20/08/2009, 10:46 AM
|
| زعيــم متواصــل | | تاريخ التسجيل: 27/04/2005 المكان: فيه غير جدهـ
مشاركات: 189
| |
يابو مساعد....وين اللي يحترقون للفنيله ماشفت الا بعضهم؟؟؟
بسم الله الرحمن الرحيم اولا مبارك عليكم الشهر وكل عام وانتم بخير وثانيا مبروك عليكم الفوز ابدا بالموضوع على طووول ياسمو الامير عبدالرحمن بن مساعد ياقلبنا النابض يامن طرحنا جميع الثقه فيك وانت قدها بأذن الله... ابي اسال سوال واحد وين اللي احترقوا للفنيله في مباراة البارح ؟؟ اعتقد ياسمو الامير جميعنا شاهدنا مقابلتك بعد نهاية الموسم المنصرم في قناة الاي ار تي وبالتحديد قلت بالنص(راح اطمنكم ياجمهور الهلال انكم راح تشاهدون لاعبين يحترقون للفنيلة )؟ البارح وبكل ثقه حضر جمهور الهلال للملعب ليشاهد ثمرة معسكر طويل اجهدوا فيه اللاعبين وليشاهدوا مدربهم الداهية الجديد ايريك جريتيس وليشاهدوا نيفيز وعيسى ولي يونغ بقميص الهلال لكن انصدمنا جميعا من حضور ومن متابعين خلف الشاشات بأداء باهت ومستوى منخفض اكثر ماحزنت عليه هو ياسر فصار لعبه بدائي كثير المراوغه كثير السقوط بأي كره يريد ان يسقط ورأيت نيفيز متأثر بالرطوبه بعكس ولي اللذي كان حريقه ماشاء الله داخل الملعب. نقطه اخر السطر في الاخير ياسمو الامير عدة المباراة على خير وانتصرنا لكن نبي نشوف هلالنا مثل ماعهدناه من قبل اربعة وخمس مواسم هلال يرعب الخصوم يفوز دون رحمة انا لا استهون بفريق القادسية لكن لاوجود مع احترامي للفريق القدساوي اي مقارنه بين الاسماء والاداراة والجهاز الفني والجمهور والدعم والخ بالاخير ابي اطلع حرة بقلبي وعارف ان كثير من جمهورنا هداهم الله يقولون اول مباراة مادروا ان الهلال لعب اكثر من خمس مبارايات تجريبية واستعداد في اوروبا كان على اعلى مستواء ... الا وهي تصنيف للاعبين في مباراة البارح كلن على حسب مجهودهـ... نبدأ 1/محمد الدعيع(ماقصر كفى ووفاء وهو قدها وقدود) 2/اسامة هوساوي(ابو كلبشه الود ودة يسجل هدف عشان يصحصح بالمهاجمين) 3/ماجد المرشدي(ماجد انتبه لنفسك زين وهفوة السلمي ماراح نسمح لها ان تتكرر خصوصا مع مهاجمين في فرق اخرى) 4/لي يونغ(مدري وش اقول لكن انت بأذن الله راح تعوضنا عن مافقدناه بعد الدوخي) 5/الزوري (سباح كفيت ووفيت يعطيك العافية) 6/وليهامسون(شعلة من اللياقه والنشاط واثبات الذات وانت اكبر من ترد على من قالوا الرطوبة اثرت على الاعبين وانها اول مباراة وعطو اللاعبين فرصة) 7/نيفيز(ادري ان مستواك احسن من كذا بكثير وننتظر من اكثر واكثر) 8/الدوسري(احب لعبك تذكرني بقهوجي وابدعاه ماغلط من قال عنك ميسي) 9/الشلهوب(للسنة الرابعة على التوالي ظرووووف) 10/الغنام(هدفك ولا اروع كفيت ووفيت) 11/ رادوي( كفيت ووفيت يعطيك الف عافية بطل يارداوي) 12/عيسى المحياني(رجوع للخلف حسب تعليمات المدرب واول مباراة وخروج مبكر ننتظر من اكثر ياكابتن) 13/أحمد الصويلح(هدفك ولا اجمل فرحت قلوب كانت عطشانة وسكت افواه كانت بتتكلم) 14ياسر القحطاني(ياسمي مستواك وصل الى تحت الصفر ولسى متمسكين فيك ونحبك ونعرف انك لاعب من زمن اخر لكن لاتمحي مابنيته لدرجة صرت متاكد كلما استلمت الكره انها راح تنقطع او فاول ليه ياياسر سؤال جريتيتس راح يجاوبك عليه وراح يحطك مو بالاحتياط بالمدرجات وحنا مانبي الشئ هذا لكن لكل مجتهد نصيب والكرة تخدم من يخدمها ولا احد فوق الكيان) وفي الاخير اعيد ان كل ماكتبته تعتبر وجهة نظر شخصية لاتحسب لاي احد وماكتبته عن بعض االاعبين حتى ولو قسوة عليهم لكن يعذروني فأنا احب الكيان كما تحبونه واريد الافضل دائما .... وراح اتقبل اي وجهة نظر من اخواني عشاق الزعيم لاننا نختلف من اجل مصلحة الهلال سبحان الله وبحمدك اشهد الا اله غيرك استغفرك واتوب اليك |
الوضع الشجري
