الاول شي السلام عليكم
وثاني شي .. اهنيكم على الفوز الهلالي واللي خلانا نستحق 3 نقاط بكل جداره


طبعاً لما نجي نتكلم عن الكيان الهلالي
وعن كمية حبنا للزعيم . كـ اداره وكـ فريق
ممكن كلنا راح يقول انا عشقي له الاكبر

لكن صدقوني .. انا عشقته الفريق بكل خطوه يسويها
لما انهزمنا من الاتحاد بنهائي الدوري اللي فات يعلم الله الدنيا سودت بوجهي
مع اني كنت حاس اصلاً من البدايه .. بس ما كنت اتخيل الموقف

عموماً اللي ابي اقوله هو من حرصي على الزعيم
الوضع اللي صار مع القادسيه حسسني بخوف شوي
انا ادعي الله من كل قلبي ان اللي صار امس كان بسبب عامل الرطوبه
اتمنى من كل قلبي ان عامل الرطوبه هو اللي أثر على مستوى (نيفيز)
لدرجه اننا ما نعرف نستغل ولا كوره ثابته .. ويا كثر ما جتنا كور ثابته
كم عدد الركنيات اللي حصلنا عليها؟
كم عدد الفاولات الي حصلنا عليها وقريبه من منطقة الجزاء؟!
ولا هان الحكم العمري الله يخليه لنا ذخر انشالله على اللي ما احتسبه من بلنتيات واخطاء تحكيميه بحته

- قريت كم موضوع من اللي مطروحين اليوم
كان اغلب اللي هنا تلاقيهم ما عندهم لوم الا لياسر
يقولك " ياسر ما لعب" و " ياسر شكله ما وده يرجع لمستواه بسبب النعيم اللي هو فيه "

ياسر مو مجبور انه يقدم له مستواه 100% في كل مباراه
ياخي احنا بشر
ومهما كان ما نقدر نعتمد على لاعب واحد في كل الدوري
ياسر ما سجل!!!!!
ياااسر لو كان ناول كان احسن !!!
ياااسر طايح لي هاليومين بالتمثيل !!!

طيب وبعدين ؟
حططوا اللوم على لاعبين كثير انسوا ياسر
بالعربي احنا محتاجين راس حربه اجنبي
نبي راس حربه يخلص على طول
مع احترامي للعنبر والصويلح اللي ابدع اليوم وريّحنا
بس محتاجين والله
وادري كلامي متأخر بس جا بخاطري اقوله وجيتكم






تحياتي للكل واتمنى التوفيق للازرق بالمباريات الجايه




اخوكم/ جنــتل