17/08/2009, 11:57 AM
|
| زعيــم نشيــط | | تاريخ التسجيل: 24/09/2005
مشاركات: 947
| |
| هذي عقلية اللاعب .. لاعبيننا كسالى مايفكرون كيف يبذلون مجهود اضافي او احيانا المطلوب حتى ..!!
انت كلاعب لازم تحرص تطور مستواك .. المدرب ممكن يفتك عيونك لاشياء لكن مستحيل يطورك لو ماتبي تتطور بنفسك ..
بصراحة انا منصدم من عقلية لاعبي الحواري بالهلال اخر السنين .. عقلية ما تنبزى بريال ياشيخ .. بعد كوزمين كانوا يسحبون رجولهم ويقولون ماعرفنا نلعب لان المدرب تغير .. بسم الله عليكم مادريت انه يركض بدالكم ويفكر عنكم ..!!
حتى اللاعبين اللي توقعناهم يقدمون مستوى كبير ينعكس عالبقية خذلونا .. خذلونا .. خذلووووووونااااااااااااااا
الهلال ماشي عالبركة .. لأن اللاعبين ماهو كلهم هلاليين من قلب زي زمان .. بمليون يجون وبمليون يتنسقون .. لكن مجهود اضافي انسى ..
مادري وش الحل معهم لانك تنقهر تشوفهم رجال بعقليات اطفال احيانا او بعقليات متبلدة مايهمها تطور نفسها علشان الفريق .. راتبه يمشي ومكافآته تجيه .. وشو الدافع ؟ ولا شيء .. لذلك نشوف الهلال منتكس وقت الازمات
سامي في اخر سنة له قلب مباريات للهلال زي الاهلي 3-2 بجدة .. او لما نزل ضد الحزم رغم انه ماهو فريق قوي لكن فريقنا مافاز الا بعد مانزلت "روح سامي"
عطني روح وعطني عقليات احترافية بتشوف فريق مبهر .. لو غاب الدافع وش مفترض تسوي؟ تغصبهم؟ انا مادري وش الحل بصراحة لكن اتمنى ينحل هالموضوع
*لاحظوا كثير من منسقي الهلال يتجهون لفريق الفقر بدون مبالاة لشعار الهلال وبلاش نقول جمهوره .. هذولي اللاعبين ترا هم نفسهم اللي نعتمد على الله ثم عليهم بالميدان ويخذلوننا كثيرا وبعضهم يخذلوننا دائما وابدا
خلونا نفضفض شوي لاننا مخنوقين من عقب بربسة ام صلال ومباريات قبلها |
الوضع العادي
