وشسمه يعطيكم العافيه ع الموضوع والله توني ادري انكم تكتبونها<<

المهم نجي لمدربنا سباليتي انا وجه نظري تقول يجب تغيرره



سباليتي خلق خطه غريبه عجيبه وبالفعل نجحت كان روما مايلعب بمهاجم وفي نفس الوقت كآنت روما اكثر فريق يسجل بس مشكله سبآل انه كمل ع الخطه بنفس كل شي بنفس الاوراق بنفس حتى اللاعبين ولو كان موجود أفضل منهم هذآ اثر على روما كثير خصوصا الموسم الماضي كآن لازم يغير الخطه كان اكثر من نص الفريق مصاب والباقي مستواهم طايح مع ذلك اصر وكمل على خطته العقيمه حتى وصلت خسايرنا ل6 متتاليه! وهو نفس التكتبك! غيرها ولعبنا حلو فزنا ع تشيلسي ... وهو يروح ويرجع ع خطته

سباليتي من وجه نظري مايصلح للانديه الكبيره يعني ماتقدر تمسكه البرسا وتتوقع ان يجيب الثلاثه سباليتي اعتبره انا مدرب فرق متوسطه يعني مسكه فريق مستواه عادي يخليه ينآفس لك مثل ماشفنا مع الادوني بس نلاجظه في اكثر مبارايات روما الفريق يخسر بهدف اول 10 دقآيق سباليتي يستسلم ويجلس ع الدكه حاط يده على خده ويعيب عليه بعد ادخاله لاعبينمنتهين على حسآب شباب النادي وبعدخلافاته مع اللاعبين

بس يبقى مدرب جيد ولو اني اتمنى رحيله

وخطته على فكره حتى الان مانعرفها قال بايه الموسم بأستعمل 4-2-4 وبعدها لعب بـ 4-4-2 وآخر مباراه 4-2-3-1 والله حيرنا معه

وشسمه آسف ع الاطاله وبالتوفيق لروما

سباليتي

أوافقك انت والأعضاء انه هذي افضل خطة تناسب امكانيات روما
بحيث انها آمنه دفاعيا "اذا سلمو من المدافعين اللي من فئة حمد الصقور "
وفعاله هجوميا بوجود فوزينيتش وتوتي

روما مشكلته اللي تحوس خطته هي كثرة النجوم
لدرجة انه المدرب يحتار كل مباراة وين يلعب فوزينيتش راس حربه أو جناح

مفاتيح روما بالمباريات
امكانيات فوزينيتش
وتسديدات الثلاثي توتي, بيزارو, دي روسي

الأجنحه ضعيفه جدا مثل ماقال محرر برشلونه (هلالي وأحب برشلونه 9 ) << لبى قلوبهم البرشلونيين فاهمين

برشلونه يحتاج ثبات وتفاهم بين المدافعين (اذا سلمو من الاصابات)
ويحتاج أجنحه فعاله

الفرنسي مينيز حل نص المشكله بقي النص الثاني للحين مشكله

مع أي اصابة لتوتي أو فوزينيتش
تتلخبط خطة روما وفعاليته الهجوميه
بسبب ضعف اللاعبين في الدكه


طبعا كل المشاكل اللي عددناها المتسبب الأول والأخير فيها هي روزيلا سينسي
تبيع ولا تشتري
مطفرين لدرجة انهم يمكن يبيعون كور التمرين ويخلون كورتين بس


فكـرة : {النمر15}
تطوير : مشرفي و إستشاريي الرياضة العالميّة
iq1399 : تقديم العدد الثالث

هم نقول لهم مشكورين بس القلب لك لحالك

مبروك عليكم الشهر الكريم ..

بالنسبة لسباليتي .. لو هو مدرب محنك يستاهل ترص اسمه بجنب كابيللو وليبي وهيدينك وفريقسون وانشلوتي .. كان على الأقل أخذ السكودييتو مع روما مرتين .. يعني بالله في ظل ظروف الكالتشيو الصعبة هذي ومعك اثنين (واحد منهم يكفي ) توتي ودي روسي .. ولا تأخذ الدوري ..
ولكم في الانتر عبرة يا أولي الألباب << بإبرا بس (مع شوية تحكيم) أخذوا الدوري ..

سلام عليكم

بصراحه موضوع ممتاز وحلو

حاب اني اتكلم بختصار سريع عن مدرب روما سباليتي

بصراحه الاقرع سوا الهوايل مع روما وكون فريق ممتاز وكذلك اتبع حدسه واسلوبه

انا اتوقع والعلم عند الله ان خطته هذي كونها وسواها عشان توتي نفسه بحيث ان الفريق ينقصه الاجنحه الفعاله بشكل كبير

اعتقد انه المدرب الوحيد حاليا الانسب لروما رغم بعض عفواته لكن يبقى مدرب كبير وجيد

يعطيك العافيه محمد على الموضوع



بالنسبه لسباليتي فأنا ارى فيه ميزه ما احصلها عند اي مدرب وهي انه يحب ايده ويقول الحمد لله


لا بجد يعني يتكيف مع اللاعبين اللي عنده وما يطلب من الاداره اسماء كبيره

والشيء الثاني اللي يعجبني بسباليتي هو تكتيكه ..,

عليه تكتيك غريب وما اشوفه عند اي مدرب من مدربين الكالتشيو

وخير مثال على كلامي مباراة روما مع ميلان بسانسيرو وكيف فاز روما !!!


اما عن طريقة لعب سباليتي فانا اشوفه ممتازه قدام الفرق الضعيفه وغير مجديه بلانسبه للفرق القويه او المتوسطه


وشفنا روما بالموسم اللي فات كيف كان ابو الاربعات


انهزم من الانتر ولاتسيو واليوفي والفيولا بأربعه



انا لو مكان سباليتي كان اطلب من الاداره جلب لاعب يعوض اكويلاني

وجلب مدافع يكون بجانب ميكسيس ومهاجم ينهي الهجمه بنجاح (قناص )


وايضآ اغير الخطه اللي استخدمها الى خطه دفاعيه ضد الفرق الكبيره

واستمر بلعب الخطه الحاليه امام الفرق الصغيره



شكرآ لك ابو نايف والشكر موصول لصاحب الفكره

يآآ سـلآآآآآآمــ

الله الله الله

فكرهـ .. روعـه .. من زمان ودي أهذر في مثل هالمواضيع ..

و الأجمل و الأكمل و الاحلى .. ان هالموضوع عن سباليتي

أحد أفضل المدربين في العالم على الإطلاق .. شاء من شاء و أبى من أبى << بيضارب

طيب ..

بعد كل عام وانتم بخير .. نبدأ بسم الله ..!!

* :.:.:.: *


لوشيانو سباليتي .. في رايي أحد افضل مدربين الجيل الثالث .. اقصد الجيل الجديد .. ان لم يكن أفضلهم ..

و الأرقام تقول ذلك .. واحب استعرض بعض الملعومات البسيطة عن سبال

* سباليتي نجح مع أودنيزي نجاح تاريخي .. فأهلهم لـ دوري الأبطال لأول مرة في تاريخهم

* سباليتي نجح مع روما في دوري الأبطال نجاح تاريخي فتأهل من لـ دور الثمانية مرتين متتالية .. و في المرة الثالثه خرج من دوري الـ 16 بركلات الحظ امام الآرسنال

وهو الأمر الذي لم يفعله كابيلو مع روما حينما كان يمتلك احد أفضل الفرق في أوروبا

* سباليتي حقق مع روما المركز الثاني ثلاث مرات .. صحيح أولاهما بأثر رجعي بسبب الكالتشيو بولي .. ولكن الثالثة كان قاب قوسين أو ادنى من تحقيق الاسكوديتو .. ولكن خسر الدوري في آخر شوط .. ركزوا .. آخر شوط .. وليس آخر مباراة

- كل هذا .. وهو في فريق ما عنده وفرة نجوم مثل بقية الفرق الكبيرهـ ..

- نجاح سباليتي ليس مقتصراً على ابتكار الخطط .. بل انه جعل من اللاعبين العاديين .. لاعبين يصنعون الفارق .. وفي أماكن و مواضع صعبة .. [ كاسيتي - تونيتو - فوجنتش - موتا - بريغي - تادي .. الخ ]


هذا أولاً ..
**


أما بالنسبة لنسبة نجاحه مع روما .. فلا يجب ان تقاس بموسم واحد ..

انا ابغى أعرف من الي يحملون سباليتي اخفاق الموسم الماضي .. ممكن أعرف وش أخطاء سبال الموسم الماضي ؟

سبب أخفاق روما الموسم الماضي هو الإصابات ..

برشلونه وهو الفريق المعروف .. قبل موسمين .. و بالضبط آخر موسم لـ ريكارد .. كانت الإصابات سبب رئيسي في عدم ظهور الفريق بمستواه الطبيعي ..!!

هذا وهو برشلونه .. الفريق المرصع بالنجوم .. فما بالك بفريق ما عنده احتياط ؟؟

روما الموسم الماضي جميع لاعبيه انصابوا !!

اتحدى احد يطلع لي لاعب من روما ما انصاب الموسم الماضي ؟؟

إلا يمكن ريزا و دي روسي .. علماً بأن دي روسي انصاب اصابه طفيفه ولكنه تعالج منها .. وحتى تعالج منها مع الجهاز الطبي في المنتخب .. و اذكر وقتها صرح بأنه عانى من تلك الاصابة مع روما .. الي طاقمه الطبي ما لقيوا لها حل !!

[ دوني - خوان - مكسيس - كاسيتي - تونيتو - سيسنهو - بيزارو - آكويلاني - تادي - بيروتا - فوجنتش - توتي - بانوتشي ] كل ذولا انصابوا ..

و روما في الموسم الماضي ما اذكر انه اكتمل !! تصدقون !! طيب نلوم سباليتي هنا ؟؟


**

طيب نروح لـ طريقة لعب سباليتي ..

بس قبل ما اتفلسف .. احب اعدل شي في الخطة .. المهاجم الي قدام مهوب راس حربه ..

الي قدام يعتبر مهاجم حر اكثر من كونه راس حربه .. والي هو توتي طبعاً ..

-

طريقة لعب سباليتي .. طريقة رائعة جداً .. و مبتكرة ..

بس الي لاحظته في طريقته سبال .. لو تركزون .. تحسون ان فيها شبه من طريقة كابيلو مع روما لما حقق الاسكوديتو

طيب .. وشهي طريقة كابيلو لما حققنا الاسكوديتو ؟؟

ركزوا معي << مدرس لغة


بيلتزولي
ألداير .. صامويل .. بانوتشي
كانديلا .. إيمرسون .. توماسي .. كافو
توتي
مونتلا .. باتيستوتا


ركز في هالتشكيلة ..

توتي يلعب صانع لعب وحيد .. لانه خط وسط لحاله

اميرسون و توماسي محاور ..

كانديلا و كافو عالأجناب .. و ربما مهامهم الهجومية اكثر من الدفاعية لأن خلفهم ثلاث سناتر دفاعية ..

مونتلا و باتيقول في الأمام ..

أما في طريقة سباليتي فبينما يلعب بـ سنترين دفاع [ خوان - مكسيس ] .. فإن الأظهرة [ ريزا - موتا ] يعودون أكثر دفاعياً ..

و أيضاً هناك ثلاث محاور مختلفة في مهامها [ دي روسي - بيزارو - بريغي أو بيروتا ] ..

بمعنى ..

سباليتي يلعب بقلبي دفاع .. اذاً هناك ثلاث محاور ..
و كابيلو يلعب بثلاث قلوب دفاع .. إذا هناك محورين ..

هذا من ناحية دفاعية ..

طيب هجومياً ..؟؟

في تشكيلة كابيلو كان الثلث الهجومي يتكون من ثلاث عناصر .. [ توتي - مونتلا - باتيقول ] ..
و في تشكيلة سباليتي لو نلاحظ .. أيضاً هناك ثلاث عناصر يتكون منها الثلث الهجومي .. [ فوجنتش - تادي - توتي ]

يعني فيه تشابه .!!

الفرق هنا أن :-

في طريقة كابيلو كانت الثلاثة عناصر عبارة عن .. [ صانع لعب و رأسين حربه ].. [ توتي و مونتلا و باتيقول على التوالي ]

أما في طريقة سباليتي فإن الثلاث عناصر عبارة عن .. [ جناحين و توتي ] .. ما راح اقول جناحين و مهاجم ..
لأن توتي في هذه الطريقة ما تدري وشهو ؟ توتي في هالطريقة يقوم بدور فريد من نوعه .. و سباليتي وظفه بذكاء منقطع النظير ..

فـ نظراً لحالة توتي البدنية .. فإن على توتي ان لا يتراجع كثيراً ..

و على تادي [ صاحب النزعة الدفاعية ] و فوجنتش ان يتراجعوا هم في حال فقد الفريق الكرة ..

أما في حال امتلاك روما للكرة .. فإن توتي بلمساته السحرية لا يستحيي أن يصنع للفريق الهجمات و خصوصاً فوجنتش [ صاحب النزعة الهجومية ] ..
و سيكون الفريق و جماهيره من أشد المرحبين لو تواجد توتي أيضاً للتهديف

بمعنى .. انا توتي لاعب محوري في هالتشكيلة .. خصوصاً في الثلث الهجومي

فهم يقوم بدور خارق .. دون بذل مجهود كبير ..
صناعة اللعب و الأهداف + تسجيل الاهداف ..

وحقق توتي نجاح كبير بهالطريقة .. فحصل على جائزة افضل هداف في أوروبا

في هذا الموسم .. قال سباليتي بأنه راح يغير طريقته ..

ويلعب بـ 4/2/4 .. يعني كذا

#
# # # #
# #
# . . . . #
# #

ولكن أكد بانه لا غنى عن الطريقة القديمة [ 4/2/3/1]

في رأيي انا .. بان هالطريقة [ الطريقة القديمة والي الحديث عنها طبعاً ] تحتاج لـ جناحين سريعين ..

لو تواجد هذا الخيار لدي وانا مدرب روما .. يا سلآآآم

بس راح أثبت محورين .. واخلي الثالث ( الي هو الي خلف توتي و بين الجناحين ) .. اخليه بيزارو .. واجعل وظيفته توزيع الكرات وهو واقف ..

و أكون بكذا .. استفدت حاجتين ..

1 / قويت دفاعي .. بتثبيتي لـ لاعبين و نص .. يعني لاعبين ثابتين تماماً .. و النص هو بيزارو اللي راح يكون ثابت اكثر مما هو متقدم .. بس اكيد راح يتحرك كثير مابين المحورين والثلث الهجومي بالنسبة لفريقي ..
2 / جعلت فريقي اكثر جودة هجومياً باعتمادي على سرعة الجناحين ( علماً بان روما من أبطأ الفرق على مستوى العالم ) .. وايضاً راح اختصر المسافة الي ما بين الدفاع و الهجوم بتمريرات بيزارو الخورافيه .. وفي نفس الوقت اعوض عدم رجوع توتي كثير ..

بالنسبة للجناحين السريعين .. فعندنا فوجنتش لديه سرعة لا بأس بها ..و يقولون ان جوبيرتي لاعبنا الجديد عليه سرعة مهيب صاحية .. نتمنى ذلك


وش رايكم ماني بطل


هذا كل ما عندي ..

ومبارك عليكم الشهر

اهلين خبيرنا



خطته والاستراتيجيهـ اللي يستخدمها حلوهـ ويبي لها دهاء كبير !!
وتوظف اللعيبه صح وعالعموم هالخطه خصوصا كل ما سواها مدرب تعتمد على دهاءهـ اولا واخيرا يعني تشوف نفس الخطه يسويها مدرب غيرهـ وممكن نفس اللعيبه لكن مايوصلون لسباليتي لان مثل هالخطط يبيلها توجيهات احيانا ممكن تكون بسيطهـ لكن تاثر كثيييير بالخطهـ !! وخير دليل كلام شبيه الريح عن خطة كوزمين يوم قال يبيلها توجيهات داخل الملعب يعني باختصار متابعة المدرب الجيدهـ وقراءته للمباراة وتوجيهات قبل المباراة وبين الشوطين واثناء الماتش تؤثر كثيير ع الخطه ..

عالعموم تبقى هالخطه اكوس شي عندي لان يبي لها مخمه واللي مزينها يمديك تسوي تكتيك معين كل خمس دقايق لان الخيارت فيها كثيرهـ !!

نعطي امثلهـ ! ممكن بهالتشكيلة وغالبا المهاجم لازم يكون قناص لكن مايصير لاعب صندوق ويكون يجيد التمريرات للقادمين من الخلف ..وومكن يرجع وسط وياخذ مكانه احد لاعبي الوسط عشان يسحب بعض المدافعين معه..
وترا ميزة هالخطه مايحتاج لها لاعبين سريعين لان الكورة بتكون بملعبك وبتكون ممتلك الكورة اغلب الاوقات يعني تحتاج لاعبين ذوي مهارهـ عاليهـ
والاهم من ذلك يكون عندك لاعبين يجيدون الكرات الثابته ولاعبين يجيدون الراسيات من الكرات الثابته اما العرضيات ع حسب اذا كنت تبي لعيبة الجناح والوسط يتقدمون مع المهاجم او لا وهذا مثال ع التكتيكات الكثيرهـ بهالخطهـ

ونسيت نقطه مهم جدا وهي لعيبة الوسط لازم يكونون يجيدون الاختراق من العمق وعندهم الشجاعه والمهارهـ باختراق المحاور والدفاع واذا كان بالفريق لعيبة مثل كذا خلاص الفريق بيكون غالبا باحلى مستوياته

كل اللي فوق نتكلم عن الحاله الهجومية الحين نجي للحاله الدفاعيه <~ماعمري حطيته قلت نجربه

الاظهرهـ خاصة اذا كان الفريق مايمتلك لاعبين وسط يخترقون من العمق لازم يتقدمون كثير ويكونون جبهات ع جهاتهم مع لاعبين الوسط يمين ويسار وبهالطريقة يفضى الملعب للاعب الوسط اللي بالنص وللمهاجم ممكن يتقدمون ويستفيدون من العرضيات الارضيه او العاليه او تجيهم كورة وبلمسة وحده توصل للمهاجم او العكس
او الكورة توصل للاعب الوسط ويناولها للظهير المشوّت مثل انطلاقات الزوري الموسم اللي راح

المحاور وهم من اهم المراكز بالفريق واللي لازم يكونون جميعهم دفاعين بقوهـ
واذا كانو المحاور باحلى حالاتهم بيكون افريق باحلى عطاءاته الدفاعيه

الدفاع السناتر ماقدر اتكلم لا اخفيكم سر اني عجزت افهم للدفاع وطريقته وطريقة التوجيهات الدفاع اصلا كله سامج فا اخليها لكم

محمد شكرا على الموضوع ..

\
/
عبدالعزيز

يا هلا فيك أخوي محمد



من ابرز مدربين ايطآليا في الخمس سنوآت الاخيره

لكن امكآنيات روما مآ تسآعده كثير

اما من نآحية خطته

هي ممتآزه جدا

لكن امكآنيات الفريق مآ تسآعده كثير .. لانه مآ يملك الاجنحه الي رآح تسآعده مع الاطرآف

كذلك وسط ملعبه رآح يفتقد لاكويلاني .. صحيح انه مآ قدم في الموسم المآضي المستوى المأمول

طبعا الي يحتآجه سبآليتي

1- جنآح سريع

2- قلب دفآع يكون بديل للثنآئي "" خوآن + ميكسس "" وطبعا راح يتحقق هالشي مع بورديسو

3- جلب لاعبين قيآديين .. أو أصحآب الخبره الكبيره مثل دي ناتالي

4- تهيئة الفريق .. و محآوله في مسآعدة فوزي في تطوير مهآراته

تسلم أخوي محمد