|| الخيمة الرمضانية || - صفحة رقم 2 - نادي الهلال السعودي - شبكة الزعيم

Carlitos 32 · #16 22/08/2009, 08:29 PM

شباب

اللي يعرف قناة ثانية تعرض باب الحارة ياليت يفيدنا

mbc وقت اعادتها بايخ جداً ,, فيه اعادة الساعة 10 الصبح ؟

السنة اللي فاتت اذكر ليبيا الشبابية تعيد المسلسل ع الفجرية تقريباً
اللي عنده معلومة عن قناة تنقل المسلسل غير mbc يفيدنا

ع ـشقهــا هـلالـي · #17 22/08/2009, 08:50 PM

~آخبـآر آلفيمتــوو معكــم ..

يالله عسآنـآ من صوآمـه وقوآمـه
قولوآ آميـن ..

سيـآ ~

Blanco Soul · #18 22/08/2009, 08:55 PM

يعطيك العافية حبيبي عمر ..

ياليت لو كل واحد ينزل بطاقته هنا

ودنا نقرب الاجواء الاخويه شوي

..

إســمك :

عـــمرك :

وظـــيفتك :

جدولك في رمضان :

وادري ان هالسؤال تكرر عليكم اكثر من تسعين مره

ياليت نستغل هالشهر بالطاعات حبايبي

زعلوهـ · #19 22/08/2009, 10:16 PM

ابشر حمودي ما طلبت شئ

ببدأ انا :

إســمك : نايف الشمري

عـــمرك : 18 سنه

وظـــيفتك : طالب بالثانوي

جدولك في رمضان :
اصلي الفجر ثمن انام ،، اصحى لصلاة الظهر اصليها و اقرا لي كم وجه

ثمن انام بعد

اصحى عشان اصلي العصر واقرا لي كم وجه ،، وعقبه اجلس ع التلفزيون والنت ،، اطقطق شوي بهالقنوات والا ادخل الرابطه ،،

اذا اذن المغرب .. طبعا افطر

ثمن اصلي واجي للبيت و اتكي مع الاهل

واخواني

وننتظر طاش ونشوف نص بيني وبينك ثمن نروح نصلي العشاء و التراويح

بعد الصلاه نروح للاستراحه نتكي بها الى الفجر

بلوت على بلاي ستيشن على لعب كوره ،، احياناً تمسك معنا سباحه

اتسحر بالاستراحه ثمن ادز البيت على طووووول انتظر الفجر واصليه ويرجع النظام مثل اول

وسلامتكم

Carlitos 32 · #20 22/08/2009, 10:20 PM

محمد

آنا مثل زعلوهـ بالظبط

بس غير الاسم من نايف الى عمر

F.C.Blaugrana · #21 22/08/2009, 10:56 PM

بالنّسبة للتعارف ، مع إني أشهر من نار على
علم < صح يا عبّود ؟ ، بس لعيون اللي طلب بتكلّم ..

عبد العزيز النهابي
19 سنة .. السّنة الجاية
تحضيريّـة إن شاء الله ..
إنقبلت في جامعة الملك سعّودي ..
هندسة .. أما الجدول في رمضان .. على
حسب مكان الإقامة ..

**

اللي ذكّروا بقراءة قرآن أو نصح !
الله يجزاكم خير ويجعله في
موازين حسناتكم ..

**

عمر ، ما لك إلى التحميل يا شنب !
وإذا بغيت رابط بنقاوة منتازة عطن علم ..

**

إقتباس

ياليت بدون تواقيع اللي حاط بيت شعر عادي

الحقير اللي قال لي أشيل توقيعي
لا يتكلم من دون علم ..

على الطريقة الجابرية · #22 23/08/2009, 12:38 AM

اخيرا فتحتو الخيمه

يالبيه بس

اول شي كل عام وانتم بخير

ومبارك عليكم الشهر

وجعلنا ربي واياكم من عتقاءه من النار

الموهم

انشاء الله الخيمه تكون مثل خيمة العام

حماس وضحك وفله

انا الحين برب

شويات ونرجع معكم

تـــــــــــiiiــــــــــــــــــاg

hilalemooot · #23 23/08/2009, 01:12 AM

وينكم ؟

تذكرت سامي توتي كوم .. بالله وينه طلعوه لنا واحشنا ابن اللذينا

MiLAN LoVeR · #24 23/08/2009, 01:29 AM

حيييييييييييهم

كل عام وانتم بخير ومبارك عليكم الشهر

والله يعينا وياكم على صيامه وقيامه

وكل الشكر لـ الغالي Carlitos 32 على الخيمه الي بتضفنا

المهم برب .. ولي باكات كثيييره

س/ من يذكر البلياردو وتصوير النتايج العام الي راح ؟

الزعيم بقلبي · #25 23/08/2009, 01:34 AM

يالله حسن الخاااااتمه

إســمك : عبدالرحيم السبيعي

عـــمرك : 20 سنة

وظـــيفتك : طالب مبتعث في دولة كندا

جدولك في رمضان : مايخفى عليكم ياجماعة الخير الصوم هنا متعب جدا جدا , غير المغريات اللي في وجهك 24 ساعه

نهارهم طويل يخرب بيتهم

يأذن الفجر الساعه 4:30 ويأذن المغرب الساعه 9:45 يعني فوق 18 ساعه صوم بس على أجر ان شاء الله

والله الجدول بالنسبة لي مابعد يطلع لأن عندنا للحين في يومنا الأول .. تسحرت عند اخوياي كبسة يحبها قلوبكم .. تحياتي للشيف بوعابد

وبعدها صلينا الفجر سوا وانا رحت شقتي ونمت لقبل صلاة الظهر صليت وقريت لي جزء من القرآن وبجلس باقي الوقت اسمع القرآن بصوت الشيخ ماهر المعيقلي

( مليون قلب مايكفي بحقه ) واتفح النت والله يصبرنا على الصيام لسى باقي 6 ساعات على الفطور

بس كل هذا بيتغير مع يوم الثلاثاء انا راجع الديره ان شاء الله عند الوالده عند الهريس والثريد بلا كبسة بوعابد بلا خرابيط

<< جاحد

وبس

Rio 5 · #26 23/08/2009, 01:37 AM

مرحبا يا شباب العالميه (

)

والله امس كنت اتكلم مع ميلان لوفر قلت له ليه ما فتحوا خيمه

ان شاء الله نكون مستانسين سوا

متآبع لكم

BARCELONISTA · #27 23/08/2009, 01:58 AM

الله حيهم

!

اولاً مبروك عليكم الشهر

و الله يتقبل منا و منكم صالح الآعمال

!

بـ النسبة لـ التعريف

:

معكم بندر القحطاني .. من الشرقية

.. 17 سنة و كم شهر

.. ثاني ثانوي بآذن الله

.. و آحب نادي الهلال و نادي برشلونة و آمي و آبوي و طاش ما طاش

! .. بـ النسبة لـ يومي في رمضان

:

نبدأ من السحور

.. آتسحر آول شيء ثم نروح آصلي الفجر و على فكرة يا شباب ترى فتحو عن بيتنا مسجد

باركولي

و الله يا آن البيت كله آرتاح

قبل كان المسجد بعيد و قلق آما آلحين من آفتح الباب آشوف المسجد

.. المهم آرجع من صلاة الفجر آفتح النت شوي إلا الساعة 6 - 7 ثم آنام .. آقوم آصلي الظهر و آرجع آنام و آقوم قبل صلاة العصر بـ شوي ! .. آتروش و آروح آصلي العصر ثم آشوف الآهل عندهم شيء يبونه من السوبر ماركت آذا عندهم آروح آقضيها ما عندهم الحمد لله

آروح المسجد آقرا قران ! ثم آرجع قبل الأآذان بساعة و آفتح النت إلين يآذن ثم يبدأ شغل الفطور

! نروح نصلي المغرب ثم آرجع و آتكي آنا و آخوي نتابع طاش و بيني و بينك

ثم آروح آصلي العشاء مع التراويح ثم نرجع آروح آتمشى آنا و آخوي مع آن الجو ما يساعد

! نرجع و نتابع باب الحارة ثم آتابع مباريات آو آي شيء ثم نطلع الشاطي كووورة

و فلة و آرجع مثل هـ الوقت 2

! ثم آتسحر و يتم اليوم مثل ما كان

!

= = =

شباب

مثل سؤال عُمر .. و زيادة على كذآ متى آعادة بيني و بينك ؟! و متى يجي مسابقات حليمة

؟!

الأمبراطور · #28 23/08/2009, 02:09 AM

شباب ..

متى يعاد سباق المشآهدين

? ?

Mr.Anfield · #29 23/08/2009, 02:12 AM

السلام عليكم .. وكل عام وانتم بخير إن شاء الله .. وأشكر مشرفين القسم والأخ كارليتوس على فتح هذا الموضوع وإلي يساعد على ترويح النفس شوي عن اجواء الكوره .

--

بالنسبه للبطاقه التعريفيه :

معاكم أنس القحطاني .. وانا حالياً في خميس مشيط وانا اسكن في الشرقيه .. وأبلغ من العمر 16 سنه يعني طالع لأول ثانوي واحب الإتحاد وليفربول [ ترا كلامي صدق والله ] .

بالنسبه للبرنامج :

أتسحر .. واغلب السحور يكون كبسه ومعاه بيبسي .. وبعدها اصلي الفجر وحط رآسك .. وبعدها صل الظهر وارقد .. وصل العصر وارقد .. وقوم على 6وربع واحنا يأذن عندنا سته ونص .. وافطر واعين من الله خير .. واصلي المغرب واتابع بيني وبينك وطاش ماطاش .. واصلي العشاء واصلي ركعتين او اربع من التراويح .. وبعدها اروح العب طائره مع اخوياي .. وبعدها ياتكيه عن واحد من الشباب او فره إلين 2 وارجع البيت وتحسر وصل الفجر وارقد .. وهكذا

--

تحياتي