس خمد

بس انا لسى صاحيه

رحت لحل عدسات

بعدها شيَّكت على حسابي

بعدها طسِّيت لأحد الأسواق في مدينتي الحلزونيه

ثم تكِّيت عند بنده

إلى أن شاء الله ورجعت

ما جات 11:30 ألا وأنا في بيتنا العزيز علي واجد

يا ليت بس من شاله هالأيام وحطَّه فـ الطايف

بعدها قلت يا بنت احترمي نفسك

واكتبي يوميَّاتك لا تجيك هنوو وتكفِّخك

والله وأنا اللي أجلسلكم ثلاث ساعات أكتب وأكتب وأكتب

الله يعطيني العافية ويكثِّر من أمثالي

عاد لا تصدّقون إني بأكتب لكم كل اللي يصير لي

على بالكم تمونون

لا جد أحداث عائلية

وقنابل ذريّه صارت أمس

بس الصمت زين

لبيه بس يا أنا

عقل وثقل

الله لا يحرمني من وجودي بهالدنيا

لا خلا ولا عدم

يالله سلموا واستروا على ما واجهتوا

//
هنوووف يالعسسسل

شكرااااا قد الدنيا

كل الشكر

للمبدعة**][ " متابعه بصمت "♥][ **
وانتظرونا غداَ
مع مشرف قسم الاتصالات المتميز سـكب

.

أرق التحايا وأطيبها من
مشرفي واستشاري
المجلس العام